Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Le Pese a Solomona 6:1-13

6  “O oe lenā e sili ona lalelei i fafine, o fea ua alu i ai lau pele?+ O fea ua afe ane i ai lau pele, ina ia tatou saʻili ai iā te ia faatasi ma oe?”  “Ua alu ifo laʻu pele i lona togālaau,+ o le togālaau+ o laau manogi, e leoleo+ ai i togālaau ma tau mai lili.  O laʻu pele e ona aʻu, ma o aʻu foʻi e ona laʻu pele.+ O loo leoleo+ o ia i lili.”  “Laʻu uō teine e, ua lalelei+ oe e pei o le Aai Matagofie,+ ua lalelei e pei o Ierusalema,+ e mataʻutia e pei o ʻau ua faapotopoto faatasi+ i tagāvai.+  Inā liliuese ia ou fofoga+ mai iā te aʻu, auā ua ou fefe ai. O lou lauulu ua pei o fulufulu o le lafu ʻoti ua feosofi ifo mai i Kiliata.+  O ou nifo ua pei o se lafu mamoe ua ō aʻe mai i le tāʻelega, e tofu uma i latou ma masaga, e leai se tasi o i latou ua leiloa sana tama.+  Ua pei o ni fasi rimoni ou manifinifi mai i totonu o lou ʻie ufimata.+  Atonu e toʻaono sefulu masiofo, e toʻavalu sefulu palake, ma le lē mafaitaulia o tamaʻitaʻi.+  E toʻatasi o loo iai o laʻu lupe lea,+ o lē ua lē ponā.+ E toʻatasi o loo iai, o ia o le tama teine e toʻatasi a lona tinā. O ia o le ua mamā a lē na fanaua o ia. Na vāai teine iā te ia ma na latou faaamuia iā te ia; o masiofo ma palake, na latou viiviia foʻi o ia,+ 10  ‘O ai lenei fafine+ e silasila ifo e pei o le tafa o ata,+ e lalelei e pei o le masina ua atoa,+ e mamā e pei o le pupula o le lā,+ e mataʻutia foʻi e pei o ʻau ua faapotopoto faatasi i tagāvai?’ ”+ 11  “Na ou alu ifo i le togālaau+ o laau ʻaina, e vaavaai i fuga o laau i le vanu,+ ina ia iloa ai po ua fua mai le vine, po ua fuga mai foʻi laau o rimoni.+ 12  Ae ou te leʻi iloaina, o loʻu naunau ua tuuina ai aʻu i kariota a loʻu nuu loto fesoasoani.” 13  “Le Sulami e, inā foʻi mai ia, inā foʻi mai ia! Inā foʻi mai ia, inā foʻi mai ia, ina ia o matou vaavaai atu ai iā te oe!”+ “O le ā se mea e tou te fia maimoa ai i le Sulami?”+ “E pei o le siva o ni ʻau se lua!”

Faamatalaga Pito i Lalo