Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Kenese 20:1-18

20  Ua tapena e Aperaamo lona faleʻie ma ana mea uma+ ma alu atu i le laueleele o Nekepi, ua nofo o ia i le va o Katesa+ ma Sura+ ma aumau ai i Kira.+  Ua toe faapea foʻi Aperaamo e uiga iā Sara lana avā: “O ia o loʻu tuafafine.”+ Ona aami ai lea e Apimeleko le tupu o Kira iā Sara+ ma aumai o ia.  Ona afio mai lea o le Atua iā Apimeleko e ala i se miti i le pō, ua fetalai mai iā te ia: “O lea, ua pei oe o se tagata ua oti ona o le fafine na e aumai,+ auā o ia o le avā a se tasi tane.”*+  Peitaʻi, e leʻi feusuaʻi Apimeleko ma ia.+ Ua ia faapea atu: “Ieova e, po o le a e fasiotia le nuu e ui ina amiotonu i latou?+  Pe e leʻi fai mai ea o ia iā te aʻu, ‘O loʻu tuafafine o ia’? ma o le fafine foʻi, pe e leʻi faapea mai, ‘O loʻu tuagane o ia’? Ua ou faia lenei mea i loʻu lotofaamaoni ma le mamā o oʻu lima.”+  Ona fetalai mai lea o le Atua moni iā te ia i le miti: “Ua ou iloa ua e faia lenei mea i lou lotofaamaoni,+ ma ua ou taofia ai oe mai i le faia o se agasala iā te aʻu.+ O le mea lea na ou lē faatagaina ai oe e feusuaʻi ma ia.+  O lea, ia toe faafoʻi le avā a le tamāloa auā o ia o le perofeta,+ ma e faatoga atu o ia mo oe,+ ona e ola ai pea lea. Ae afai e te lē toe faafoʻi le fafine, ia e iloa e te oti lava, o oe atoa ma i latou uma ua i lou fale.”+  Ua ala usu Apimeleko i le taeao ma ua ia valaau ana auauna ma faamatala atu nei mea uma iā i latou. Ona matuā fefefe ai lea o ia tagata.  Ona aami lea e Apimeleko o Aperaamo ma fai atu iā te ia: “O le ā lenei mea ua e faia iā i matou, ma o le ā saʻu agasala ua fai iā te oe, ua e aumaia ai iā te aʻu ma loʻu malo se agasala tele?+ O gaoioiga e lē tatau ona faia, a ua e faia iā te aʻu.”+ 10  Ua toe faapea atu Apimeleko iā Aperaamo: “O le ā le mea sa e manatu i ai, ua e faia ai lenei mea?”+ 11  Ona tali mai lea o Aperaamo: “Na ou faia auā ua ou faapea ifo iā te aʻu, ‘E lē taumatea ua leai se mataʻu i le Atua i lenei nuu,+ ma latou te fasiotia ai aʻu ona o laʻu avā.’+ 12  Ae e moni lava o ia o loʻu tuafafine, o ia o le afafine o loʻu tamā, ae e lē o se tama teine a loʻu tinā; ma ua fai o ia ma aʻu avā.+ 13  Ina ua fetalai mai le Atua iā te aʻu e tuua le aiga o loʻu tamā ae aumau solo,+ ona ou faapea atu lea i laʻu avā, ‘O le auala lenei e mafai ai ona e faaalia mai lou alofa faamaoni+ iā te aʻu: O so o se mea lava e ta te ō i ai, ia e faapea atu e uiga iā te aʻu: “O loʻu tuagane o ia.” ’ ”+ 14  Ona avatu lea e Apimeleko o mamoe, o povi, o auauna tane, ma auauna fafine iā Aperaamo ma toe faafoʻi atu iā te ia lana avā o Sara.+ 15  Ua toe faapea atu Apimeleko: “E mafai ona e nofo i so o se mea o loʻu fanua. Ia faitalia oe po o fea e lelei iā te oe e te nofo ai.”+ 16  Ua ia faapea atu iā Sara: “Ua ou avatu i lou tuagane+ tupe siliva e afe. Ua avea lenei tupe ma ufiufi+ mata* mo i latou uma ua faatasi ma oe, atoa ma isi tagata, e faamaonia ai ua e mamā mai i tuuaʻiga uma.” 17  Ua faatoga atu Aperaamo i le Atua moni;+ ona faamālōlōina lea e le Atua o Apimeleko, o lana avā ma ana teine pologa, ua latou fanaua ni fanau. 18  Auā na matuā taofia e Ieova fafine* uma i le aiga o Apimeleko mai i le fanauina o ni fanau ona o Sara le avā a Aperaamo.+

Faamatalaga Pito i Lalo

I le gagana Eperu, “o lē e ona le avā.”
O le “ufiufi mata” o se alagāupu faa-Eperu e faailoa atu ai se faasilasilaga faaletulafono o le lē taʻuvalea o le igoa o se tamaʻitaʻi.
I le gagana Eperu, “na matuā punitia e Ieova faaʻautagata o fafine uma.”