Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Le Pese a Solomona 7:1-13

7  “Le tama teine lotoalofa e,+ e maʻeu lava le matagofie o ou vae i ou seevae!+ O le tino mai o ou ogāvae ua pei o ni teuteu matagofie,+ o le galuega a lima o se tufuga tomai.  O lou pute o se ipu lapotopoto. Ia iai pea le uaina ua suia.+ O lou manava o se faaputuga saito, ua siʻomia i le pā o lili.+  O ou susu e lua ua pei o tamaʻi sevi e lua, o le masaga a le sevi fafine.+  O lou ua,+ ua pei o se ʻolo o nifo elefane. O ou mata+ ua pei o vai tāʻele i Hesepona,+ i tafatafa o le faitotoʻa o Peterepima. O lou isu ua pei o le ʻolo o Lepanona, lea e feagai ma Tamaseko.  O lou ulu i luga iā te oe ua pei o Karamelu,+ o fili+ foʻi o lou ulu ua pei o fulufulu mamoe ua vali i le lanu mūmū violē.+ Ua matuā maofa le tupu i le lelelelea o lou foga.+  Le teine pelē, e maʻeu lava lou lalelei, e maʻeu foʻi lou matagofie e sili atu nai lo o isi mea lelei uma!+  O lou maualuga ua pei o le laau o le pama,+ ma ou susu+ ua pei o taufuifui o fua o le pama.  Na ou faapea ifo, ‘Ou te alu aʻe i le laau o le pama, ina ia ou tago atu i ona fua.’+ Ma ia avea ou susu e pei o fuifui vine, ma le manogi o lou isu e pei o apu,  ma lou fofoga e pei o le uaina+ e sili ona lelei o loo avatu+ ma laʻu pele, o loo tafe lemū ifo i laugutu o ē o loo momoe.” 10  “O laʻu pele e ona aʻu,+ ma ua naunau mai foʻi o ia iā te aʻu.+ 11  Laʻu pele e, inā sau ia seʻi o ta ō atu i le fanua;+ ma ta nonofo ai i totonu o laau o kofero.*+ 12  Inā ta alapopō ia ma ta ō atu i togāvine, seʻi o ta iloa ai po ua fua mai le vine,+ po ua matala ona fuga,+ ma po ua fuga mai foʻi rimoni.+ O i inā ou te faailoa atu ai iā te oe faailoaga o loʻu alofa.+ 13  Ua sasala mai le manogi o tutaima,*+ ma o loo iai i o tatou faitotoʻa ituaiga o fua eseese uma e sili ona lelei.+ O fua faatoʻā tau ma fua ua leva, na ou teuina mo oe laʻu pele.

Faamatalaga Pito i Lalo

O se laau e maua mai ai le vali mūmū enaena.
Tagaʻi i le faamatalaga pito i lalo o le Ke 30:14.