Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Kalatia 1:1-24

1  O aʻu o Paulo,+ o le aposetolo,+ e lē mai i tagata pe na tofia e se tagata, ae na tofia e Iesu Keriso+ ma le Atua le Tamā,+ o lē na faatūina o ia mai i le oti,+  ma le ʻauuso uma ua faatasi ma aʻu,+ o le tusi lenei i faapotopotoga i Kalatia:+  Tau ina ia iā te outou le agalelei faifua ma le filemu+ mai i le Atua lo tatou Tamā, ma le Alii o Iesu Keriso.  Na foaʻiina mai e ia o ia lava mo a tatou agasala,+ ina ia laveaʻi e ia i tatou mai i le faiga leaga o mea+ o loo iai nei e tusa ai ma le finagalo+ o lo tatou Atua, o le Tamā lea,  o lē e tatau ona faamamaluina e faavavau, faavavau lava.+ Amene.  Ou te ofo ona ua vave ona outou ō ese mai i Lē+ na valaauina outou i le agalelei faifua+ o Keriso, ma outou faalogo atu i le tala lelei e ese.+  Ae e leai lava se isi tala lelei; e na o ē ua faalavelave+ atu iā te outou, ma mananaʻo e mimilo sesē le tala lelei i le Keriso.+  Peitaʻi, e tusa lava pe e faailoa atu e se tasi o i matou, po o se agelu mai i le lagi iā te outou se tala lelei e ese mai i le tala lelei lea na matou faailoa atu iā te outou, ia malaia o ia.+  E pei ona matou fai atu muamua, ou te toe fai atu nei foʻi, Po o ai lava se tasi e folafola atu se tala lelei e ese mai i lea na outou taliaina,+ ia malaia o ia. 10  Po o tagata ea o loo oʻu taumafai e faatalitonu po o le Atua? Po o oʻu saʻili ea e faafiafia i tagata?+ Afai ua ou faafiafia i tagata,+ e lē avea la aʻu ma pologa a Keriso.+ 11  Le ʻauuso e, ua ou faailoa atu iā te outou, o le tala lelei lea na ou folafola atu, e lē o se tala lelei a tagata;+ 12  auā ou te leʻi mauaina mai i tagata, ma e leʻi aʻoaʻoina ai foʻi aʻu, ae na faaali mai e Iesu Keriso iā te aʻu.+ 13  O le mea moni, na outou faalogo muamua i laʻu amio a o ou iai i le lotu Iutaia,+ sa ou matuā sauā+ pea i le faapotopotoga a le Atua ma faataugā i ai,+ 14  na sili loʻu agaʻigaʻi i luma i le lotu Iutaia nai lo o le toʻatele o laʻu tupulaga i loʻu nuu,+ na sili foʻi loʻu maelega+ i tū masani+ a oʻu tamā. 15  A o le Atua o lē na māfua ai ona ou fanau mai i le manava o loʻu tinā, o ia foʻi na valaauina+ aʻu ona o lona agalelei faifua,+ na ia finagalo e lelei ona 16  faaalia mai o lona Alo e ala iā te aʻu,+ ina ia ou folafola atu le tala lelei iā te ia i nuu ese,+ ae ou te leʻi alu loa e fesili atu i se isi tagata mo ni fautuaga.+ 17  Ou te leʻi alu foʻi i Ierusalema iā i latou o ē na muamua avea ma aposetolo iā te aʻu,+ ae na ou alu atu i Arapi, ma toe foʻi mai ai i Tamaseko.+ 18  Ina ua mavae le tolu tausaga, ona ou alu aʻe lea i Ierusalema+ e asiasi iā Kefa,+ ma na ma nonofo ai mo le sefulu lima aso. 19  Ae ou te leʻi vaai i se isi o le ʻauaposetolo, e na o Iakopo+ le uso+ o le Alii. 20  O mea ua ou tusi atu ai iā te outou, faauta! ou te lē pepelo i le silafaga a le Atua.+ 21  Mulimuli ane, ona ou alu+ atu lea i nuu o Suria ma Kilikia. 22  E leʻi vāai lava iā te aʻu faapotopotoga i Iutaia, ia ua autasi iā Keriso;+ 23  ae na ona latou faalogo e faapea: “O le tagata lea na matuā sauā+ muamua iā i tatou, o loo ia folafola atu nei le tala lelei o le faatuatua na ia muaʻi faataugāina.”+ 24  Ona latou faamamaluina+ lea o le Atua ona o aʻu.

Faamatalaga Pito i Lalo