Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Kenese 13:1-18

13  Ona tuua lea e Aperamo o Aikupito ma agaʻi atu i laufanua o Nekepi,+ o ia ma lana avā, o ana mea uma atoa foʻi ma Lota.  Ua tamaoaiga Aperamo i le tele o lafumanu, o siliva ma auro.+  Ua nonofo solo i faleʻie a o malaga atu o ia mai i Nekepi i Peteli, i le mea na iai muamua lona faleʻie i le va o Peteli ma Ai,+  i le mea o iai le fata faitaulaga sa ia muaʻi faia;+ ona valaau atu lea o Aperamo i le suafa o Ieova.+  O Lota foʻi, o lē ua ō faatasi ma Aperamo, ua iā te ia o mamoe, ma povi, ma faleʻie.  A ua lē lava le fanua mo i laʻua e nonofo faatasi ai ona ua tele a laʻua mea, ma ua lē mafai ai ona la nonofo faatasi.+  Ona tupu lea o se misa i le va o ē e tausia lafumanu a Aperamo ma ē e tausia lafumanu a Lota; a o le taimi lenā o loo nonofo ai tagata Kanana ma tagata Perisē i le atunuu.+  Ua faapea atu Aperamo iā Lota:+ “Faamolemole, aua neʻi toe femisaaʻi i taʻua, po o ē e tausia aʻu lafumanu ma ē e tausia au lafumanu, auā o uso+ i taʻua.  Pe e lē o telē ea le fanua e te nofo ai? Faamolemole, seʻi o ta nonofo eseese ia. Pe afai e te alu i le itu tauagavale, ona ou alu lea i le itu taumatau, ae afai e te alu i le itu taumatau, ona ou alu lea i le itu tauagavale.”+ 10  Ua tepa aʻe Lota ma iloa atu le Itumalo uma o Ioritana+ e oo atu i Soara.+ Ua ia iloa o se vaipanoa ua lava ai le vai ma lauolaola e pei o le faatoʻaga a Ieova,+ e pei foʻi o laufanua o Aikupito, a o leʻi faaumatia e Ieova Sotoma ma Komoro. 11  Ua filifilia e Lota le Itumalo uma o Ioritana, ona tapena lea e Lota ona faleʻie ma ana mea uma ma alu atu i le itu i sasaʻe. Ua faamavae i laʻua. 12  Ona nofo lea o Aperamo i le atunuu o Kanana, a ua nofo Lota e latalata i aai o le Itumalo.+ Mulimuli ane, ua ia faatū lona faleʻie e latalata ane i Sotoma. 13  Ua matuā leaga lava tamāloloa o Sotoma ma ua latou faia ni agasala matuiā iā Ieova.+ 14  Ua fetalai mai Ieova iā Aperamo ina ua la nonofo eseese ma Lota: “Faamolemole, seʻi e tepa aʻe mai i le mea o loo e iai, ma vaai i le itu i mātū ma saute, i sasaʻe ma sisifo,+ 15  auā o le laueleele ua e vaai atu i ai, ou te avatua lea iā te oe ma lau fanau mo se taimi umi lava.+ 16  Ou te faia foʻi lau fanau e pei o pefu ninii o le eleele, auā afai e mafai ona faitau e se tagata pefu ninii o le eleele, ona mafai foʻi lea ona faitaulia+ o lau fanau. 17  Inā alu ia ma fealualuaʻi i le fanua i lona umi ma lona lautele, auā ou te avatua iā te oe.”+ 18  Ua nofo pea Aperamo i faleʻie. Mulimuli ane, ua ia nofo latalata ane i laau maualuluga o Mamere+ i Heperona;+ ona ia fausia ai lea o se fata faitaulaga iā Ieova+ i inā.

Faamatalaga Pito i Lalo