Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Levitiko 10:1-20

10  Mulimuli ane o Natapu ma Aviu+ o atalii o Arona, ua taʻitasi ma fetagofi i lana salefu+ ma tuu i ai le afi, ua tuu i ai foʻi ma mea manogi,+ ona la faamū ai lea i luma o Ieova o mea manogi ua faasāina,+ lea na te leʻi faatonuina i laʻua e faia.  Ona sau ai lea o le afi mai i luma o Ieova ma faaumatia ai i laʻua,+ ma ua la feoti ai i luma o Ieova.+  Ua fai atu Mose iā Arona: “O le mea lenei na fetalai mai ai Ieova, ‘E faapaiaina+ aʻu e i latou ua vavalalata mai iā te aʻu+ ma e faamamaluina+ aʻu i luma o le nuu uma.’ ” Ua aunoa ma se upu mai iā Arona.  Ona aami lea e Mose o Mesaelu, ma Elisafano, o atalii o Usialu,+ le uso o le tamā o Arona ua faapea atu iā i laʻua: “Ia ō mai ma sii ese o oulua uso mai i luma o le mea paia ma ave i tua o le togālauapi.”+  Ona la ō mai ai lea ma sii ese i laʻua i o la ofu talaloa i tua o le togālauapi, e pei ona fai atu ai Mose.  Ona fai atu lea o Mose iā Arona ma isi ona atalii o Eleasaro ma Itamaro: “Aua neʻi lē teuina o outou lauulu,+ ma aua neʻi outou saeia o outou ofu neʻi outou oti, neʻi toʻasā foʻi o ia i le faapotopotoga atoa;+ a o o outou uso, o le faapotopotoga atoa o Isaraelu, latou te fetagisi ona o le faafanoina lea na faia e Ieova e ala i le afi.  Aua neʻi outou ō atu i fafo mai i le faitotoʻa o le faleʻie o le feiloaʻiga, neʻi outou oti,+ auā ua i o outou luga le suāuu e faauu ai a Ieova.”+ Ona latou faia lea e pei ona fai atu ai Mose.  Ua fetalai mai Ieova iā Arona e faapea:  “Aua neʻi inu i le uaina po o se isi lava ʻava malosi,+ o oe ma ou atalii faatasi ma oe pe a outou ulufale mai i le faleʻie o le feiloaʻiga, neʻi outou oti ai. O se tulafono e tou te tausia pea ma o outou tupulaga o loo mulimuli mai, 10  ina ia faaeseese ai le mea paia mai i le mea e lē paia, e faaeseese ai foʻi le mea e lē mamā mai i le mea e mamā,+ 11  ina ia aʻoaʻo ai le fanauga a Isaraelu+ i tulafono uma na fetalai mai ai Ieova iā i latou e ala iā Mose.” 12  Ua fai atu Mose iā Arona ma ona atalii ua totoe o Eleasaro ma Itamaro: “Ia ave le taulaga i meaʻai+ ua totoe mai i le taulaga iā Ieova ua faia i le afi, ia saunia e aunoa ma le tuu i ai o se mea faafefete, ma ia ʻai i tafatafa o le fata faitaulaga, auā o se mea lea e sili ona paia.+ 13  E ao ona outou aai ai i se nofoaga paia,+ auā o au vaega ia ma vaega a ou atalii mai i taulaga iā Ieova ua faia i le afi; auā o le mea lea na poloaʻiina ai aʻu. 14  E tou te aai i le fatafata o le manu o le taulaga lūlū+ ma le alagavae o le tufaaga paia+ i le nofoaga mamā, o oe ma ou atalii, ma ou afafine faatasi ma oe,+ ona ua tuuina atu ia mea e fai ma au vaega ma vaega a ou atalii mai i taulaga faifaatasi a le fanauga a Isaraelu. 15  E latou te aumaia le alagavae o le tufaaga paia, ma le fatafata o le manu o le taulaga lūlū+ faatasi ma taulaga o gaʻo ua faia i le afi, ina ia lūlū ai le taulaga lūlū i le isi itu ma le isi itu i luma o Ieova; ia fai ma au vaega+ ma vaega a ou atalii ua faatasi ma oe mo se taimi umi, e pei ona poloaʻi mai ai Ieova.” 16  Ua matuā suʻe e Mose le ʻoti o le taulaga o agasala,+ faauta! ua susunuina atoa le ʻoti. Ona matuā ita ai lea o ia iā Eleasaro ma Itamaro, o atalii o Arona ua totoe ma faapea atu: 17  “Aiseā ua oulua lē ʻaina ai le taulaga o agasala i le nofoaga paia,+ ona o se mea e sili ona paia ma ua tuuina atu iā te oulua, ina ia oulua tali atu mo mea sesē a le faapotopotoga ina ia faia ai le togisala mo i latou i luma o Ieova?+ 18  O lea, e leʻi aumaia le toto o le taulaga o agasala i totonu o le mea paia.+ Na tatau ona outou ʻaina lava le taulaga i se nofoaga paia e pei ona poloaʻiina ai aʻu.”+ 19  Ona fai mai lea o Arona iā Mose: “Vaai! O le asō na faia ai e i laʻua le taulaga o agasala ma la laʻua taulaga mū i luma o Ieova,+ a ua tutupu nei mea iā te aʻu; ma pe ana ou ʻaina le taulaga o agasala i le asō pe e faamalieina ai ea le finagalo o Ieova?”+ 20  Ua faalogo Mose i lea tala ona malie ai lea o ia.

Faamatalaga Pito i Lalo