Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Levitiko 11:1-47

11  Ua fetalai mai Ieova iā Mose ma Arona, ua faapea mai iā i laʻua:  “Ia fai atu i le fanauga a Isaraelu e faapea, ‘O meaola nei tou te aai+ ai i manu uma ua i luga o le laueleele:  O meaola uma mai i manu e magalua atigivae ma ua iai le va i atigivae, ma e toe ʻai i lana mama, e tou te aai ai.+  “ ‘Ae e na o le pau ia o manu e tou te lē aai ai mai i manu e toe aai i a latou mama ma magalua atigivae: o le kamela, auā e toe ʻai i lana mama ae e lē magalua atigivae. E lē mamā lea manu mo outou.+  E faapena foʻi i le sefanai,*+ auā e toe ʻai i lana mama, ae e lē magalua ona atigivae. E lē mamā lea manu mo outou.  E faapena foʻi i le lapiti,+ auā e toe ʻai i lana mama ae e lē magalua ona atigivae. E lē mamā lea manu mo outou.  E faapena foʻi i le puaa,+ auā e magalua ona atigivae, ma ua iai le va i atigivae, ae e lē toe ʻai i lana mama. E lē mamā lea manu mo outou.  Aua tou te aai i aano o ia manu, ma aua foʻi tou te papaʻi i tino mamate o ia manu.+ E lē mamā ia manu mo outou.+  “ ‘O mea nei tou te aai ai i meaola uma ua i le vai:+ O meaola uma ua i le vai, i le sami ma vaitafe e iai ʻapaʻapa ma una,+ o mea na tou te aai ai. 10  O meaola uma ua i le sami ma vaitafe e leai ni ʻapaʻapa ma una, mai i meaola uma ua feoaʻi faatasi i le vai, ma meaola ua i le vai, ua fai ma mea inosia iā te outou. 11  E fai ia meaola ma mea inosia iā te outou. Aua tou te aai i aano+ o ia meaola, ma ia outou ʻinoʻino i tino mamate o ia meaola. 12  E avea mea uma ua i le vai e leai ni ʻapaʻapa ma una ma mea inosia iā te outou. 13  “ ‘O manulele nei e tou te ʻinoʻino i ai mai i manulele uma.+ E lē tatau ona ʻaina. O mea e inosia ia: o le aeto,+ o le perese, o le oseni uliuli, 14  o le aia mūmū ma le aia uliuli+ e tusa ma lona ituaiga, 15  o oreva+ uma e tusa ma lona ituaiga, 16  o le iaena,+ o le lulu, o le saape ma le nesa, e tusa ma lona ituaiga, 17  o le lulu laʻitiiti, o le saleka ma le lulu e uumi taliga,+ 18  o le tanisamiti, o le kati, ma le oseni,+ 19  o le kasita, o le matuu e tusa ma lona ituaiga, o le tukapiti ma le peʻa.+ 20  E faapea foʻi ma meaola ua feoaʻi faatasi ua fai apaʻau ma e savavali i vae e fā, ua fai ma mea inosia iā te outou.+ 21  “ ‘E na o le pau nei o meaola e tou te aai ai mai i meaola ua feoaʻi faatasi ua fai apaʻau e savavali i vae e fā, ia e iai vae e uumi nai lo o isi vae e oso ai i luga o le eleele. 22  “ ‘O mea ia e tou te aai ai mai i nei meaola: o le sē akerise ua matua+ e tusa ma lona ituaiga, o le sē akerise e taatele+ e tusa ma lona ituaiga, o le alisi e tusa ma lona ituaiga, ma le sē+ e tusa ma lona ituaiga. 23  A o isi meaola uma foʻi e fai apaʻau ua feoaʻi faatasi, e iai vae e fā, ua fai ma mea inosia+ iā te outou. 24  O mea ia e mafai ona lē mamā ai outou. O se tasi e paʻi i tino mamate o ia meaola, e lē mamā seʻia oo i le afiafipō.+ 25  O se tasi na te aveina se tino mate o se tasi o ia meaola, e tatau ona tā+ ona ofu, ma e lē mamā o ia seʻia oo i le afiafipō. 26  “ ‘O se manu e magalua atigivae ae e leai se va i atigivae, e lē toe ʻai foʻi i lana mama, e lē mamā lea mo outou. O se tasi e paʻi i ai e lē mamā o ia.+ 27  O meaola uma e savavali i alofivae, o meaola uma e savavali i vae e fā, e lē mamā ia iā te outou. O se tasi e paʻi i tino mamate o ia manu, e lē mamā o ia seʻia oo i le afiafipō. 28  A o lē e na te ave tino mamate o ia manu,+ e tatau ona tā i ona ofu,+ ma e lē mamā o ia seʻia oo i le afiafipō. E lē mamā ia manu iā te outou. 29  “ ‘O mea nei e lē mamā iā te outou mai i meaola ua feoaʻi faatasi i luga o le eleele:+ o le isumu e eli i le eleele, o le isumu e osooso,+ ma le pili e tusa ma lona ituaiga, 30  o le moo, o le pili lapoʻa, o le pili leta, o le pili hometa ma le pili e fesuisuiaʻi lona lanu. 31  E lē mamā nei meaola iā te outou mai i meaola uma ua feoaʻi faatasi.+ O se tasi e paʻi i ai pe a mamate e lē mamā seʻia oo i le afiafipō.+ 32  “ ‘O mea uma e paʻuʻū i ai meaola ua mamate e lē mamā ia mea, e tusa po o se ipu laau,+ po o se ofu, po o le paʻu,+ po o se ʻie talatala.+ O so o se ipu e faaaogāina e ao ona fufulu i le vai, ma e lē mamā seʻia oo i le afiafipō, ona mamā ai lea. 33  O so o se ipu omea+ foʻi e paʻū i ai se tasi o nei mea ma o so o se mea o loo i totonu e lē mamā lea, ma e tou te nutililiiina lea ipu.+ 34  O so o se meaʻai e saunia mai i vai mai i lea ipu e lē mamā, ma o so o meainu e inu mai i se ipu faapea, e lē mamā. 35  O mea uma e paʻū i ai se tino mate, e lē mamā lea. E tusa lava po o le ogaumu, po o le tulaga o le ipu, ia nutililii lava. E lē mamā ia mea, ma o le a lē mamā iā te outou. 36  E na o le vaipuna ma le faatanoa vai e mamā pea, ae o so o se tasi e paʻi i tino mamate e lē mamā. 37  Pe afai e paʻū se tino mate i luga o se fatu laau o le a totō, e mamā lea. 38  Ae afai e fui i le vai le fatu ae na paʻū i ai se vaega o le tino mate, o se mea lea e lē mamā iā te outou. 39  “ ‘Ae afai e mate sa outou manu na tuu e ʻai, o lē e paʻi i le tino mate o lea manu e lē mamā seʻia oo i le afiafipō.+ 40  O se tasi e ʻai+ i le tino mate o le manu, e na te tā i ona ofu ma e lē mamā o ia seʻia oo i le afiafipō; o lē e ave le tino mate o le manu e na te tatā i ona ofu, ma e lē mamā o ia seʻia oo i le afiafipō. 41  O meaola uma ua feoaʻi faatasi i luga o le eleele e inosia ia.+ E lē tatau ona ʻaina. 42  O so o se meaola e sosolo i le manava,+ ma so o se meaola e savali i vae e fā, po o meaola ua tele o latou vae mai i meaola ia ua feoaʻi faatasi i luga o le eleele, e tou te lē aai ai, auā o mea e inosia ia.+ 43  Aua neʻi avea outou ma ē e inosia ona o ni meaola ua feoaʻi faatasi, aua foʻi neʻi faia outou e outou lava o ni ē e lē mamā ona o nei meaola ma lē mamā ai.+ 44  Auā o aʻu o Ieova lo outou Atua;+ ia faapaiaina outou e outou ma ia paia outou,+ auā o aʻu nei e paia lava.+ Aua neʻi outou lē mamā ona o ni meaola ua feoaʻi faatasi, ia ua feoaʻi i luga o le eleele. 45  Auā o aʻu o Ieova o lē na aumaia outou mai i le atunuu o Aikupito, e faailoa ai iā te outou o aʻu o le Atua;+ ma e ao ona paia outou,+ auā e paia lava aʻu.+ 46  “ ‘O le tulafono lenei i manu ma manulele ma meaola uma e feoaʻi i le vai+ ma e faatatau foʻi i meaola uma ua feoaʻi faatasi i luga o le eleele, 47  ina ia faaeseese+ ai le mea ua lē mamā mai i le mea ua mamā, e faaeseese ai foʻi o meaola e ʻaina mai i meaola e lē ʻaina.’ ”

Faamatalaga Pito i Lalo

Tagaʻi i le Faaopoopoga e 13 mo se faamatalaga o manu i fuaiupu e 5, 13-19.