Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Kenese 7:1-24

7  Ona fetalai mai lea o Ieova iā Noa: “Ia e ulu atu i le vaa, o oe ma lou aiga atoa.+ Auā ua ou iloa o oe, o lē e amiotonu i oʻu luma i lenei tupulaga.+  Ia e ave taʻifitu o manu uma e mamā, o le manu poʻa ma le manu fafine;+ a o manu e lē mamā e taʻilua ia, o le manu poʻa ma le manu fafine;  e taʻifitu foʻi manufelelei o le lagi, o le manulele poʻa ma le manulele fafine,+ ina ia faasaoina nei meaola i le fogāeleele atoa.+  Auā e toe fitu aso ona ou faatotōina ifo lea o le timu+ i le lalolagi, mo ao e fā sefulu ma pō e fā sefulu;+ ma ou te soloiesea o meaola ma tagata uma na ou faia mai i le fogāeleele.”+  Ua faia e Noa mea uma lava e pei ona poloaʻiina ai o ia e Ieova.  E ono selau tausaga o Noa ina ua oo mai le lolo i le lalolagi.+  A o leʻi oo mai le lolo ua ulu atu Noa i le vaa faatasi ma ona atalii, o lana avā ma avā a ona atalii.+  O manu e mamā ma manu e lē mamā, o manufelelei ma meaola uma e fetolofi i le eleele,+  ua taʻilua ma ulu atu i totonu o le vaa iā Noa, o manu poʻa ma manu fafine e pei ona poloaʻiina ai Noa e le Atua. 10  Ina ua mavae aso e fitu ona oo mai ai lea o le vai o le lolo i le lalolagi. 11  O le tausaga e ono selau o le olaga o Noa, o le masina lona lua, o le aso sefulu fitu o le masina, o le aso lea na lepeti ai punāvai o vai loloto tetele* ma tatala ai pupuni o vai o le lagi.+ 12  Ona matuā maligi ifo ai lea o timuga i le lalolagi mo ao e fā sefulu ma pō e fā sefulu.+ 13  O le aso lava lea na ulu atu ai Noa, Semu, Hamo, ma Iafeta, o atalii ia o Noa,+ ma le avā a Noa ma avā e toʻatolu a ona atalii faatasi ma ia i totonu o le vaa;+ 14  o i latou faatasi ma manu ʻaivao uma e taʻitasi e tusa ma lona ituaiga,+ o manu lalata uma e taʻitasi e tusa ma lona ituaiga, o manu fetolofi uma e fetolofi i le eleele e taʻitasi e tusa ma lona ituaiga,+ o manufelelei uma e taʻitasi e tusa ma lona ituaiga,+ o manulele uma ma meaola uma e fai apaʻau.+ 15  E taʻilua mai i ituaiga o meaola uma o loo iai le malosi o le ola,+ ua ō atu pea i totonu o le vaa iā Noa. 16  Ua ō atu meaola o ituaiga uma i totonu, o manu poʻa ma manu fafine e pei ona poloaʻi mai ai le Atua iā te ia. Ona tapuni ai lea e Ieova o le faitotoʻa.+ 17  Ona totō ifo ai pea lea o timuga mo le fā sefulu aso i le lalolagi, ua faatuputeleina ai le vai ma ua amata ona maneʻe i luga le vaa ma opeopea i luga o le lalolagi. 18  Ua matuā lofia mea uma i le vai ma ua atili faatuputeleina ai i le lalolagi, ae ua opeopea pea le vaa i le vai.+ 19  Ona ua matuā lofia le lalolagi i le vai, ua ufitia ai mauga maualuluga uma o i lalo o le lagi uma.+ 20  Ua lofia i le vai e tusa ma le sefulu lima kupita le maualuga, ma ua ufitia uma ai mauga.+ 21  Ona faaumatia+ ai lea o le ola o meaola uma e gaoioi i luga o le lalolagi, o manufelelei, o manu lalata, o manu ʻaivao, ma le anoanoaʻi o meaola ninii e fetolofi i le eleele, atoa ma tagata uma lava.+ 22  Na faaumatia+ le ola o mea uma ua iai le mānava, o le malosi o le ola i o latou pogaʻiisu, o mea uma ia na i le eleele mātūtū. 23  O lea, na ia soloiesea ai mea uma ua iai i le fogāeleele, o tagata, o manu o le fanua, o manu fetolofi ma manufelelei o le lagi, ua soloiesea i latou uma mai i le lalolagi;+ a ua faasaoina na o Noa ma i latou na faatasi ma ia i le vaa.+ 24  Ua faaauau pea ona lofia e le vai le lalolagi mo aso e selau lima sefulu.

Faamatalaga Pito i Lalo

E faatatau le faaupuga “vai loloto tetele” i le vai lea na siʻomia ai le lalolagi e pei ona faamatalaina i le Kenese 1:6, 7 e faapea o le “vai i luga aʻe o le vanimonimo.”