Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Kenese 28:1-22

28  Ona aami lea e Isaako o Iakopo, ua faamanuia iā te ia ma poloaʻi atu iā te ia e faapea: “Aua e te faaipoipo atu i se afafine o tagata Kanana.+  Ia e tulaʻi ma alu atu i Patanarama i le aiga o Petueli le tamā o lou tinā, ma faaipoipo atu i se afafine o Lapana, le tuagane o lou tinā.+  E faamanuia le Atua o Lē e ona le malosi uma lava iā te oe, e na te faauluola iā te oe ma faatoʻateleina oe, ma e avea oe ma faapotopotoga o nuu.+  E na te avatu iā te oe le faamanuiaga lea na folafola atu iā Aperaamo,+ o oe lava ma lau fanau ua iā te oe,+ ina ia fai mo oe le laueleele ua e aumau ai o se tagata ese,+ lea na foaʻiina mai e le Atua iā Aperaamo.”+  Ona auina atu lea e Isaako o Iakopo ma ua ia faimalaga atu agaʻi i Patanarama iā Lapana le atalii o Petueli le Suria,+ o le tuagane foʻi o Repeka+ le tinā o Iakopo ma Esau.+  Ua iloa e Esau ua faamanuia e Isaako o Iakopo ma ua auina atu o ia i Patanarama e suʻe mai ai sana avā, ma ina ua ia faamanuia iā te ia ua ia poloaʻi atu e faapea: “Aua e te faaipoipo atu i se afafine o tagata Kanana”;+  ma ua usitaʻi Iakopo i lona tamā ma lona tinā, ma ua agaʻi atu i Patanarama;+  ona iloa ai lea e Esau ua leaga afafine o tagata Kanana i le manatu o lona tamā o Isaako.+  Ona alu ai lea o Esau iā Isamaeli* ma faaipoipo atu iā Maalata le afafine o Isamaeli le atalii o Aperaamo, o le tuafafine foʻi o Nepaiota, e ese mai i isi ana avā.+ 10  Ua tuua e Iakopo Peresepa ma agaʻi atu i Karana.+ 11  Ona ia taunuu lea i se nofoaga ma mālōlō ai i le pō auā ua goto le lā. Ua ia aumai se maa o lea nofoaga ma fai ma ona aluga e taoto ai.+ 12  Ua amata ona fai o lana miti,+ faauta! o se apefaʻi ua faatū i le eleele ma ua oo atu lona tumutumu i le lagi; ma vaai! o loo ō aʻe ma ō ifo ai agelu a le Atua.+ 13  Faauta foʻi! o loo afio mai ai Ieova i luga o le apefaʻi, ma ua ia fetalai mai:+ “O aʻu o Ieova le Atua o Aperaamo lou tamā ma le Atua o Isaako.+ O le laufanua o loo e taoto ai, ou te avatua iā te oe ma lau fanau.+ 14  E pei lau fanau o pefu ninii o le eleele,+ ma e faataapeapeina oe i le itu i sisifo, i le itu i sasaʻe,+ i le itu i mātū ma le itu i saute, e maua foʻi e aiga uma o le lalolagi faamanuiaga* ona o oe ma lau fanau.+ 15  Ou te faatasi ma oe ma tausia oe i lou ala o loo e alu ai ma toe aumaia oe i lenei laufanua,+ auā ou te lē tuua oe seʻia ou faia mea ua ou fai atu ai iā te oe.”+ 16  Ona ala lea o Iakopo na moe ma faapea ifo: “E moni lava, o loo afio Ieova i lenei nofoaga, ae ou te leʻi iloa.” 17  Ua fefe o ia ma toe faapea ifo:+ “Maʻeu le mataʻutia o lenei nofoaga!+ E moni, o lenei mea o le fale o le Atua+ ma o le faitotoʻa o le lagi, ae e lē o se isi mea.” 18  Ua alapō Iakopo i le taeao, ua ia ave le maa lea sa fai ma ona aluga, ua ia faatū e fai ma maa faamanatu, ma sasaa i ai le suāuu.+ 19  Ua ia faaigoa lea nofoaga o Peteli;*+ ae o Lusa le igoa muamua o lea aai.+ 20  Ua fai e Iakopo se tautoga+ e faapea: “Afai e faaauau ona faatasi mai pea le Atua iā te aʻu, ma ia tausia aʻu i le ala o loo oʻu alu ai, ma aumaia le falaoa ou te ʻai ai, ma lavalava ou te ofu ai+ 21  ma ou toe foʻi atu ma le saogalemu i le fale o loʻu tamā, ona faamaonia ai lea o Ieova o loʻu Atua.+ 22  O lenei maa ua ou faatūina o se maa faamanatu e avea ma fale o le Atua,+ o mea uma foʻi ua e foaʻiina mai iā te aʻu, ou te avatu lava iā te oe le sefuluaʻi o mea uma.”+

Faamatalaga Pito i Lalo

Po o “tagata e tupuga mai iā Isamaeli.” Ua oti Isamaeli i lea taimi a ua tusa ma le 77 tausaga o Esau. Tagaʻi i le Ke 25:17, 26.
Ua faaalia i le gagana Eperu, e manaʻomia ona faia se gaoioiga ina ia maua ai le faamanuiaga.
O lona uiga, o le “Fale o le Atua.”