Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Le Pese a Solomona 3:1-11

3  “I luga o loʻu moega i pō, na ou saʻili ai i lē ua ou alofa i ai.+ Na ou saʻili iā te ia, ae ou te leʻi maua o ia.  Seʻi oʻu tulaʻi ia ma fealuaʻi solo i le aai;+ i auala ma nofoaga faitele,+ ou te saʻili ai i lē ua ou alofa i ai. Na ou saʻili iā te ia, ae ou te leʻi maua o ia.  Na maua aʻu e leoleo+ o ē na feoaʻi solo i le aai, na ou fesili atu iā i latou, ‘Pe na outou vāai ea i lē ua ou alofa i ai?’  E leʻi leva lava ona ou teʻa ese mai iā i latou, ae ou mauaina loa lē ua ou alofa i ai. Na ou taofimau iā te ia ma ou te leʻi toe tuuina atu o ia, seʻia ou ave iā te ia i le fale o loʻu tinā, i totonu o le potu o lē na afuafuaina aʻu.  Tama fafine a Ierusalema e, ou te faatautō+ iā te outou i sevi fafine ma ʻaila o le fanua,+ ia aua neʻi outou taumafai e fafagu pe faagaee le alofa i totonu iā te aʻu, seʻia faitalia lava ia.”+  “O le ā lenā mea e alu aʻe mai i le toafa e pei o se asu faaniutū, ua faamanogiina i le muro ma le lipano,+ ma pauta manogi eseese a lē e faatauʻoa?”+  “Faauta! O lona moega, o le moega lea o Solomona. E toʻaono sefulu tagata malolosi mai i tagata malolosi o Isaraelu, o loo siʻomiaina,+  e tofu i latou uma ma le pelu, ua aʻoaʻoina i le taua, e tofu le tagata ma lana pelu i luga o lona ogāvae ona o le mataʻu i pō.”+  “O le fata na faia e le Tupu o Solomona mo ia lava mai i laau o Lepanona.+ 10  O ona poutū ua ia faia i le siliva, a o ona lagolago ua faia i le auro. O lona nofoa ua faia i le fulufulu mamoe ua vali i le lanu mūmū violē, a o totonu ua teuteuina ma le alofa e tama fafine a Ierusalema.” 11  “Tama fafine a Siona e, inā ō atu ia ma vaavaai i le Tupu o Solomona ma le pale+ na lalagaina e lona tinā+ mo ia i le aso o lana faaipoipoga, ma le aso na olioli ai lona loto.”+

Faamatalaga Pito i Lalo