Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Levitiko 13:1-59

13  Ua toe fetalai mai Ieova iā Mose ma Arona e faapea:  “Afai e oso mai se poʻu i le tino o se tagata, po o se paʻupaʻu,+ po o se ila, ma ua iʻu ina maua ai i le maʻi o le lepela,+ e ao ona avatu o ia iā Arona le ositaulaga, po o se tasi o ositaulaga, o ona atalii ia.+  E ao ona vaai i ai le ositaulaga i le maʻi ua i le paʻu o le tino.+ Afai ua liu papaʻe fulufulu i le mea ua iai le maʻi, ma ua iloa ua sosolo le maʻi i le aano, o le maʻi lea o le lepela. E ao i le ositaulaga ona vaai i ai, ma taʻu atu ua lē mamā o ia.  Ae afai e paʻepaʻe le ila i le paʻu o lona tino, ma ua iloa ua lē sosolo i le aano, ma ua lē liu papaʻe fulufulu, e ao i le ositaulaga ona faanofoesea+ o ia i aso e fitu.  E ao i le ositaulaga ona vaai iā te ia i le aso lona fitu, ma afai e foliga mai ua teʻa le maʻi, ua lē sosolo i le paʻu, e ao i le ositaulaga ona faanofoesea+ o ia mo isi aso e fitu.  “E ao i le ositaulaga ona toe vaai iā te ia i le aso lona fitu, afai ua tau vaivai le lanu o le maʻi, ma ua lē sosolo i le paʻu, e ao i le ositaulaga ona taʻu atu ua mamā o ia. O le paʻupaʻu lea. E ao ona tatā ona ofu ma mamā ai o ia.  Ae afai e sosolo lava le paʻupaʻu i le paʻu ae ua uma ona alu atu i le ositaulaga, ma ua uma ona taʻu atu ua mamā o ia, e ao ona ia toe alu atu i luma o le ositaulaga,+  e ao foʻi i le ositaulaga ona vaai i ai; ma afai ua sosolo le paʻupaʻu i le paʻu, e ao i le ositaulaga ona taʻu atu ua lē mamā o ia. O le lepela lea.+  “Afai e maua se tagata i le maʻi o le lepela, e ao ona avatu o ia i le ositaulaga. 10  E ao i le ositaulaga ona vaai i ai;+ ae afai ua iai se poʻu paʻepaʻe i le paʻu, ma ua liu papaʻe ai fulufulu,* ma ua tōtō aano+ ai le poʻu, 11  e tugā le lepela+ i le paʻu o lona tino; e ao i le ositaulaga ona taʻu atu ua lē mamā o ia. E lē manaʻomia ona faanofoesea+ o ia, auā ua lē mamā o ia. 12  Ae afai ua matuā sosolo le lepela i le paʻu, ma ua lilofia uma ai le paʻu o se tasi ua maua i le maʻi, e mai i lona ulu e oo i ona vae, i mea uma ua vaai i ai le ositaulaga; 13  ua vaai i ai le ositaulaga ma ua lilofia lona tino i le lepela, ona ia taʻu atu lea ua mamā* le tagata maʻi. Ua liu paʻepaʻe uma le lepela. Ua mamā o ia. 14  Ae o le aso e iloa ai ua tōtō aano le maʻi, ua lē mamā o ia. 15  E ao i le ositaulaga+ ona vaai i le tōtō aano, ma e ao ona ia taʻu atu ua lē mamā o ia, ona o le tōtō aano. O le lepela lea.+ 16  Ae afai foʻi ua pē le poʻu lea na tōtō aano ma ua toe liu paʻepaʻe, e ao ona ia alu atu i le ositaulaga. 17  E ao i le ositaulaga ona vaai iā te ia,+ ma afai ua liu paʻepaʻe le maʻi, ona taʻu atu lea e le ositaulaga, ua mamā le tagata maʻi. Ua mamā lava o ia. 18  “A faapea e oso se maʻi sua+ i le tino o se tasi ae ua pē, 19  ma ua oso aʻe ai se poʻu paʻepaʻe po o se ila mūmū paʻepaʻe i le mea sa iai le maʻi sua, e ao ona ia faaali atu i le ositaulaga. 20  E ao i le ositaulaga ona vaai i ai,+ ae afai e sosolo i le aano ma ua liu papaʻe fulufulu, e ao i le ositaulaga ona taʻu atu ua lē mamā o ia. O le maʻi lepela lea. Ua oso aʻe i le mea sa iai le maʻi sua. 21  Ae afai e vaai i ai le ositaulaga ma ua leai ni fulufulu papaʻe ua iai, ma e lē sosolo foʻi i le aano ae ua vaivai le lanu, e ao i le ositaulaga ona faanofoesea+ o ia mo aso e fitu. 22  Ae afai e sosolo lava i le paʻu, e ao i le ositaulaga ona taʻu atu ua lē mamā o ia. O le faamaʻi lea. 23  Ae afai ua gata le ila i lea mea ma e leʻi sosolo, o lona uiga o le mūmū+ lea o le maʻi sua; ma e ao i le ositaulaga ona taʻu atu ua mamā o ia.+ 24  “Afai e iai se maʻila i le paʻu o le tino mai i se mū i le afi, ma ua avea le tōtō aano o le maʻila ma ila e paʻepaʻe pe mūmū paʻepaʻe foʻi, 25  e ao i le ositaulaga ona vaai i ai; afai ua liu papaʻe fulufulu ua iai le ila ma ua iloa ua sosolo i le aano, o le lepela lea. Ua oso mai i le maʻila ma e ao i le ositaulaga ona taʻu atu ua lē mamā o ia. O le faamaʻi lea o le lepela. 26  Ae afai e vaai i ai le ositaulaga, ma ua leai ni fulufulu papaʻe i le ila, ma e lē o sosolo foʻi i le aano ae ua vaivai le lanu, e ao i le ositaulaga ona faanofoesea o ia mo aso e fitu. 27  E ao i le ositaulaga ona vaai iā te ia i le aso lona fitu. Afai ua sosolo lava le lepela i le aano, e ao i le ositaulaga ona taʻu atu ua lē mamā o ia. O le faamaʻi lea o le lepela. 28  Ae afai ua gata le ila i lea mea, e leʻi sosolo i le aano ma ua faasolo ina pē, o lona uiga ua oso mai le poʻu mai i le maʻila; ma e ao i le ositaulaga ona taʻu atu ua mamā o ia, auā o le mūmū lea o le maʻila. 29  “A o se tamāloa po o se fafine e oso ai le maʻi i lona ulu po o lona auvae, 30  e ao i le ositaulaga+ ona vaai i le maʻi; a faapea ua iloa ua sosolo i le aano, ua samasama lauulu* ma ua valavala, e ao i le ositaulaga ona taʻu atu ua lē mamā lenā tagata. O le matuā toʻulu lea o lauulu po o fulufulu.+ O le lepela lea o le ulu po o le auvae. 31  Ae afai e vaai le ositaulaga i le maʻi ua matuā toʻulu lauulu, ma iloa ai ua lē sosolo i le aano, ua leai foʻi ni lauulu po o ni fulufulu uliuli, e ao i le ositaulaga ona puipuia+ le tagata ua iai le maʻi o le matuā toʻulu o lauulu i aso e fitu.+ 32  E ao i le ositaulaga ona vaai i le maʻi i le aso lona fitu; ma afai ua lē sosolo le matuā toʻulu o lauulu, ua lē tutupu foʻi ni lauulu sasama, ua iloa e lē o sosolo foʻi i le aano le matuā toʻulu o lauulu,+ 33  e ao ona sele ese ona lauulu po o lana ʻava, ae e lē seleina+ le mea ua matuā toʻulu ai ona lauulu; e ao i le ositaulaga ona faanofoesea o ia mo isi aso e fitu ona o le matuā toʻulu o lauulu. 34  “E ao i le ositaulaga ona vaai i le matuā toʻulu o lauulu i le aso lona fitu; ma afai e lē sosolo i le paʻu le matuā toʻulu o lauulu, ua iloa ua lē sosolo i le aano, e ao i le ositaulaga ona taʻu atu ua mamā o ia,+ ma e ao ona ia tatā ona ofu ma mamā ai o ia. 35  Ae afai e matuā toʻulu lava lauulu ma sosolo pea lava i le paʻu ina ua uma ona taʻu atu ua mamā o ia, 36  e ao la i le ositaulaga+ ona toe vaai iā te ia; ae afai ua sosolo i le paʻu le matuā toʻulu o lauulu, e lē manaʻomia ona suʻesuʻe e le ositaulaga mo fulufulu po o lauulu sasama; ua lē mamā o ia. 37  Ae afai ua gata ai i inā le matuā toʻulu o lauulu, ma ua iai lauulu uliuli, ua teʻa le matuā toʻulu o lauulu. Ua mamā o ia, ma e ao i le ositaulaga ona taʻu atu ua mamā o ia.+ 38  “Afai e tupu ni ila+ i le paʻu o le tino o se tamāloa po o se fafine, o ila papaʻe, 39  e ao i le ositaulaga+ ona vaai i ai; ma afai o le ila i le paʻu o le tino e paʻepaʻe vaivai, e lē o se maʻi leaga. Ua tupu mai i le paʻu. E mamā o ia. 40  “Ae afai e toʻulu lauulu+ o se tamāloa, o le ulu tula lea. E mamā o ia. 41  Afai e toʻulu ona lauulu i lona muāulu, o le tula lea i le muāulu. E mamā o ia. 42  Ae afai e tupu se maʻi mūmū paʻepaʻe i le tula o lona tumuaʻi po o le muāulu, o le lepela lea i le tula o lona tumuaʻi po o le muāulu. 43  E ao i le ositaulaga+ ona vaai iā te ia; ma afai e tupu ai se maʻi mūmū paʻepaʻe i le tula o lona tumuaʻi po o lona muāulu e pei o le lepela i le paʻu o le tino, 44  o le tagata lava lea ua lepela. Ua lē mamā o ia. E ao i le ositaulaga ona taʻu atu ua lē mamā lava o ia. Ua i lona ulu lona maʻi. 45  A o le tagata lepela o lē ua iai le maʻi, e ao ona saeia+ ona ofu ma lē teuina+ lona ulu, ma e ao ona ia ufiufi i lana ʻavaaluga+ ma valaau atu, ‘E lē mamā, e lē mamā!’+ 46  O aso uma lava ua iā te ia le maʻi, e lē mamā ai o ia. Ua lē mamā o ia. E ao ona nofo ese o ia. E nofo o ia i tua o le togālauapi.+ 47  “Ae afai ua tupu le lepela* i se ofu, e tusa po o se ofu fulufulu mamoe po o se ofu ʻie lino, 48  po o filo faalalava+ po o filo faatutū o le ʻie lino ma le ʻie fulufulu mamoe, po o le paʻu po o so o se mea e faia i le paʻu,+ 49  ma e tupu le mea leaga samasama meamata pe e mūmū i se ofu, po o le paʻu, po o filo faalalava po o filo faatutū, po o so o se mea e faia i le paʻu, o le mea leaga lea o le lepela, ma e ao ona faaali i le ositaulaga. 50  E ao i le ositaulaga+ ona vaai i le mea ua iai le mea leaga, ma tuuesea+ lea mea mo aso e fitu. 51  Pe a vaai o ia i le mea leaga i le aso lona fitu, ua sosolo lea mea leaga i le ofu, po o filo faalalava po o filo faatutū,+ po o le paʻu e faaaogā i so o se mea, o le lepela aati lea.+ E lē mamā. 52  E ao ona ia susunu le ofu po o filo faalalava po o filo faatutū i le ʻie fulufulu mamoe po o le ʻie lino,+ po o so o se mea e faia i le paʻu lea ua iai le mea leaga, auā o le lepela aati lea.+ E ao ona susunu i le afi. 53  “Ae afai e vaai i ai le ositaulaga, ae ua lē sosolo i ai le mea leaga i le ofu, po o filo faalalava po o filo faatutū, po o so o se mea e faia i le paʻu,+ 54  e ao i le ositaulaga ona faatonuina le tatāina o mea uma ua iai le mea leaga, ma e ao ona ia tuuesea ai lea mo isi aso e fitu. 55  E ao i le ositaulaga ona vaai i le mea leaga ina ua uma ona tā, afai e lē suia e ui e lē o sosolo le mea leaga, e lē mamā lava. E ao ona e susunuina i le afi. Ua vavala mai se pito i fafo po o totonu o le ofu. 56  “Ae afai ua vaai i ai le ositaulaga, ua vaivai le lanu o le mea leaga ina ua uma ona tā, e ao ona ia saeia ese le mea leaga o le ofu, po o le paʻu po o filo faalalava po o filo faatutū. 57  Ae afai o loo iai pea i le ofu po o filo faalalava po o filo faatutū,+ po o so o se mea e faia i le paʻu, o loo sosolo pea. E ao ona e susunuina+ i le afi o so o se mea ua iai le mea leaga. 58  Afai e te tāina le ofu po o filo faalalava po o filo faatutū, po o so o se mea e faia i le paʻu, ma ua alu ese le mea leaga mai i ia mea, e ao ona toe tatā; ona mamā ai lea. 59  “O le tulafono lenei i le mea leaga lea o le lepela i ofu fulufulu mamoe, po o ʻie lino,+ po o filo faalalava po o filo faatutū, po o so o se mea e faia i le paʻu, ina ia faailoa atu e mamā pe taʻu atu foʻi e lē mamā.”

Faamatalaga Pito i Lalo

Po o “lauulu” po o le “ ʻava.”
Po o “lē pipisi.”
 Po o le “ ʻava.”
O le “lepela” o loo taʻua i nei fuaiupu 47-58 ma le Le 14:34-48 atonu o se ituaiga o taetaepalaloa ae e lē o le maʻi e maua ai tagata.