Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Kenese 9:1-29

9  Ona faamanuia lea o le Atua iā Noa ma ona atalii, ma fetalai mai iā i latou: “Ia fanafanau ma ia matuā faatoʻateleina, ma ia tumu ai le lalolagi.+  E faaauau ona fefefe iā te outou o meaola uma o i le lalolagi, o manufelelei o le lagi, o mea uma e fetolofi i le eleele ma iʻa o le sami. Ua tuuina atu i o outou lima nei meaola uma.+  Ia fai ma a outou meaʻai ia manu uma e feoaʻi.+ Ou te avatua foʻi iā te outou o laau ʻaina uma.+  A o le aano o le manu+ ma lona toto;+ o lona ola lea, aua tou te aai ai.+  Ou te taui atu lo outou toto, o lo outou ola lea. Ou te taui atu lo outou ola, pe a outou feoti i se manu po o se tagata; ou te taui atu le ola o se tagata, i le ola o lona uso.+  O sē na te fasiotia* se tagata, o le a fasiotia+ o ia e se tagata, auā na faia le tagata i le faatusa o le Atua.  A o outou, ia fanafanau ma faatoʻateleina, ia anoanoaʻi tagata i le lalolagi ma ia faatuputeleina.”+  Ua fetalai mai pea le Atua iā Noa ma ona atalii ua faatasi ma ia:  “A o aʻu, ou te faavaeina laʻu feagaiga+ ma outou ma ē uma e tupuga mai iā te outou,+ 10  o meaola uma ua faatasi ma outou, o manufelelei, o manu lalata, o meaola uma o i le lalolagi ua faatasi ma outou, o meaola uma ia ua ō mai i fafo mai i le vaa e oo lava i a latou fanau uma i le lalolagi.+ 11  Ou te faavaeina lava laʻu feagaiga ma outou: E lē toe soloiesea tagata uma ma meaola uma i se lolo, ma e lē toe faatamaʻiaina le lalolagi atoa i se lolo.”+ 12  Ona fetalai atili mai lea o le Atua: “O le faailoga+ lenei o laʻu feagaiga ua ou faia ma outou, ma mea uma o loo iai le ola o loo faatasi ma outou, e tumau mo augātupulaga uma. 13  Ua ou tuuina laʻu nuanua+ i le ao, ma fai ai ma faailoga o laʻu feagaiga ma le lalolagi. 14  A ou faamalumalu ifo ao i le lalolagi, ona iai lea o le nuanua i le ao. 15  Ona ou manatua ai lea o laʻu feagaiga+ ma outou, ma mea uma o loo iai le ola;+ ma e lē toe faatamaʻia tagata uma ma meaola uma i se lolo.+ 16  Pe a iai le nuanua i le ao,+ ou te manatua ai laʻu feagaiga i aso uma+ i le va o aʻu ma mea uma o loo iai le ola i le lalolagi.”+ 17  Ua toe fetalai mai le Atua iā Noa: “O le faailoga lenei o le feagaiga na ou faavaeina i le va o aʻu ma tagata ma meaola o loo i le lalolagi.”+ 18  O atalii nei o Noa,+ o ē na ulufafo mai i le vaa, o Semu, Hamo, ma Iafeta. Mulimuli ane, na avea Hamo ma tamā o Kanana.+ 19  O atalii ia e toʻatolu o Noa ma o i latou na tupuga mai ai tagata uma ia ua ʻainā ai le lalolagi.+ 20  Ona amata lea ona galue Noa o se faifaatoʻaga+ ma ua ia totōina se togāvine.+ 21  Ua ia inu le uaina ma ua onā,+ ona lē lavalavā ai lea o ia i totonu o lona faleʻie. 22  Ua iloa atu e Hamo+ le tamā o Kanana, le lē lavalavā+ o lona tamā, ona ia alu atu lea i fafo ma taʻu atu i ona uso e toʻalua.+ 23  Ona ave lea e Semu ma Iafeta se ofu tele+ ua tuu i o laʻua tauʻau ma savavali solomuli. O lea ua la ufiufi ai le lē lavalavā o lo laʻua tamā, a o la autilo ese, ma e leʻi vāai ai i le lē lavalavā o lo laʻua tamā.+ 24  Ua ala Noa ma ua teʻa lona onā, ua ia iloa le mea ua faia e lana uii iā te ia. 25  Ona ia fai atu lea: “Ia malaia Kanana.+ Ia avea o ia ma pologa e aupito i faatauvaa i ona uso.”+ 26  Ua ia toe faapea atu: “Ia faamamaluina Ieova,+ le Atua o Semu, Ae fai Kanana ma pologa iā Semu.*+ 27  Ia avatu e le Atua iā Iafeta se laufanua telē, Ia nofo o ia i le faleʻie o Semu.+ Ia fai foʻi Kanana ma pologa iā te ia.” 28  Ua ola pea Noa mo tausaga e tolu selau ma le lima sefulu talu ona mavae le lolo.+ 29  O aso uma o Noa e iva selau ma le lima sefulu tausaga, ona maliu ai lea o ia.+

Faamatalaga Pito i Lalo

I le gagana Eperu, “o sē na te faamaligiina le toto o se tagata.”
I le gagana Eperu, “ia.”