Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Kenese 14:1-24

14  I aso o Amarafilo le tupu o Senara,+ o Arioka le tupu o Alasara, o Kitalaoma+ le tupu o Elama+ ma Titalu le tupu o Koima,+  ua latou siitaua atu iā Pira le tupu o Sotoma,+ o Piresa le tupu o Komoro,+ o Senapo le tupu o Atama,+ o Semepo le tupu o Sepoiima+ ma le tupu o Pela (lea ua taʻua foʻi o Soara).+  Ua latou* ō atu faatasi o se ʻau+ i le Fanua Laugatasi o Sitima,+ o le Sami Oona+ lea.  E sefulu lua tausaga na latou auauna ai iā Kitalaoma, ae ina ua oo i le tausaga lona sefulu tolu, ona fouvale lea o i latou.  Ua ō mai i le tausaga lona sefulu fā o Kitalaoma ma tupu ua ʻau faatasi ma ia, ua latou faatoʻilaloina tagata Rafaimi i Aserota-karenaima+ ma tagata Susema i Hamo ma tagata Emema+ i Savee-kiriataima,  ma tagata Hori+ i lo latou mauga o Seira+ e oo atu i Eleparana,+ e latalata i le toafa.*  Ona latou liliu lea ma oo atu ai i Enemisipata, o Katesa+ lea, ma faatoʻilaloina le vaipanoa atoa o tagata Amaleka+ ma tagata Amorī+ ia sa nonofo i Haseso-tamara.+  Ua ō atu foʻi le tupu o Sotoma, atoa ma le tupu o Komoro, o le tupu o Atama, o le tupu o Sepoiima ma le tupu o Pela (lea ua taʻua foʻi o Soara), ua latou siitaua iā i latou i le Fanua Laugatasi o Sitima,+  ua faasagatau iā Kitalaoma le tupu o Elama, o Titalu le tupu o Koima, o Amarafilo le tupu o Senara, o Arioka le tupu o Alasara;+ ua faasagatau tupu e toʻafā i tupu e toʻalima. 10  Ua iai i le Fanua Laugatasi o Sitima+ le tele o lua e iai le tā;+ ua sosola tupu o Sotoma ma Komoro+ ma paʻuʻū ai, a o i latou ua totoe ua sosola atu i vaega maugā.+ 11  Ua ave e i latou ua manumalo o oloa uma ma meaʻai a Sotoma ma Komoro, ona ō ai lea o i latou.+ 12  Ua latou ave foʻi ma Lota le atalii o le uso o Aperamo, atoa ma ana oloa, ona latou ō ai lea. Ona sa nofo Lota i Sotoma.+ 13  Mulimuli ane, ua alu atu se tamāloa ua sao mai ma taʻu atu le tala iā Aperamo le Eperu.+ O lē sa nofo i faleʻie e latalata ane i laau maualuluga o Mamere le tagata Amorī,+ o ia o le uso o Esekolo ma Aneri;+ ma o i latou na sa osi feagaiga ma Aperamo. 14  O lea, ua logotala Aperamo ua ave faapagota lona uso.+ Ona ia faapotopoto lea o ona tagata ua masani e tau,+ e toʻatolu selau sefulu valu pologa o ē na fananau i lona fale+ ma ua latou tuliloaina ē na siitaua mai, e oo atu i Tanu.+ 15  I le pō ua ia vaevaeina ai ana ʻau,+ o lona uiga o ia ma ana pologa, ma tau ma i latou, ua ia faatoʻilaloina i latou ma ua ia tuliloa i latou e oo atu i Hopa, o loo i le itu i mātū o Tamaseko. 16  Ona toe maua lea e ia o oloa uma,+ ma ua toe maua foʻi ma Lota lona uso ma ana oloa uma, atoa ma fafine ma isi tagata.+ 17  Ua alu atu le tupu o Sotoma e faafetaiaʻi iā te ia i le Fanua Laugatasi o Savee, o le Fanua Laugatasi lea o le tupu,+ ina ua ia faatoʻilaloina Kitalaoma ma tupu sa ʻau faatasi ma ia. 18  Ona aumaia lea e Mekisateko+ o le tupu o Salema+ o meaʻai ma uaina,+ auā o ia o le ositaulaga a le Atua Silisili Ese.+ 19  Ua ia faamanuia iā te ia ma faapea atu: “Ia faamanuia Aperamo e le Atua Silisili Ese,+ o Lē na faia le lagi ma le lalolagi;+ 20  Ia viia le Atua Silisili Ese,+ O Lē ua tuuina i ou lima ē na sauā mai!”+ Ona avatu lea e Aperamo iā te ia o le sefuluaʻi o ana mea uma.+ 21  Ua fai mai le tupu o Sotoma iā Aperamo: “Ia aumai iā te aʻu tagata+ ae ave ma oe oloa.” 22  Ona tali atu lea o Aperamo i le tupu o Sotoma: “Ou te sii i luga loʻu lima e tautō+ ai iā Ieova o le Atua Silisili Ese, o Lē na faia le lagi ma le lalolagi, 23  e oo lava i se filo po o se nonoa o se seevae, ou te lē avea lava so o se mea mai iā te oe+ ina neʻi e faapea, ‘O aʻu ua mauʻoa ai Aperamo.’ 24  Ou te lē manaʻo lava i se mea e tasi!+ Tau lava o mea ua uma ona ʻai e tane talavou, ma ni mea mo tamāloloa o ē na matou ō faatasi, o Aneri, o Esekolo, ma Mamere,+ ma ia ave ni a latou mea.”+

Faamatalaga Pito i Lalo

O le upu “latou” e faasino atu i tupu o loo taʻua i le fuaiupu muamua.
E faasino atu le upu Eperu mo le “toafa” i se laufanua e leʻi galueaʻiina ma e tau leai nisi e nonofo ai.