Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Le Pese a Solomona 8:1-14

8  “E! pe ana pei oe o soʻu tuagane,+ ma e susu i susu o loʻu tinā.+ Ona ou sogi+ atu lea iā te oe pe a ou maua oe i fafo. E lē ʻinoʻino mai ai foʻi tagata iā te aʻu.  Ou te taʻitaʻi iā te oe ma ou aumaia oe i le fale o loʻu tinā,+ o lē na aʻoaʻo mai iā te aʻu. Ou te avatu iā te oe le uaina ua sui i mea manogi,+ ma le sua o rimoni fou e te inu ai.  Ua i lalo o loʻu ulu lona lima tauagavale; ma ua fusi mai foʻi iā te aʻu lona lima taumatau.+  “Tama fafine a Ierusalema e, ou te faatautō iā te outou, ia aua neʻi outou taumafai e fafagu pe faagaee le alofa i totonu iā te aʻu, seʻia faitalia lava ia.”+  “O ai lenei fafine+ o loo alu aʻe mai i le toafa,+ o loo faalagolago i lana pele?”+ “Na ou fafagu iā te oe i lalo o le apu. O i inā na faatigā ai lou tinā iā te oe. O i inā na lagona ai e lē na fanauina oe tigā o le a fanau.+  “Ia e tuu aʻu e pei o se faamaufaailoga i lou loto,+ e pei o se faamaufaailoga i lou lima; auā ua malosi le alofa e pei o le oti,+ o le faamaoni foʻi e maumauaʻi+ e pei o le Tuugamau.* O lona mumū e pei o le mumū o le afi, o le afi mū saesae a Ioa.+  E lē mafai e vai e tele ona tineia le alofa,+ e lē mafai foʻi ona tafiesea e vaitafe.+ Afai e avatu e se tagata ana mea tāua uma mai i lona fale ona o le alofa, e inosia lava na mea e tagata.”  “E iai lo matou uso laʻitiiti+ e leai ni ona susu. O le ā nei la matou mea e fai mo lo matou uso, i le aso e sau ai se tasi e faamalamalama iā te ia?”  “Afai o se pā o ia,+ e matou te atiaʻe i ona luga se pā siliva; ae afai o se faitotoʻa+ o ia, e matou te pupuni iā te ia i se laupapa arasi.” 10  “O aʻu nei o le pā, ma o oʻu susu ua pei o ni ʻolo.+ O le mea lea ua avea ai aʻu i ona luma e pei o lē ua mauaina le filemu. 11  “Sa iai se togāvine+ a Solomona i Paala-amoni. Na ia tuuina atu le togāvine i ē e leoleoina.+ E taʻitoʻatasi i latou ma aumai tupe siliva e afe mo ona fua. 12  “O loʻu togāvine, o aʻu lava e ona, e tumau pea ona avea ma oʻu togāvine. Solomona e, e fai mo oe le afe, ae o le lua selau e fai mo i latou o loo leoleoina ona fua.” 13  “O oe lenā o loo nofo i togālaau,+ o loo faalogologo mai o ē ua faatasi ma oe i lou leo. Seʻi oʻu faalogo atu i ai.”+ 14  “Laʻu pele e, inā sola ese ia, ia avea oe e pei o se sevi po o se tamaʻi ʻaila i luga o mauga o loo ola ai laau o mea manogi.”+

Faamatalaga Pito i Lalo

Po o “Seoli,” e mai le upu Eperu sheʼohl′. Tagaʻi i le Faaopoopoga e 6.