Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Kenese 34:1-31

34  E masani ona alu Tina le tama teine a Lea,+ lea na ia fanaua iā Iakopo, e asiasi+ i afafine o tagata o le atunuu.+  Ua mātauina o ia e Sekema le atalii o Hamoro le tagata Hivī,+ o se tasi o taʻitaʻi o le atunuu, ma mulimuli ane ona faamalosia ai lea o ia+ e Sekema.  Ua pipiimau lona loto iā Tina le afafine o Iakopo, ua manaʻo o ia i le tamaʻitaʻi talavou, ua ia taumafai pea e faatalitonu le tamaʻitaʻi talavou i lona alofa.  Ona fai atu lea o Sekema iā Hamoro lona tamā:+ “Ia e aumai le tamaʻitaʻi talavou e fai ma aʻu avā.”+  Ua logotala Iakopo ua faaleagaina le teine muli o lona afafine o Tina. O loo iai i le fanua+ ona atalii faatasi ma lana lafu; ua manatu Iakopo e lē taʻuina i se tasi lenei mea seʻia latou ō mai.+  Ona alu atu lea o Hamoro le tamā o Sekema, e talanoa iā Iakopo.+  Ina ua faalogo atalii o Iakopo i lenei mea, ona latou toe foʻi mai lea mai i le fanua; ua tigā tele o latou loto ma ua matuā feita,+ ona ua matagā tele le mea na faia e Sekema iā Isaraelu i le faamalosia o le afafine o Iakopo,+ auā o le mea lea, e lē tatau lava ona fai.+  Ona fai mai lea o Hamoro iā i latou: “Ua pipiimau le loto o loʻu atalii o Sekema i lo outou afafine.+ Faamolemole ia aumai o ia e fai ma ana avā,+  ma ia fetaiaʻi ai o tatou gafa.+ Ia aumai o outou afafine matou te faaipoipo i ai, o o matou afafine foʻi ia outou faaipoipo i ai.+ 10  Ia tatou nonofo faatasi, ma faitalia outou ma le laueleele auā e telē. Ia nonofo ai ma fai ai ni a outou pisinisi ma maua ai ni a outou oloa.”+ 11  Ona fai mai lea o Sekema i le tamā o Tina ma ona tuagane: “Ia outou lotomalilie, po o le ā lava le mea tou te fai mai ai ou te avatua. 12  Ia sii i luga le tau o le teine faaipoipo ma le meaalofa lea e tatau ona ou avatu,+ ma ou te lotomalie e foaʻi atu e tusa ma le mea tou te fai mai ai iā te aʻu; ae tau lava ina ia tuu mai le tamaʻitaʻi talavou e fai ma aʻu avā.” 13  Ua manatu atalii o Iakopo e faasesē iā Sekema ma lona tamā o Hamoro ona ua faaleagaina e Sekema le teine muli o lo latou tuafafine o Tina.+ 14  A ua latou fai atu iā i laʻua: “E lē taitai ona matou faia lenā mea, o le avatu o lo matou tuafafine, i se tamāloa e leʻi peritomeina,+ auā o se luma lea iā i matou. 15  Ae e pau lava le tulaga e mafai ona matou ioe atu ai iā te outou, pe afai e tou te pei o i matou, ia peritomeina o outou tane uma.+ 16  Ona matou avatu lea o o matou afafine e tou te faaipoipo i ai, e matou te faaipoipo foʻi i o outou afafine, matou te nonofo faatasi ma outou, ma avea ma nuu e tasi.+ 17  Ae afai tou te lē faalogo iā i matou ma peritomeina outou, e matou te ō ma ave lo matou afafine.” 18  Ua logolelei a latou upu i le manatu o Hamoro ma le manatu o Sekema, le atalii o Hamoro,+ 19  ma e leʻi faatuai le alii talavou i le faataunuuina o lenei fuafuaga,+ ona ua matuā fiafia i le afafine o Iakopo, o ia foʻi ua sili le aga faatamālii+ i le aiga atoa o lona tamā.+ 20  Ona ō ai lea o Hamoro ma lona atalii o Sekema i le faitotoʻa o le pā o lo laʻua aai, ma talanoa atu i tane o lo laʻua aai,+ e faapea: 21  “O ia tagata, o ni tagata e tausia le filemu i lo tatou va.+ Ia nonofo pea i latou i le laueleele ma fai a latou pisinisi, auā e telē le fanua mo i latou.+ E mafai ona tatou faaipoipo i o latou afafine ma e mafai foʻi ona latou faaipoipo i o tatou afafine.+ 22  E pau lava le tulaga e mafai ai ona latou ioe mai iā i tatou, ina ia tatou nonofo faatasi ma avea ma nuu e tasi, o le peritomeina lea o o tatou tane uma e pei ona peritomeina o i latou.+ 23  Pe e lē avea ai ea a latou meatotino, o a latou ʻoa, ma a latou lafumanu ma a tatou meatotino?+ Tau ina ia tatou malilie e fai le mea ua latou fai mai ai ina ia tatou nonofo faatasi ai.”+ 24  Ua faalogo i latou uma o ē ua ō atu i fafo i le faitotoʻa o le pā o lona aai iā Hamoro ma lona atalii o Sekema, ma ua peritomeina ai tane uma o lona aai. 25  Peitaʻi i le aso lona tolu a o tigā+ pea i latou, ua fetagofi Simeona ma Levi+ o atalii e toʻalua o Iakopo, o tuagane o Tina,+ i a la pelu ma ō atu i le aai e aunoa ma se masalomia o i laʻua, ma ua fasiotia tane uma.+ 26  Ua la fasiotia foʻi Hamoro ma lona atalii o Sekema i le pelu.+ Ona la ave lea o Tina sa i le fale o Sekema ma latou ō.+ 27  Ua osofaʻia foʻi e isi atalii o Iakopo tane ua faamanuʻalia ma toeitiiti feoti, ua latou faoa a latou meatotino ona ua latou faaleagaina le teine muli o lo latou tuafafine.+ 28  Ua latou ave a latou mamoe, o a latou lafumanu, o asini, o mea ua i le aai ma mea ua i le fanua.+ 29  Ua latou ave a latou oloa uma, ma ua latou ave faapagota avā a tane o le aai ma a latou fanau iti, ua latou faoa foʻi mea uma ua i totonu o fale.+ 30  Ona faapea atu lea o Iakopo iā Simeona ma Levi:+ “Ua oulua faalumaina aʻu ma ua inosia aʻu e tagata o le atunuu,+ o le ʻau Kanana ma le ʻau Perisē; e toʻaitiiti i tatou,+ e mautinoa o le a latou aufaatasi ma osofaʻia aʻu ma faaumatia aʻu ma loʻu aiga atoa.” 31  A ua la faapea mai: “Pe e tatau ea i se tasi ona faia lo matou tuafafine e pei o se fafine talitane?”+

Faamatalaga Pito i Lalo