Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Kenese 35:1-29

35  Ua mavae lea, ona fetalai mai lea o le Atua iā Iakopo: “Inā tulaʻi ia ma alu i Peteli ma nofo ai i inā,+ ia e faia se fata faitaulaga i le Atua moni i inā, o lē na faaali atu iā te oe a o e sola ese mai iā Esau lou uso.”+  Ona fai atu lea o Iakopo i lona aiga ma ē o loo iā te ia: “Ia lafoaʻi atua ese o loo iā te outou,+ ia faamamāina outou ma sui o outou ofu tetele,+  ia tatou sauniuni ma ō atu i Peteli. O i inā ou te faia ai se fata faitaulaga i le Atua moni, o lē na tali mai i taimi o loʻu puapuaga+ auā ua ia faatasi ma aʻu i le ala na ou ui ai.”+  Ua latou avane iā Iakopo atua+ ese uma sa iā i latou, ma tautaliga sa i o latou taliga, ona tanu+ lea e Iakopo o na mea i lalo o se laau telē e latalata i Sekema.  Ona latou ō ese ai lea ae e leʻi tuliloaina e tagata o aai atalii o Iakopo, auā ua oo i na aai na siʻomia ai i latou+ le mataʻu ona o le Atua.  Mulimuli ane ua taunuu Iakopo, o ia ma tagata uma ua iā te ia, i Lusa+ i Kanana, o Peteli foʻi lea.  Ua ia fausia se fata faitaulaga i inā ma faaigoa lea mea o Elipeteli,* ona o i inā na faaali mai ai le Atua moni iā te ia i le taimi na ia sola ese mai i lona uso.+  Mulimuli ane ona oti ai lea o Tepora,+ o lē na faafaileleina Repeka, ma ua tanu o ia i lalo o se laau telē e lata ane i Peteli. Ona ia faaigoa lea o lea mea o Aluna-pakata.*  Ua toe faaali le Atua iā Iakopo talu ona ia sau mai i Patanarama,+ ma faamanuia mai iā te ia.+ 10  Ua fetalai mai le Atua iā te ia: “O lou igoa o Iakopo.+ E lē toe taʻua lou igoa o Iakopo, ae e taʻua o Isaraelu.” Ona taʻua ai lea o ia o Isaraelu.+ 11  Ua toe fetalai mai le Atua iā te ia: “O aʻu o le Atua o Lē e ona le malosi uma lava.+ Ia fanafanau ma ia faatoʻateleina oe. E tupuga mai iā te oe o nuu, ma faapotopotoga o nuu, ma e tupuga iā te oe o tupu.*+ 12  Ou te foaʻi atu iā te oe le laueleele lea na ou avatu iā Aperaamo ma Isaako, ou te foaʻi atu foʻi i lau fanau+ pe a mavae atu oe.”+ 13  Ona afio aʻe lea o le Atua mai i le mea na ia fetalai mai ai iā te ia.+ 14  Ua faatū e Iakopo se maa faamanatu i le mea na ia fetalai mai ai iā te ia,+ o se maa faamanatu e faia i maa, ua ia liligi i ai se taulaga o meainu ma liligi foʻi i ai le suāuu.+ 15  Ua taʻua pea e Iakopo lea mea na fetalai mai ai le Atua iā te ia, o Peteli.+ 16  Ua latou ō ese mai i Peteli. A o fai sina mamao i luma atu o Efarata,+ ua oo i le taimi e fanau ai Rasela, ae ua faigatā ona fanau o ia.+ 17  A o matuā faigatā tele ona fanau o ia, ua faapea atu le faatosaga iā te ia: “Aua e te fefe auā e te fanaua lava lenei tama tama.”+ 18  Ua oo ina a mavae atu lona ola+ (auā ua oti o ia+) ua ia faaigoa o ia o Penani;* a ua faaigoa o ia e lona tamā o Peniamina.*+ 19  Ua maliu Rasela ma ua tanu i le ala i Efarata, o Peteleema+ foʻi lea. 20  Ua faatū e Iakopo se maa i lona tuugamau. O le maa lenei o le tuugamau o Rasela e oo mai i aso nei.+ 21  Ona alu ese lea o Isaraelu ma faatū lona faleʻie i tua o le ʻolo o Eteru.+ 22  A o nofo Isaraelu i faleʻie+ i lenā laueleele, ua momoe Reupena ma Pila le palake a lona tamā, ma ua logotala i ai Isaraelu.+ Ua sefulu lua ai atalii o Iakopo. 23  O atalii o Iakopo iā Lea, o le ulumatua o Reupena,+ o Simeona, o Levi, o Iuta, o Isakara ma Sepulona. 24  O ona atalii iā Rasela o Iosefa ma Peniamina. 25  O ona atalii iā Pila le auauna teine a Rasela, o Tanu ma Nafatali. 26  O ona atalii iā Selepa, le auauna teine a Lea, o Kato ma Asera. O atalii nei o Iakopo na fananau i Patanarama. 27  Mulimuli ane, ua oo Iakopo iā Isaako lona tamā i Mamere,+ i Kiriata-arapa,+ o Heperona foʻi lea, i le mea na aumau+ ai Aperaamo ma Isaako o ni tagata ese. 28  O tausaga na ola ai Isaako e selau valu sefulu.+ 29  Ona maliu ai lea o Isaako ma ua faatasia o ia i ona tagata, ua toeaina lava ma faamalieina o ia i le olaga,+ ma ua tanu o ia+ e ona atalii o Esau ma Iakopo.

Faamatalaga Pito i Lalo

O lona uiga, o le “Atua o Peteli.”
O lona uiga, o le “Laau Telē na Fetagisi Ai.”
I le gagana Eperu, “e tupuga mai i lou puimanava o tupu.”
O lona uiga, o le “Tama o Loʻu Puapuaga.”
O lona uiga, o le “Atalii o le Lima Taumatau.”