Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Kolose 4:1-18

4  O outou matai, ia feutagaʻi pea ma a outou pologa+ i se auala amiotonu ma le saʻo, i le iloa o loo iai foʻi lo outou Matai i le lagi.+  Ia finafinau i le tatalo,+ ia mataala pea i ai ma le faia o faafetai,+  ia outou tatalo foʻi mo i matou,+ ina ia tatala mai e le Atua se faitotoʻa+ mo i matou e talaʻi atu ai le upu, ma tautala ai i le mea lilo paia+ e uiga i le Keriso, auā o le mea moni lea ua saisaitia ai aʻu;+  ina ia ou talaʻi atu e pei ona tatau ona ou tautala atu ai.+  Ia outou savavali pea ma le atamai e faatatau i ē o i tua,*+ ia outou faaaogā tatau le taimi.*+  Ia lē aunoa ona outou tautatala atu i upu e logolelei,+ ia faamāi i le masima,+ ina ia outou iloa le auala e tali+ atu ai i tagata taʻitoʻatasi.  E faailoa atu iā te outou e Tuiko+ loʻu uso pele, o le auauna faamaoni, ma o loʻu uso a pologa foʻi i le Alii, mea uma e uiga iā te aʻu.  Ua ou auina atu o ia iā te outou, ina ia outou iloa ai mea uma e uiga iā i matou, ma na te faamāfanafanaina ai o outou loto.+  Ua ou auina atu foʻi faatasi ma ia o Onesemo+ loʻu uso pele faamaoni, o lē sa faatasi ma outou. E la te faailoa atu foʻi iā te outou mea uma e uiga iā i matou i inei. 10  O loo momoli atu iā te outou alofaaga o Aritako,+ o lē ua ma saisaitia faatasi, faapea foʻi ma Mareko+ le tauusoga o Panapa, (o lē foʻi na poloaʻi atu ai iā te outou ina ia talia+ o ia pe a alu atu,) 11  ma Iesu o lē ua igoa iā Iuso, o i latou nei o ē ua peritomeina. E na o i latou nei na matou galulue faatasi mo le malo o le Atua, ma o i latou foʻi nei na avea ma fesoasoani e faamalosiau iā te aʻu. 12  O loo momoli atu iā te outou alofaaga o Epafara,+ o lē sa faatasi ma outou, o le pologa a Keriso Iesu, o lē e finafinau i le tatalo mo outou, ina ia iʻu ai ina atoatoa outou,+ ma outou matuā mautinoa i le finagalo o le Atua. 13  Ou te molimau iā te ia, i lona taumafai malosi ona o outou ma i latou o i Laotikaia,+ atoa ma ē o i Iarapoli. 14  O loo momoli atu iā te outou alofaaga o Luka,+ le fomaʻi pele, faapea foʻi ma Tema.+ 15  E momoli atu oʻu alofaaga i uso i Laotikaia ma alofa atu foʻi iā Numefa, atoa ma le faapotopotoga o i lona fale.+ 16  Pe a uma ona faitau e outou lenei tusi, ia fuafua foʻi e faitau+ lenei tusi i le faapotopotoga i Laotikaia, ma ia outou faitau foʻi i le tusi mai i Laotikaia. 17  Ia taʻu atu foʻi iā Arekipa:+ “Ia vaavaai lelei ina ia faataunuuina le faiva lea na e talia o se soo o le Alii.” 18  O aʻu o Paulo, ua tusia e loʻu lava lima+ oʻu alofaaga iā te outou. Ia faaauau ona outou manatuaina oʻu noanoataga.+ Tau ina ia iā te outou le agalelei faifua o le Atua.

Faamatalaga Pito i Lalo

Po o “i latou e lē o i totonu o le faapotopotoga Kerisiano.”
I le gagana Eleni, “ia outou faatau mai le taimi.”