Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Kenese 46:1-34

46  Ua ō Isaraelu ma i latou uma i lona aiga ma ō atu i Peresepa,+ ona ia faia lea o ni taulaga i le Atua o lona tamā o Isaako.+  Ua fetalai mai le Atua iā Isaraelu i se faaaliga i le pō e faapea:+ “Iakopo, Iakopo e!” ua ia tali atu: “O aʻu lenei!”+  Ua ia toe fetalai mai: “O aʻu o le Atua moni,+ o le Atua o lou tamā.+ Aua e te fefe e alu ifo i Aikupito, auā ou te faia oe ma se nuu tele i inā.+  Ou te alu ifo faatasi ma oe i Aikupito ma ou te toe aumaia foʻi oe,+ e tuu foʻi e Iosefa ona lima i luga o ou mata.”*+  Ua tulaʻi Iakopo ma alu ese mai i Peresepa, ma ua faaauau ona avatu e atalii o Isaraelu, o Iakopo lo latou tamā, o a latou fanau iti, ma a latou avā, i taavale toso na auina atu e Farao e aumai ai o ia.+  Ua latou ave foʻi a latou lafumanu ma a latou oloa ia na faaputu i Kanana.+ Mulimuli ane, ua latou oo i Aikupito, o Iakopo ma lana fanau uma.  Ua ia aumaia ona atalii, o atalii o ona atalii, o ona afafine, ma afafine foʻi o ona atalii, e oo lava i lana fanau uma faatasi ma ia i Aikupito.+  O igoa nei o atalii o Isaraelu, o ē na ō ifo i Aikupito:+ O Iakopo ma ona atalii: O le ulumatua a Iakopo o Reupena.+  O atalii o Reupena, o Hanoka, o Falu, o Esarona ma Karame.+ 10  O atalii o Simeona,+ o Iemuelu, o Iaminu, o Oata, o Iakinu,+ o Soaro ma Sekulo+ le tama tama a le fafine Kanana. 11  O atalii o Levi,+ o Keresona,+ o Koato+ ma Merari.+ 12  O atalii o Iuta,+ o Eru,+ o Onani,+ o Selaa,+ o Faresa+ ma Sera.+ Ae na feoti Eru ma Onani i Kanana.+ O atalii o Faresa, o Esarona+ ma Hamulu.+ 13  O atalii o Isakara,+ o Tulaga,+ o Puva,+ o Iope ma Semarona.+ 14  O atalii o Sepulona,+ o Seretu, o Aluna ma Ialelu.+ 15  O le fanau tama ia a Lea+ na ia fanaua iā Iakopo i Patanarama, faatasi ai ma lona afafine o Tina.+ O le fanau uma a ona atalii ma ona afafine e toʻatolu sefulu tolu. 16  O atalii o Kato,+ o Sefiona, o Haki, o Suni, o Eseponu, o Eri, o Aroti ma Areli.+ 17  O atalii o Asera,+ o Iemina, o Iesiva, o Iesivi, o Peria+ ma lo latou tuafafine o Sera. O atalii o Peria, o Kaveru ma Mekielu.+ 18  O le fanau tama ia a Selepa,+ o lē na tuuina atu e Lapana iā Lea lona afafine. Ua ia fanaua mai iā Iakopo: o le fanau e toʻasefulu ono. 19  O le fanau tama a Rasela,+ le avā a Iakopo, o Iosefa+ ma Peniamina.+ 20  Ua fanaua e Iosefa i Aikupito o Manase+ ma Efaraima,*+ mai iā Asenati+ le afafine o Potifere le ositaulaga o Onu. 21  O atalii o Peniamina, o Pela,+ o Pekaru,+ o Asepelu, o Kera,+ o Naamanu,+ o Agi, o Roso, o Mepimu,+ o Hupimo+ ma Aratu. 22  O le fanau tama ia a Rasela na fanaua mai iā Iakopo. O le fanau uma e toʻasefulu fā i latou. 23  O atalii o Tanu;+ o Husema.+ 24  O atalii o Nafatali,+ o Iaseelu, o Kuni,+ o Iesaru ma Selimo.+ 25  O le fanau tama ia a Pila,+ o le fafine lea na avatu e Lapana i lona afafine o Rasela. Ua ia fanaua mai iā Iakopo; o le fanau uma e toʻafitu. 26  O i latou uma ia, na ō mai ma Iakopo i Aikupito, na tupuga mai iā te ia,+ e ese mai i avā a atalii o Iakopo. O tagata uma e toʻaono sefulu ono. 27  O atalii o Iosefa na fanaua mai iā te ia i Aikupito e toʻalua. O i latou uma mai i le aiga o Iakopo na ō atu i Aikupito e toʻafitu sefulu.*+ 28  Ua ia auina muamua atu Iuta+ iā Iosefa, e fesili atu iā te ia e uiga i Kosena. Mulimuli ane, ona latou taunuu lea i le laueleele o Kosena.+ 29  Ona sauni lea e Iosefa o lana kariota ma alu atu e feiloaʻi ma lona tamā o Isaraelu i Kosena.+ Ina ua ia vaai iā te ia, ua ia fusi i lona ua ma tagi pea lava i lona ua.+ 30  Ona fai atu lea o Isaraelu iā Iosefa: “Ua ou lotomalie nei ou te oti,+ auā o lea ua ou vaai i ou mata, o loo e ola.” 31  Ua fai atu Iosefa i ona uso ma tagata o le aiga o lona tamā: “Seʻi ou alu atu iā Farao ma fai atu iā te ia,+ ‘Ua ō mai i inei iā te aʻu oʻu uso ma tagata o le aiga o loʻu tamā, o ē sa iai i le atunuu o Kanana.+ 32  O nei tamāloloa o leoleo mamoe+ ma o tagata tausi manu+ i latou; ua latou aumaia i inei a latou lafu mamoe ma lafumanu, ma mea uma o loo iā i latou.’+ 33  O le mea e tupu, afai e aami mai outou e Farao ma saunoa atu iā te outou e faapea, ‘O ā a outou galuega e fai?’ 34  Ona outou tali mai lea, ‘O au auauna na tausi lafumanu mai lava a o talavou e oo mai i le taimi nei, o i matou atoa ma o matou augātamā,’+ ina ia outou nonofo ai i le laueleele o Kosena,+ auā e inosia leoleo mamoe i Aikupito.”+

Faamatalaga Pito i Lalo

O lona uiga, ia tapuni mata o Iakopo pe a oti o ia.
I le Tusi Paia Eleni e taʻua o le Septuagint, ua faaopoopo isi igoa e lima. Atonu o le māfuaaga lea ua taʻua ai e Setefano tagata e 75 ae lē o le 70 i le tusi o Ga 7:14.
Tagaʻi i le faamatalaga pito i lalo o le fuai e 20.