Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Levitiko 24:1-23

24  Ua fetalai mai pea Ieova iā Mose e faapea:  “Ia e poloaʻi atu i le fanauga a Isaraelu, ia latou aumai iā te oe le suāuu lelei mai i olive ua tuʻi mo le molī,+ ina ia faamalamalama ai pea.+  E ao ona vaai e Arona ua mumū pea le molī i luma o Ieova mai i le afiafi seʻia oo i le taeao, i luma o le ʻie puipui o le atolaau i le faleʻie o le feiloaʻiga. O le tulafono lenei mo se taimi umi iā te outou ma o outou tupulaga o loo mulimuli mai.  E na te saunia molī+ i luga o le tuugāmolī+ o auro māoʻi i aso uma lava i luma o Ieova.+  “Ia e ave foʻi le falaoamata lelei e fai ai falaoa lapotopoto e sefulu lua, ona tao lea. E tatau ona iai le lua vaesefulu o le fua o le efa i falaoa lapotopoto taʻitasi.  Ia e faia ni faaputuga se lua, e taʻiono falaoa i le faaputuga e tasi,+ ma tuu i luga o le laulau ua faia i le auro māoʻi i luma o Ieova.+  E ao ona e tuu i ai o le lipano lelei i faaputuga taʻitasi, ma ia fai ma falaoa e fai ma faamanatuga+ i le Atua, o le taulaga iā Ieova ua faia i le afi.  O le a saunia e ia falaoa e lē aunoa+ i lea sapati ma lea sapati i luma o Ieova. O le feagaiga lea mo se taimi umi ma atalii o Isaraelu.  E ao ona fai ma Arona ma ona atalii,+ ma e aai ai i latou i le nofoaga paia,+ auā o se mea e sili ona paia mo ia mai i taulaga iā Ieova ua faia i le afi, o se tuutuuga lea mo se taimi umi.” 10  Ua iai le tama tama a le fafine Isaraelu, o ia foʻi o le atalii o le tane Aikupito,+ ua alu atu o ia i le fanauga a Isaraelu, ma ua fusu+ le tama a le fafine Isaraelu ma le tamāloa Isaraelu i le togālauapi. 11  Ua amata ona upuleagaina le suafa+ o le Atua e le tama tama a le fafine Isaraelu ma fetuu i ai.+ Ona latou avatua lea o ia iā Mose.+ O le igoa o lona tinā o Selomita, o le afafine o Kiperi mai i le ituaiga o Tanu. 12  Ua latou tuuina atu o ia ia leoleoina+ seʻia aumaia se faailoaga manino iā i latou e tusa ma fetalaiga a Ieova.+ 13  Ua fetalai mai Ieova iā Mose e faapea: 14  “Ia ave lē na fetuu i tua o le togālauapi,+ ma o i latou uma na faalogo iā te ia, e ao ona faaee o latou lima+ i luga o lona ulu, ma ia fetogi o ia i maa e le faapotopotoga atoa.+ 15  E te fai atu foʻi i le fanauga a Isaraelu e faapea, ‘Afai e fetuu se tasi i lona Atua, e ao ona ia tali atu mo lana agasala. 16  E ao ona fasiotia lava lē na taʻuleagaina le suafa o Ieova.+ E fetogia o ia i maa e le faapotopotoga atoa. E faapea lava ona fasiotia le tagata ese e pei o le tagatānuu, ona o le taʻuleagaina o lea suafa.+ 17  “ ‘Afai e fasi e se tane se isi ma oti ai, e ao lava ona fasiotia o ia.+ 18  A o lē na fasia se manu lata a se isi tagata, e ao ona ia totogi atu lea manu, o le manu e sui ai le manu.+ 19  Afai ua lavea se tasi i lona tuaoi, e pei ona ia faia, ia faapea lava ona faia iā te ia.+ 20  O le gau e sui ai le gau, o le mata e sui ai le mata, o le nifo e sui ai le nifo; o le mea na lavea ai lea tagata, o le mea foʻi lea ia faia iā te ia.+ 21  O lē na fasia le manu+ a se isi, ia totogi+ atu le manu, a o lē na fasia se isi tagata ma oti ai, e ao lava ona fasiotia o ia.+ 22  “ ‘E tasi le iʻuga o faamasinoga mo outou, e tusa lava po o le tagata ese e aumau, po o le tagatānuu,+ auā o aʻu o Ieova o lo outou Atua.’ ”+ 23  Mulimuli ane, ona faamatala atu lea e Mose i le fanauga a Isaraelu, ma ua latou aumaia lē na fetuu i tua o le togālauapi, ua latou fetogi iā te ia i maa.+ Ua faapea lava ona faia e le fanauga a Isaraelu e pei ona poloaʻi mai ai Ieova iā Mose.

Faamatalaga Pito i Lalo