Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Kenese 27:1-46

27  Ua toeaina lava Isaako ma ua tau pō lana vaai,+ ona ia valaau atu lea iā Esau lona atalii ulumatua ma faapea atu iā te ia:+ “Loʻu atalii e!” ua ia tali mai: “O aʻu lenei!”  Ua ia faapea atu: “O lenei, ua ou toeaina lava.+ Ou te lē iloa le taimi ou te oti+ ai.  O lea, faamolemole seʻi e ave au auupega, o lau taga e tuu ai aū ma lau ʻaufana, ma ia e alu atu i le fanua ma tuli se manu mo aʻu.+  Ona e faia mai lea o se meaʻai manogi lea ou te fiafia i ai, ma aumai iā te aʻu seʻi oʻu ʻai ai, ina ia ou faamanuia atu ai iā te oe ae ou te leʻi oti.”+  A o talanoa atu Isaako iā Esau lona atalii, o loo faalogologo mai i ai Repeka. Ua alu Esau i le fanua e tuli se manu e aumai.+  Ua faapea atu Repeka i lana tama o Iakopo:+ “Ua faatoʻā uma lava ona ou faalogo i lou tamā o fai i lou uso o Esau, e faapea,  ‘Ia e tuli se manu ona e faia mai ai lea o se meaʻai manogi, seʻi oʻu ʻai ai, ina ia ou faamanuia atu ai iā te oe i luma o Ieova ae ou te leʻi oti.’+  O lea, laʻu tama e, ia e faalogo mai iā te aʻu i le mea ou te faatonu atu ai iā te oe.+  Faamolemole, ia e alu atu i le lafu ma aumai iā te aʻu ni tamaʻi ʻoti lelei se lua, ou te faia ai se meaʻai manogi mo lou tamā e pei ona ia fiafia i ai. 10  Ona e avatu ai lea i lou tamā e ʻai ai, ina ia faamanuia mai ai o ia iā te oe ae e leʻi oti.” 11  Ua fai mai Iakopo i lona tinā o Repeka: “Ae o Esau loʻu uso o se tagata taufulufulua lona paʻu, a o aʻu o se tagata e lamolemole loʻu paʻu.+ 12  Ae faapefea la pe afai e tagotago mai loʻu tamā iā te aʻu?+ Ona pei ai lea o aʻu o se tasi e ula iā te ia,+ ma ou maua ai le malaia ae lē o se faamanuiaga.”+ 13  Ona faapea atu lea o lona tinā iā te ia: “Laʻu tama e, ia iā te aʻu lou malaia.+ Tau lava o lou faalogo mai iā te aʻu ma ia e alu e aumai ia mea mo aʻu.”+ 14  Ua ia alu ma aumai ia tamaʻi ʻoti i lona tinā, ona faia lea e lona tinā o se meaʻai manogi e pei ona fiafia i ai lona tamā. 15  Mulimuli ane, ua tago Repeka i ofu o Esau lana tama ulumatua,+ o ofu pito i lelei ia o loo i le fale,+ ma faaofu ai Iakopo lana tama laʻitiiti.+ 16  Ua ia tuu i lima o Iakopo le paʻu o tamaʻi ʻoti ma tuu foʻi i lona ua i le mea e lē taufulufulua.+ 17  Ua ia tuu foʻi le meaʻai manogi ma le falaoa na ia saunia i le lima o Iakopo lana tama.+ 18  Ona ia alu atu lea i lona tamā ma faapea atu: “Loʻu tamā e!” ua ia tali mai: “O aʻu lenei! Loʻu atalii e, o ai oe?” 19  Ua fai atu Iakopo i lona tamā: “O aʻu o Esau lau ulumatua.+ Ua ou faia le mea na e fai mai ai iā te aʻu. Faamolemole, seʻi nofo mai ia i luga. Inā nofo mai ia ma taumafa i laʻu manu, ina ia e faamanuia mai iā te aʻu.”+ 20  Ona faapea mai lea o Isaako i lona atalii: “Loʻu atalii e, e faapefea ona e vave maua le manu?” Ua ia faapea atu: “Na aumaia i oʻu luma e Ieova lou Atua le manu.” 21  Ua faapea mai Isaako iā Iakopo: “Faamolemole lava loʻu atalii e, sōsō mai iā te aʻu seʻi oʻu tagotago atu iā te oe, po o oe moni o Esau loʻu atalii pe e leai.”+ 22  Ua sōsō atu Iakopo iā Isaako lona tamā, ua ia tagotago iā te ia ona ia faapea mai lea: “O le leo, o le leo o Iakopo, a o lima, o lima o Esau.”+ 23  Ua ia lē iloa o ia, auā ua taufulufulua ona lima e pei o lima o Esau lona uso. Ona ia faamanuia atu lea iā te ia.+ 24  Ua mavae lea ona ia faapea mai lea: “Po o oe moni ea o loʻu atalii o Esau?” ua ia faapea atu: “O lea lava.”+ 25  Ua ia faapea mai: “Ia aumai iā te aʻu le meaʻai seʻi oʻu ʻai i le manu a loʻu atalii ona ou faamanuia atu lea iā te oe.”+ Ona ia avatu lea iā te ia ua ʻai ai, ua ia avatu foʻi le uaina ma ua ia inu ai. 26  Ua faapea mai Isaako lona tamā iā te ia: “Faamolemole loʻu atalii e, sōsō mai ma sogi mai iā te aʻu.”+ 27  Ua ia sōsō atu ma sogi iā te ia, ma ua ia sosogi i le manogi o ona ofu.+ Ua ia faamanuia iā te ia ma faapea mai: “Vaai, o le manogi o loʻu atalii ua pei o le manogi o le fanua lea ua faamanuiaina e Ieova. 28  Ia foaʻi atu e le Atua moni iā te oe le sau mai i le lagi+ ma le fanua lafulemu o le lalolagi,+ ma le anoanoaʻi o fatu ma le uaina fou.+ 29  Ia auauna tagata iā te oe ma ia ifo nuu iā te oe.+ E fai oe ma pule i ou uso, ma ia ifo atu iā te oe o fanau tama a lou tinā.+ Ia malaia i latou uma e faamalaia iā te oe, ma ia manuia i latou uma e faamanuia atu iā te oe.”+ 30  Ina ua uma ona faamanuia e Isaako o Iakopo, ma e leʻi umi lava talu ona alu ese atu Iakopo mai i luma o Isaako lona tamā, ae sau loa lona uso o Esau mai i lana tuligamanu.+ 31  Ua alu atu foʻi ma fai se meaʻai manogi. Ua ia avatu i lona tamā ma faapea atu i lona tamā: “Seʻi nofo mai ia i luga loʻu tamā e, ma taumafa i le manu a lou atalii, ina ia e faamanuia mai iā te aʻu.”+ 32  Ua fai mai Isaako lona tamā iā te ia: “O ai oe?” ua tali atu o ia: “O aʻu o Esau, o lou atalii ulumatua.”+ 33  Ua amata ona tete o Isaako ma ua matuā tete lava, ma faapea mai: “O ai la lea na alu e tulimanu ma aumaia le meaʻai iā te aʻu, ua uma ona ou ʻai ai ae e te leʻi sau, ma ua ou faamanuia iā te ia? E faamanuiaina lava o ia!”+ 34  Ua faalogo Esau i upu a lona tamā, ona ia eʻē leotele lea i le ita ma faapea atu i lona tamā:+ “Loʻu tamā e, ia e faamanuia mai foʻi iā te aʻu!”+ 35  A ua faapea mai o ia: “Sa sau lou uso ma faasesē iā te aʻu ina ia maua ai e ia le faamanuiaga na tatau ona e maua.”+ 36  Ua fai atu Esau: “Pe e lē o le mea ea lea na faaigoa ai o ia o Iakopo, ina ua faalua ona ia suitulaga iā te aʻu?+ Ua ia faoa loʻu tofi o le ulumatua,+ a o lenei ua ia faoa foʻi ma loʻu faamanuiaga!”+ Ua ia toe faapea atu: “Pe e lē o totoe ea se faamanuiaga mo aʻu?” 37  A ua tali mai Isaako iā Esau: “Ua ou tofia o ia e pule iā te oe+ ma ua ou avatu ona uso uma e auauna iā te ia,+ ma fatu ma le uaina fou e ola ai.+ Pe e iai ea se mea o totoe ou te faia mo oe loʻu atalii?” 38  Ona fai atu lea o Esau i lona tamā: “Loʻu tamā e, pe e lē o totoe ea iā te oe se faamanuiaga se tasi? Loʻu tamā e, ia e faamanuia mai iā te aʻu, o aʻu foʻi!”+ Ua leotele Esau ma ua tagi.+ 39  Ua tali mai Isaako lona tamā iā te ia: “O le mea moni, e te lē nofo i le fanua lafulemu ma e te lē maua le sau mai i le lagi.+ 40  O lau pelu e te ola ai+ ma e te auauna i lou uso.+ Ae pe a oo ina e fiu, e te gausia lana amo i lou ua.”+ 41  Peitaʻi, ua teuloto e Esau lona ita iā Iakopo ona o le faamanuiaga na faamanuia ai o ia e lona tamā,+ ma ua faapea ifo pea Esau i lona loto:+ “Ua lata ona oo mai aso faavauvau ona o loʻu tamā.+ A mavae lea ona ou fasiotia lea o Iakopo loʻu uso.”+ 42  Ina ua logotala Repeka i upu a lana tama ulumatua o Esau, ona ia aami lea o lana tama laʻitiiti o Iakopo ma fai atu: “Faauta! E iai le mea ua mafaufau i ai Esau e māfanafana ai o ia e tusa ai ma oe, o le fasiotia lea o oe.+ 43  A o lenei laʻu tama e, ia e faalogo mai iā te aʻu, ia e tulaʻi+ ma sola atu i loʻu tuagane o Lapana o loo i Karana.+ 44  Ia e nofo faatasi ma ia mo ni aso seʻia tau fai ifo le ita o lou uso,+ 45  seʻia teʻa lelei le ita o lou uso iā te oe, ma galo iā te ia le mea na e faia iā te ia.+ Ona ou aami lea iā te oe ma toe aumai oe. Aiseā o le a ou mafatia ai ona o le aveesea o oulua i le aso e tasi?” 46  Ua fai atu pea Repeka iā Isaako: “Ua oo ina ou ʻinoʻino i loʻu olaga ona o afafine o le ʻau Hetī.+ Afai e fai avā Iakopo i afafine o le ʻau Hetī e pei o ia fafine, mai i afafine o lenei atunuu, o le ā le aogā o le olaga o loo oʻu ola ai?”+

Faamatalaga Pito i Lalo