Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Le Pese a Solomona 1:1-17

1  O le pese+ silisili a Solomona:+  “Ia sogi mai o ia iā te aʻu i sogi a lona fofoga,+ auā o faailoaga o lou alofa, ua sili ia nai lo o le uaina.+  Auā o ou uu e manogi lelei.+ O lou suafa foʻi ua pei o le suāuu ua liligiina atu.+ O le mea lea ua alolofa ai taupou iā te oe.  Ia e ave aʻu;+ ma seʻi o ta tamomoʻe. Ua ave aʻu e le tupu i ona potu i totonu!+ Seʻi o ta olioli ia ma fiafia faatasi. Seʻi o ta talanoa i faailoaga o lou alofa ua sili ia nai lo o le uaina.+ O le mea lea ua tatau ai ona latou alolofa iā te oe.+  “Tama fafine a Ierusalema e,+ o aʻu o se teine uliuli, ae e lalelei e pei o faleʻie o Kitara,+ e pei foʻi o faleʻie+ o Solomona.  Aua tou te vaavaai mai iā te aʻu ina ua ou uliuli, auā ua lāina aʻu. Ua feita mai le fanau a loʻu tinā iā te aʻu; ua latou tofia ai aʻu e leoleo i togāvine,+ a o loʻu lava togāvine ou te leʻi leoleoina.  “O oe lenā, o lē ua ou alofa i ai,+ ia e taʻu mai iā te aʻu po o fea e te fafaga ai mamoe,+ po o fea foʻi e te ave i ai le lafu e taooto ai i le aoauli. Aiseā e avea ai aʻu e pei o se fafine ua ofu i ofu o le faavauvau i totonu o lafu a au uō?”  “O oe lenā, o lē ua sili ona lalelei i fafine,+ afai e te lē iloa, inā alu atu ia e mulimuli i tulagavae o le lafu, ma fafaga i au tamaʻi ʻoti i tafatafa o faleʻie o leoleo mamoe.”  “Laʻu uō teine e, ua lalelei+ oe e pei o laʻu solofanua fafine i kariota+ a Farao. 10  Ua matagofie ou alafau i fili o lou lauulu, o lou ua foʻi i le ula.+ 11  E matou te faia mo oe ni pale auro,+ atoa ma ni teuga siliva.” 12  “Ua sasala atu le manogi+ o loʻu nato,*+ a o afio le tupu i lana laulau. 13  Ua pei laʻu pele o se ato muro+ iā te aʻu; e aluga o ia i oʻu susu+ i le pō. 14  Ua pei laʻu pele o se fuifui kofero*+ iā te aʻu, i togāvine o Enokati.”+ 15  “Faauta! Laʻu uō teine e, ua lalelei oe.+ Faauta! Ua e lalelei lava. Ua ni mata o se lupe ou mata.”+ 16  “Faauta! Laʻu pele e, ua lalelei oe,+ ua matagofie lava. O lo taʻua moega o laulaau ia.+ 17  O laau faalava o lo ta fale matagofie ua faia i arasi,+ o ona iviivi ua faia i perosi.

Faamatalaga Pito i Lalo

O se laau manogi.
O se laau e maua mai ai le vali mūmū enaena.