Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Kenese 17:1-27

17  Ina ua iva sefulu iva tausaga o Aperamo, ona faaali mai lea o Ieova iā Aperamo ma faapea mai iā te ia:+ “O aʻu o le Atua, o Lē e ona le malosi uma lava.+ Ia e savali i oʻu luma ma ia lē ponā lau amio.+  Ou te faatumauina laʻu feagaiga ma oe,+ ma ou te matuā faatoʻateleina lava lau fanau.”+  Ona faapaʻū faō+ lea o Aperamo, a ua fetalai mai pea le Atua iā te ia e faapea:  “A o aʻu nei, o laʻu feagaiga lenei ma oe,+ e avea oe ma tamā o nuu e tele.+  E lē toe taʻua lou igoa o Aperamo, ae e taʻua oe o Aperaamo,* auā ou te faia oe e avea ma tamā o nuu e tele.  Ou te matuā faatoʻateleina lau fanau, ou te faia oe e avea ma tamā o nuu, ma e tupuga mai iā te oe o tupu.+  “Ou te tausia laʻu feagaiga ma oe,+ faapea foʻi ma lau fanau i o latou tupulaga uma pe a mavae oe, o se feagaiga e mo se taimi umi lava,+ ina ia e iloa ai o aʻu o le Atua, ma iloa ai foʻi e lau fanau pe a mavae atu oe.+  Ou te avatua iā te oe, ma lau fanau pe a mavae atu oe, le laueleele o loo e aumau+ ai, e oo lava i le laueleele atoa o Kanana, e fai mo latou mo se taimi umi lava; ma o le a avea ai aʻu ma Atua iā i latou.”+  Ua toe fetalai mai le Atua iā Aperaamo: “A o oe, ia e tausia laʻu feagaiga, o oe ma lau fanau i o latou tupulaga+ uma pe a mavae atu oe. 10  O outou tane, o laʻu feagaiga lenei ma outou ia outou tausia, e oo lava i lau fanau pe a mavae atu oe:+ E tatau ona peritomeina* o tane* uma lava.+ 11  E tatau ona peritomeina outou i le paʻu* o o outou tino, ina ia fai ma faailoga o le feagaiga i le va o aʻu ma outou.+ 12  E tatau ona peritomeina+ o outou tama uma ua valu aso le matutua i o outou tupulaga uma, so o se tasi e fanau i le aiga,* ma so o se tasi e lē o sau fanau ae na faatauina mai i se tagata mai se isi atunuu. 13  E tatau ona peritomeina o tane uma na fananau i lou aiga, ma tane uma na e faatauina mai;+ o laʻu feagaiga ma outou i le tino, e tatau ona fai ma feagaiga mo se taimi umi lava.+ 14  O se tane e lē peritomeina, e musu e peritomeina le paʻu o lona tino, e tatau ona fasiotia o ia.+ Ua ia solia laʻu feagaiga.” 15  Ua toe fetalai mai le Atua iā Aperaamo: “A o Sarai lau avā, aua neʻi e toe taʻua o Sarai, auā o Sara* o lona igoa+ lea. 16  Ou te faamanuia iā te ia, ma foaʻi atu iā te oe se atalii mai iā te ia;+ ou te faamanuia o ia, e tupuga mai iā te ia o nuu;+ ma e tupuga mai foʻi iā te ia o tupu o nuu.”+ 17  Ona faapaʻū faō lea o Aperaamo ua ʻata ma faapea ifo i lona loto:+ “Pe e fanau mai ea e se tane ua selau tausaga se tamaitiiti, ma pe e fanau mai foʻi e Sara o se fafine ua iva sefulu tausaga se tamaitiiti?”+ 18  Ona faapea atu lea o Aperaamo i le Atua moni: “Tau ina ia maua e Isamaeli lau faamanuiaga!”+ 19  Ua fetalai mai le Atua: “O lau avā lava o Sara e fanau mai ai sou atalii, e te faaigoa iā te ia o Isaako.+ Ou te faatumauina laʻu feagaiga ma ia, o se feagaiga mo se taimi umi lava i lana fanau pe a mavae atu o ia.+ 20  Ua ou faalogo i lau tala e uiga iā Isamaeli. Faauta! ou te faamanuia iā te ia, ou te faauluola iā te ia ma matuā faatoʻateleina lava.+ E tupuga mai iā te ia o taʻitaʻi e toʻasefulu lua, ma ou te faia o ia e avea ma se nuu tele.+ 21  Ae ou te faatumauina laʻu feagaiga ma Isaako,+ o le tama lea o le a fanaua e Sara mai iā te oe i lenei taimi atofaina i le tausaga lea.”+ 22  Ua māeʻa ona fetalai mai le Atua iā te ia ona afio aʻe lea o ia mai iā Aperaamo.+ 23  Ona ave lea i le aso lava lenā e Aperaamo o Isamaeli lona atalii, o tane uma na fananau i lona aiga, o i latou uma na ia faatauina, o tane uma lava o i le fale o Aperaamo, ua ia peritomeina paʻu o o latou tino, e pei ona fetalai mai ai le Atua iā te ia.+ 24  E iva sefulu iva tausaga o Aperaamo ina ua peritomeina le paʻu o lona tino.+ 25  E sefulu tolu tausaga o Isamaeli lona atalii ina ua peritomeina le paʻu o lona tino.+ 26  O le aso lava lea na peritomeina ai Aperaamo ma lona atalii o Isamaeli.+ 27  Ua peritomeina faatasi ma ia o tamāloloa uma i lona aiga, so o se tasi na fanau i lona fale, ma so o se tasi foʻi na ia faatauina mai i se tagata mai se isi atunuu.+

Faamatalaga Pito i Lalo

O le uiga o le igoa o Aperamo o le “Tamā o le Olioli,” a o le uiga o le igoa o Aperaamo o le “Tamā o le Toʻatele.”
O le peritome, o lona uiga e tipiese paʻu o totogasā o tama.
I le gagana Eperu, “o tane uma” e aofia ai ma tama uma lava.
O le “paʻu” lenei e faasino atu i le paʻu o totogasā o tamāloloa.
Po o “so o se atalii o se pologa.”
Atonu o le uiga o le igoa o Sarai o le “Finauvale,” a o le uiga o le igoa o Sara o le “Purinisese.”