Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Kenese 15:1-21

15  Ua mavae ia mea, ona faaoo mai lea e Ieova o lana feʻau iā Aperamo i se faaaliga,+ e faapea: “Aperamo e, aua e te fefe.+ O aʻu o lou talita.+ E matuā tele lava lou taui.”+  Ua tali atu Aperamo: “Ieova e, le Alii Pule Silisili Ese, e faapefea ona tauia o aʻu, ae ua leai saʻu fanau, ma o le a maua loʻu tofi e se tagata mai i Tamaseko, o Elisara?”+  Ua faapea atu foʻi Aperamo: “Silasila foʻi! Ua e lē foaʻi mai se fanau+ mo aʻu, ae o se auauna+ o loʻu aiga ua fai ma oʻu suli e sosoo mai iā te aʻu.”  Faauta foʻi! ua faapea mai le fetalaiga a Ieova iā te ia: “E lē avea ma ou suli lea auauna e sosoo atu iā te oe, ae o sē e fanau mai iā te oe e avea ma ou suli+ ma e sosoo atu iā te oe.”  Ua ia aumaia o ia i fafo o lona faleʻie ma fetalai mai: “Faamolemole, ia e tepa aʻe i le lagi ma faitau fetu, pe e mafaia ona e faitauina.”+ Ua ia fetalai atili mai: “E faapea foʻi lau fanau.”+  Ua faatuatua foʻi o ia iā Ieova;+ ma ua Ia silasila iā te ia o lē ua amiotonu.+  Ona ia fetalai mai lea: “O aʻu o Ieova, o lē na aumaia oe mai i Uro i Kaletaia ina ia avatu iā te oe lenei laueleele e fai ma ou tofi.”+  Ua fai atu o ia: “Ieova e, le Alii Pule Silisili Ese, e faapefea ona ou iloa e fai ma oʻu tofi+ lenei laueleele?”  Ona ia fetalai mai lea iā te ia: “Ia aumai se povi fafine e tolu tausaga, o se ʻoti fafine e tolu tausaga, o se mamoe poʻa e tolu tausaga, o se manutagi ma se tamaʻi lupe.”+ 10  Ua ia aumaia nei manu ma taisilua, ua ia tuu le tasi itu o le manu e faafesagaʻi ma le tasi o ona itu, ae e leʻi vaevaeina+ manulele. 11  Ona felelei ifo lea o manulele taufeʻai i tino o manu mamate,+ ae ua tutuliese e Aperamo. 12  A o lata ina goto le lā, ona moegase ai lea o Aperamo,+ faauta! ua oo iā te ia se pogisa tele e fefe ai. 13  Ua ia fetalai mai iā Aperamo: “Ia e mautinoa o le a aumau lau fanau i se atunuu e lē o so latou atunuu,+ e nofo pologa lau fanau iā i latou, ma latou te faapuapuagatia i latou mo le fā selau tausaga.+ 14  Ae ou te faamasinoina+ le atunuu latou te nofo pologa ai, ma mulimuli ane latou te ō ese ma le tele o oloa.+ 15  A o oe, e te oti filemu pe a e matuā toeaina+ lava; ma e tanu oe e pei ona tanu o ou augātamā. 16  Ae e toe foʻi mai+ lau fanau i le augātupulaga lona fā, auā e leʻi māeʻa+ agasala a tagata Amorī.” 17  Ua goto ifo le lā ma ua matuā pogisa mea uma, ae vaai foʻi! o le ogaumu ua alu aʻe ai le asu ma se afi mumū ua ui i le va o tino o manu ua vaeluaina.+ 18  O lenā lava aso na osia ai e Ieova se feagaiga+ ma Aperamo, e faapea: “Ou te foaʻi atu lenei laueleele+ i lau fanau, e amata mai i le vaitafe o Aikupito e oo atu i le vaitafe tele, o le vaitafe lea o Eufirate:+ 19  o le ʻau Keni,+ o le ʻau Kinasa, o le ʻau Katemoni, 20  o le ʻau Hetī,+ o le ʻau Perisē,+ o le ʻau Rafaimi,+ 21  o le ʻau Amorī, o le ʻau Kanana, o le ʻau Kirekasē ma le ʻau Iepusē.”+

Faamatalaga Pito i Lalo