Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Kenese 49:1-33

49  Ua aami e Iakopo ona atalii ma faapea atu: “Ia potopoto mai, ae seʻi oʻu taʻu atu le mea o le a tupu iā te outou i aso o i luma.  Ia faapotopoto ma faalogo mai, outou o atalii o Iakopo, o lea ia outou faalogo iā Isaraelu o lo outou tamā.+  “O Reupena, o oe o laʻu ulumatua,+ o loʻu malosi ma o oe na ou muaʻi fai fanau ai,+ na silisili lou mamalu, ma na silisili foʻi lou malosi.  O lau amio lē pulea e pei o le vai, aua neʻi faasilia ai oe,+ auā na e solia tofāga o lou tamā.+ Na e alu aʻe i loʻu moega.+ Na ia alu aʻe lava i ai!  “O Simeona ma Levi o le ʻauso i laʻua.+ Ua fai a laʻua pelu ma auupega e fasioti ai.+  A o aʻu, aua neʻi oʻu faifai mea faatasi ma i laʻua.+ Aua neʻi oʻu faatasi i la laʻua faatasiga,+ auā o lo laʻua ita na la fasiotia ai tagata,+ ma o lo laʻua finau vale na la faapipili ai povi poʻa.  Ia fetuuina lo laʻua ita,+ ona e matuā leaga,+ ma le aasa o lo laʻua ita, ona e matuā sauā.+ Ou te vaevae i laʻua i le laueleele o Iakopo, ma ou te faataapeapeina i laʻua i Isaraelu.+  “A o oe Iuta,+ e faaneenee atu ou uso iā te oe.+ E oo lou lima i tua o ua o ou fili.+ E faapaʻuʻū faō atalii o lou tamā iā te oe.+  O Iuta o le tamaʻi leona.+ Loʻu atalii e, e te ʻai i mea na saeia, ona e toe alu aʻe ai lea. E te taoto ma faaloloa lou tino e pei o se leona. E pei foʻi o le leona, o ai sē e lototele e faaita iā te ia?+ 10  E lē liliuese le tootoo mai iā Iuta,+ ma le tootoo a le taʻitaʻi mai i ona vae, seʻia maliu mai Sailo;*+ ma e usiusitaʻi foʻi nuu iā te ia.+ 11  Ua ia nonoa lana asini i le vine ma le tama a lana lava asini fafine i se vine e lelei, e na te tāina ona ofu i le uaina ma lona ofu tele i le toto o fua o le vine.+ 12  Ua mūmū ona mata ona o le uaina, ma ua papaʻe ona nifo ona o le suāsusu. 13  “O Sepulona, o le a nofo o ia i nuu e latalata i le matafaga,+ ma e latalata ane o ia i le talafatai i le mea e taula ai vaa,+ ma o lona tuaoi o loo i le itulagi e agaʻi atu i Saitonu.+ 14  “O Isakara,+ o le asini malosi, o loo taoto i le va o ato e lua ia e ave ai avega. 15  E na te iloa e lelei le mea e mālōlō ai, ma e matagofie le laueleele; e punou ifo o ia ina ia amo avega i ona tauʻau, ma o le a faatigāina o ia i galuega mamafa. 16  “O Tanu, o se tasi o ituaiga o Isaraelu, e na te faamasino i ona tagata.+ 17  Ia pei Tanu o se gata i autafa o le auala, o se gata feʻai i le auala, e na te ūina le mulivae o le solofanua, ina ia paʻū ai i tua lē o loo tiʻetiʻe ai.+ 18  Ieova e, ou te faatalitali i le faaolataga mai iā te oe.+ 19  “A o Kato, e osofaʻia o ia e le ʻaufaomea, ae na te osofaʻia i latou o loo i le pito i tua.+ 20  “E lololo meaʻai e maua mai iā Asera,+ e na te avatu mea lelei o mea e fiafia i ai se tupu.+ 21  “O Nafatali+ o se ʻaila e saosaoa ma tiotio. O lē e tautala i upu e logomālie.+ 22  “O Iosefa o le lālā o le laau e fua mai ai ni fua.+ O ia o le lālā o le laau lea e ola i tafatafa o se vaipuna,+ ma ua oo atu ona lālā i luga o le pā.+ 23  Ae na faaauau ona osofaʻia o ia e i latou e fanafana aū, na latou fana atu iā te ia ma teuloto lo latou ita iā te ia.+ 24  A ua tumau pea lana ʻaufana,+ ma ua malolosi pea ona lima.+ O le Leoleo Mamoe, o le Maa o Isaraelu,+ e tupu mai i aao o Lē e Malosi o Iakopo.+ 25  O ia o le meaalofa mai i le Atua, o lē na tapuaʻi i ai lou tamā,+ o lē foʻi e fesoasoani iā te oe;+ e faatasi o ia ma Lē e ona le malosi uma lava,+ e faamanuia le Atua iā te oe i faamanuiaga mai i lugā,+ o faamanuiaga foʻi mai i vai loloto i lalo o le laueleele,+ ma faamanuiaga o susu ma le faaautama.+ 26  O faamanuiaga ua tuuina atu e lou tamā, e sili lea i lo o mea lelei o mauga o le vavau,+ e sili foʻi i le matagofie o aʻega ia e iai mo se taimi umi.+ E faaauau ona iai nei faamanuiaga i luga o le ulu o Iosefa, e oo lava i le tumuaʻi o lē ua filifilia mai i ona uso.+ 27  “O Peniamina, o le luko na te faaauau ona saeia.+ I le taeao e na te ʻai le manu ua maua, a o le afiafi e na te vaevaeina mea ua faoa.”+ 28  Na tupuga mai iā i latou nei ituaiga e sefulu lua o Isaraelu, ma o le mea lenei na fai atu ai lo latou tamā iā i latou a o ia faamanuia atu iā i latou. Na ia avatu iā i latou taʻitoʻatasi se faamanuiaga e fetaui lelei ma le tagata lava ia.+ 29  Mulimuli ane, ua ia poloaʻi atu iā i latou ma faapea atu: “E faatasia aʻu i oʻu tagata.+ Ia tanu aʻu faatasi ma oʻu tamā i le ana o loo i le fanua o Eferona le tagata Hetī,+ 30  i le ana o loo i le fanua o Makapelu lea o loo i luma o Mamere i le atunuu o Kanana, o le fanua lea sa faatau mai e Aperaamo mai iā Eferona le tagata Hetī e fai ma tuugamau.+ 31  O i inā na latou tanu ai Aperaamo ma lana avā o Sara.+ O i inā na latou tanu ai Isaako ma lana avā o Repeka,+ ma o i inā foʻi na ou tanuina ai Lea. 32  O le fanua sa faatau mai e iai le ana, e mai i atalii o Heti.”+ 33  Ua uma ona avatu e Iakopo poloaʻiga i ona atalii. Ona ia tuu lea o ona vae i luga o le moega ma maliu ai ma ua faatasia o ia ma ona tagata.+

Faamatalaga Pito i Lalo

O lona uiga, “O Lē ua Iai le Aiā.”