Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Kenese 16:1-16

16  Ua lē fanau+ Sarai le avā a Aperamo; ae e iai sana auauna teine, o ia o se Aikupito, o Akara+ lona igoa.  Ona fai atu lea o Sarai iā Aperamo: “Faamolemole, seʻi faalogo mai ia iā te aʻu! Ua taofia aʻu e Ieova mai i le fanauina o se fanau.+ Ia lua feusuaʻi ma laʻu auauna teine. Atonu ou te maua ai ni fanau mai iā te ia.”+ Ua faalogo Aperamo iā Sarai.+  Ona avatu ai lea e Sarai, le avā a Aperamo, o Akara lana auauna teine o le Aikupito, i lana tane o Aperamo e fai ma ana avā,+ ina ua mavae le sefulu tausaga talu ona nofo Aperamo i Kanana.  Ua feusuaʻi Aperamo ma Akara ona tō ai lea o ia. Ina ua ia iloa ua tō o ia, ona ia manatu faatauvaa ai lea i lona matai fafine.+  Ona fai atu lea o Sarai iā Aperamo: “Ia i ou luga le puapuaga lea ua oo iā te aʻu. Na ou avatu laʻu auauna teine iā te oe,* ua ia iloa ua tō o ia, ona ia manatu faatauvaa ai lea iā te aʻu. Tau ina ia faamasino e Ieova po o ai o i taʻua e saʻo.”+  Ua tali mai Aperamo iā Sarai:+ “Vaai oe! Ua iā te oe le pule i lau auauna teine. Faitalia lava oe i se mea e te faia iā te ia.”+ Ona faalumaluma lea o Sarai iā te ia, ona sola ese ai lea o ia mai iā Sarai.+  Mulimuli ane, ona maua lea o ia e le agelu+ a Ieova i le vaipuna i le toafa, o le vaipuna lea i le ala i Sura.+  Ua ia fai atu: “Akara e, le auauna teine a Sarai, o fea e te sau ai, ma o fea a e agaʻi atu i ai?” Ona fai mai lea o Akara: “Oi, ua ou sola ese mai iā Sarai loʻu matai fafine.”  Ua toe faapea atu le agelu a Ieova iā te ia: “Ia e toe foʻi atu nei i lou matai fafine, ma ia e faamaulalo iā te ia.”+ 10  Ona faapea atu lea o le agelu a Ieova iā te ia: “Ou te matuā faatoʻateleina lau fanau,+ o le a lē mafai ai ona faitaulia ona o le toʻatele.”+ 11  Ua toe faapea atu le agelu a Ieova iā te ia: “O lenā ua e tō, e te fanau mai se tama tama, ma e te faaigoa iā te ia o Isamaeli;*+ auā ua faafofogaina e Ieova lou tagiauē.+ 12  A o ia, o le a amio lē pulea e pei o se solofanua tusitusi. E tetee atu o ia i tagata uma, ma e tetee mai foʻi tagata uma iā te ia;+ ma e nofo o ia i faleʻie+ e latalata i ona uso uma.” 13  Ona valaau lea o Akara i le suafa o Ieova, o lē ua fetalai mai iā te ia: “O oe o le Atua na te silafia+ mea uma,”* ma ua ia faapea ifo iā te ia lava: “Po ua ou vaai ea i lē ua silasila mai iā te aʻu?” 14  O le mea lea ua taʻua ai lea vaieli o Pere-laaroi.*+ Ua iai i le va o Katesa ma Pereta. 15  Mulimuli ane ona fanaua lea e Akara o se tama tama mai iā Aperamo, ma ua faaigoa e Aperamo lona atalii lea na fanaua e Akara o Isamaeli.+ 16  E valu sefulu ono tausaga o Aperamo, ina ua fanaua e Akara o Isamaeli mai iā Aperamo.

Faamatalaga Pito i Lalo

I le gagana Eperu, “Na ou avatu laʻu auauna teine i lou fatafata.”
O lona uiga, “E Faafofoga Mai le Atua.”
Po o “silasila mai iā te aʻu,” po o “lē na te faaalia mai o ia lava.”
O lona uiga, “O le vaieli o Lē o loo soifua ma o loo silasila mai iā te aʻu.”