Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Kenese 33:1-20

33  Mulimuli ane, ua tepa aʻe Iakopo, ma iloa atu Esau o loo ō mai ma tagata e fā selau.+ Ona ia vavae atu lea o le fanau iā Lea ma Rasela ma auauna teine+ e toʻalua,  ua ia faamuamua ana auauna teine ma a laʻua fanau,+ ona sosoo lea o Lea ma lana fanau+ ae ua faamulimuli Rasela ma Iosefa.+  Ona muamua atu lea o ia iā i latou, ua ia ifo toʻele faafitu seʻia latalata atu o ia i lona uso.+  Ua tamoʻe mai Esau e faafetaui iā te ia,+ ona fusi lea iā te ia+ ma punou i lona ua, ua ia sogi atu ma ua la fetagisi.  Ua ia tepa aʻe ma iloa atu fafine ma a latou fanau, ma faapea mai: “O ai i latou ua faatasi ma oe?” ua ia tali atu: “O fanau nei ua foaʻi mai ma le agalelei e le Atua i lau auauna.”+  Ona ō atu ai lea i luma o auauna teine, o i laʻua ma a la fanau, ua latou ifo atu;  ua ō atu foʻi i luma o Lea ma lana fanau, ua latou ifo atu, ona sosoo mai lea o Iosefa ma Rasela ma ua la ifo atu.+  Ua ia faapea mai: “O le ā le uiga o ia ʻaumalaga na matou fetaui?”+ Ua ia tali atu: “Ina ia fiafia mai ai loʻu alii iā te aʻu.”+  Ona faapea mai lea o Esau: “Loʻu uso e, o loo tele aʻu mea.+ Ia tuu pea au mea.” 10  Ae ua faapea atu Iakopo: “E leai, faamolemole. Afai ua e fiafia mai iā te aʻu,+ ia talia laʻu meaalofa ua ou avatu, talu ai ua ou vaai i ou foliga e pei lava ua ou vaai i fofoga o le Atua auā ua e talileleia aʻu.+ 11  Faamolemole, ia talia mai le meaalofa lea ou te manaʻo e faamanuia atu ai iā te oe,+ auā ua finagalo malie le Atua iā te aʻu, ma ua iā te aʻu o mea uma lava.”+ Ua ia tauanau pea o ia, ona ia talia ai lea o le meaalofa.+ 12  Ona fai mai lea o Esau: “Ia sauni la tatou malaga ma tatou ō ia, ae ou te muamua atu iā te oe.” 13  Ua ia fai atu iā te ia: “Ua silafia e loʻu alii e lēlavavāgofie le fanau, ma ua iai mamoe ma povi ma a latou tama ua iā te aʻu ia,+ ma pe afai e faatopetope ona tulituli ia manu i le aso e tasi, o le a mamate le lafu atoa.+ 14  Faamolemole seʻi muamua atu loʻu alii i luma o lana auauna, ae seʻi tuu mai aʻu e faaauau le malaga ma savavali lemū e tusa ma le malolosi o lafu+ o loo i oʻu luma, ma e tusa foʻi ma le malolosi o le fanau,+ seʻia ou taunuu i le mea o loo iai loʻu alii i Seira.”+ 15  Ona fai mai lea o Esau: “Faamolemole, seʻi ou tuu atu iā te oe nisi o oʻu tagata o ē o faatasi ma aʻu.” Ua ia tali atu: “E leai e lē manaʻomia. Tau ina ia fiafia mai loʻu alii iā te aʻu.”+ 16  O le aso lenā na toe foʻi atu ai Esau i Seira. 17  Ua alu atu Iakopo i Sukota,*+ ua ia fausia ai se fale mo ia, ma ua ia faia foʻi ni fale lauvao+ mo lana lafu. O le mea lea ua ia faaigoa ai lea mea o Sukota. 18  Mulimuli ane, ua taunuu ma le saogalemu Iakopo i le aai o Sekema,+ lea o loo i Kanana,+ ina ua sau o ia mai i Patanarama;+ ma ua ia faatū lona faleʻie e latalata i le aai. 19  Ona ia faatau mai lea o se fasi fanua i le mea ua ia faatūina ai lona faleʻie, mai i atalii o Hamoro, le tamā o Sekema i tupe e selau.+ 20  Ona ia faia lea i inā o se fata faitaulaga ma faaigoa ai o le Atua, o le Atua ia o Isaraelu.*+

Faamatalaga Pito i Lalo

O lona uiga, o “Fale Lauvao.”
I le gagana Eperu, “Eleloiisaraelu.”