Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Kalatia 6:1-18

6  Le ʻauuso e, e ui lava ina uia e se tagata se laasaga sesē+ ae e na te leʻi iloaina, o outou o ē ua agavaa faaleagaga,+ ia taumafai e faasagatonu lenā tagata i le agaga o le agamalu,+ ma ia taʻitasi ma faaeteete+ ina neʻi faaosoosoina oe.+  Ia fesoasoani le tasi i avega mamafa+ a le isi, ma faapea ona faataunuu ai le tulafono a le Keriso.+  Auā afai e manatu se tasi o ia o se tagata tāua ae e leai,+ ua faasesēina ai e ia o ia lava.  Ae ia taʻitasi le tagata ma faamaonia po o faapefea ana galuega,+ ona iai lea o se mea e mitamita ai iā te ia lava, ae aua le faatusatusa+ atu i le isi tagata.  Auā e tauave e le tagata lava ia lana avega.+  A o lē ua aʻoaʻoina*+ i le afioga a le Atua, ia faasoa+ atu e ia o mea lelei uma i lē ua aʻoaʻoina o ia.+  Aua neʻi faasesēina+ outou: e lē ulagia le Atua.+ Auā o le mea e lūlūina e le tagata, o le mea lava lea e na te seleseleina mai;+  auā o lē e lūlū e tusa ma le tino agasala, e na te selesele mai le tino ua pala,+ a o lē e lūlū e tusa ma le agaga,+ e na te selesele mai le ola e faavavau mai i le agaga.+  O lea, aua neʻi o tatou fiu e faia le mea lelei,+ auā e iai le taimi e tatou te selesele mai ai, pe a tatou lē faavaivai.+ 10  Seʻi o tatou faia mea lelei i tagata uma manū o talafeagai le taimi e fai ai,+ aemaise i ē tatou te aiga i le faatuatua.+ 11  Vāai i le tetelē o mataʻitusi ua ou tusi atu ai iā te outou i loʻu lava lima.+ 12  O i latou uma o ē e mananaʻo e taʻuleleia e tagata, o i latou na o loo tauanauina outou e peritome,+ e na o lenei, ina neʻi sauāina i latou ona o le laau na faapuapuagatia* ai Keriso+ Iesu. 13  Auā e oo lava iā i latou ua peritomeina, latou te lē o tausia le Tulafono,+ ae ua latou mananaʻo e peritomeina outou ina ia iai se mea latou te mimita ai i o outou tino. 14  Aua lava neʻi iai se mea ou te mitamita ai, seʻi vaganā le laau na faapuapuagatia*+ ai lo tatou Alii o Iesu Keriso. O ia foʻi ua faatautau*+ ai le lalolagi i le laau iā te aʻu, o aʻu foʻi i le lalolagi. 15  Auā e lē tāua le peritomeina+ po o le lē peritomeina, ae e tāua le foafoaga fou.+ 16  O i latou uma foʻi e savavali e tusa ma lenei tulafono tau amio, ia iā i latou le filemu ma le alofa mutimutivale, ia iai foʻi i le Isaraelu a le Atua.+ 17  O lea, aua neʻi faalavelave mai se tasi iā te aʻu, auā ua ou tauave i loʻu tino le faailoga+ o se pologa a Iesu.+ 18  Uso e, ia iai i le agaga+ ua outou faaalia, le agalelei faifua o lo tatou Alii o Iesu Keriso. Amene.

Faamatalaga Pito i Lalo

I le gagana Eleni, “ua tuugutu mai aʻoaʻoga iā te ia.”
Tagaʻi i le Faaopoopoga e 10.
Tagaʻi i le Faaopoopoga e 10.
Pe “tutuʻi.”