Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Kolose 2:1-23

2  Ou te manaʻo ina ia outou iloa le tauiviga+ tele o loo oʻu faia ona o outou ma i latou o i Laotikaia,+ atoa ma i latou uma e leʻi vāaitino mai iā te aʻu,  ina ia faamāfanafanaina+ ai o latou loto, ma autasi ai i le alofa,+ ia maua le oloa uma, o lo latou malamalamaga+ i le upu moni ma le mautinoa lea, ma ia iloa lelei le mea lilo paia a le Atua, o le Keriso lea.+  Ua matuā natia iā te ia le oloa uma o le atamai atoa ma le poto.+  Ua ou fai atu lenei mea, ina neʻi faatosina ese outou e se tasi i ana faamatalaga taufaasesē.+  Auā e ui ina ou lē faatasi ma outou i le tino, ae ou te faatasi pea ma outou i le agaga,+ ua ou olioli ona ua ou iloa lo outou faia o mea ma le maopoopo lelei,+ ma le mausalī o lo outou faatuatua+ iā Keriso.  O lea, talu ai ua outou taliaina le Alii, o Keriso Iesu, ia faaauau pea ona savavali i le autasi+ ma ia,  ia mauaa+ ma ia atiaʻe+ outou iā te ia, ia mausalī i le faatuatua+ e pei ona aʻoaʻoina ai outou, ma ia matuā tele lo outou faatuatua pe a ofo atu a outou faafetai.+  Ia faaeteete: ina neʻi maileia+ outou e se tasi i filosofia+ ma manatu taufaasesē+ e lē aogā e tusa ma tū masani a tagata, e tusa ma mataupu faavae+ a le lalolagi, ae e lē tusa ma aʻoaʻoga a Keriso;  auā o loo mau i totonu iā te ia le tumu+ uma o le uiga+ o le Atua+ ua i lona tino. 10  O lea la ua outou maua mea uma e ala iā te ia, o ia o le ulu o malo ma pule uma.+ 11  O ia foʻi ua peritomeina+ ai outou i le peritomega e leʻi faia e lima, i le toeseina o le tino faaletino+ i le peritomega e pei ona tatau ai mo auauna a Keriso, 12  auā na tanumia faatasi outou ma ia i lona papatisoga,+ ma ona o lo outou aufaatasi ma ia, na toe faatutūina+ faatasi ai foʻi outou e ala i lo outou faatuatua+ e tusa ma gaoioiga+ a le Atua, o lē na toe faatūina o ia mai i le oti.+ 13  O lea, e ui ina outou oti i a outou mea sesē ma le lē peritomeina o o outou tino, ae na faaola mai outou e le Atua faatasi ma ia.+ Ua ia faamagalo mai foʻi ma le agalelei a tatou mea sesē uma+ 14  ma soloia+ le Tulafono+ lea na faia aʻe i poloaʻiga,+ na tetee mai iā i tatou;+ ma na Ia aveesea ai e ala i le tutuʻiina+ i luga o le laau na faapuapuagatia*+ ai Iesu. 15  Ona o lea ua ia aveesea ai malo ma pule,+ ma faaalialia ai le faatoʻilaloina+ o i latou i luma o le lautele, i le taʻitaʻia o i latou i se solo manumalo.+ 16  O lea la, ia aua neʻi faamasino+ se tasi iā te outou i meaʻai ma meainu,+ po o se tausamiga,+ po o le faamanatuina o le masina faatoʻā vaaia,+ po o le tausia o le sapati;+ 17  auā o mea na, o le ata+ o mea o loo i le lumanaʻi, a o le mea moni+ ua i le Keriso lea.+ 18  Ia aua neʻi aveesea+ mai iā te outou le taui+ e se tasi o lē e fiafia e faatagā lotomaulalo, ma e fiafia foʻi i se ituaiga o tapuaʻiga i agelu,* e na te “tausisi”* i mea ua ia vaai i ai, ma ua faafefeteina fua ona o ona lava mafaufauga faaletino, 19  a ua ia lē pipiimau i le ulu,+ o lē o loo saunia mea uma e manaʻomia e le tino atoa, ma o loo fusia faatasi+ le tino e ala i sooga ma uaua, ma tupu ai pea ona ua faatupuina e le Atua.+ 20  Afai na outou feoti+ faatasi ma Keriso e tusa ma mataupu faavae+ a le lalolagi,+ aiseā la ua outou ola ai pea peiseaʻī o loo nonofo i le lalolagi, ma outou saga gauaʻi ai i poloaʻiga+ e faapea: 21  “Aua le tago atu i ai, aua le tofo+ i ai, pe paʻi+ atu i ai,” 22  e faatatau i mea uma ia e faaaogā ma iʻu ina faaumatia, e tusa ma poloaʻiga ma aʻoaʻoga a tagata?+ 23  O le mea moni, o mea lava na ua faaalia e se tagata e tapuaʻi e tusa ma ona lava manatu, ma le faatagā lotomaulalo, ua faaleaga ai le tino+ ma e foliga mai o ni gaoioiga atamai ia, ae e lē aogā na mea i le taofiofia o tuʻinanauga o le tino.+

Faamatalaga Pito i Lalo

Tagaʻi i le Faaopoopoga e 10.
Po o “se ituaiga o tapuaʻiga a agelu.”
I le gagana Eleni, “o le tū atu.”