Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Le Pese a Solomona 4:1-16

4  “Laʻu uō teine e, faauta! Ua lalelei oe.+ Faauta! Ua e lalelei lava. Ua ni mata o se lupe+ ou mata, mai i totonu o lou ʻie ufimata.+ O lou lauulu ua pei o fulufulu o lafu ʻoti+ ua feosofi ifo mai i vaega maugā o Kiliata.+  O ou nifo ua pei o se lafu mamoe+ fafine faatoʻā uma ona seleina o latou fulufulu ua ō aʻe mai i le tāʻelega, o i latou uma e tofu ma le masaga, e leai se tasi o i latou ua leiloa sana tama.  O ou laugutu ua pei o se filo mūmū sesega, ma ua logolelei foʻi au upu.+ Ua pei o ni fasi rimoni ou manifinifi mai i totonu o lou ʻie ufimata.+  O lou ua,+ ua pei o le ʻolo+ o Tavita na fausia i laina o maa o loo tautau ai talipupuni e afe, o talita lapotopoto+ uma a tagata malolosi.  O ou susu+ e lua ua pei o tamaʻi sevi e lua, o le masaga a le sevi fafine o loo aai i lili.”+  “Ou te alu i loʻu ala i le mauga o iai le muro ma le aʻega o iai le lipano, seʻia mālū+ le aso ma mou atu ata lafoia.”+  “Laʻu uō teine e, e matuā lalelei+ lava oe, ma e leai lava se pona iā te oe.+  Le tamaʻitaʻi faaipoipo e,+ inā ta tuua ia o Lepanona,+ inā ta tuua ia o Lepanona. Inā alu ifo ia mai i le tumutumu o Amana, mai i le tumutumu o Senira,+ ma Heremoni+ foʻi, mai i ana o leona, ma mauga o nameri.  Loʻu tuafafine e,+ le tamaʻitaʻi ou te faaipoipo i ai,+ ua tātā vale loʻu fatu ona o oe, ua tātā vale loʻu fatu ona o se tasi o ou mata,+ ma le tasi o ʻata o lau asoa. 10  Loʻu tuafafine e, le tamaʻitaʻi ou te faaipoipo i ai, maʻeu le mālie o faailoaga o lou alofa!+ Maʻeu lava le mālie o faailoaga o lou alofa, ua sili atu nai lo o le uaina, ma le manogi o ou uu ua sili atu nai lo o mea manogi lelei uma!+ 11  Le tamaʻitaʻi e, ou te faaipoipo i ai, ua sisina ifo pea le meli mai i ou laugutu.+ Ua i lalo o lou laulaufaiva le meli+ ma le suāsusu, o le manogi+ foʻi o ou ofu ua pei o le manogi o Lepanona. 12  O loʻu tuafafine,+ o le tamaʻitaʻi ou te faaipoipo i ai, ua pei o se togālaau ua siʻomia e le pā, e pei foʻi o se vaipuna ua punitia. 13  O lou paʻu o le togārimoni lea o loo iai fua+ e silisili ona lelei o laau o kofero,* atoa ma le nato;*+ 14  o le nato+ ma le keroko,*+ o le tolo+ ma le kinamoni,+ atoa ma ituaiga o laau eseese uma o le lipano,* o le muro* ma aloe,+ atoa foʻi ma mea manogi e silisili ona lelei;+ 15  ma le vaipuna i faatoʻaga, o se vaieli o vai mamā,+ ma vaitafe e tafe mālie mai i Lepanona.+ 16  Le matagi e, mai i le itu i mātū, inā ala mai ia, le matagi e, mai i le itu i saute,+ inā sau ia. Ia agi ifo i luga o loʻu togālaau.+ Ia sasala mai ai lona manogi.” “Ia sau ai laʻu pele i lona togālaau ma ʻai i ona fua e silisili ona lelei.”

Faamatalaga Pito i Lalo

O se laau e maua mai ai le vali mūmū enaena.
O se laau e maua mai ai le vali mūmū enaena.
Tagaʻi i le faamatalaga pito i lalo o le Pe 1:12.
O se ituaiga o fugālaau.
O se pauta e manaia lona manogi.