Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Isaia 9:1-21

9  Peitaʻi, o le a lē pei le pōuliuli o le taimi muamua ina ua faaleagaina e se tasi le laufanua o Sepulona, ma le laufanua o Nafatali+ ina ua puapuagatia le laueleele. Ae i se taimi mulimuli ane ona faamamaluina+ ai lea e se tasi; o le auala e agaʻi i le sami, o le vaipanoa foʻi o Ioritana, o Kalilaia ua nofoia e tagata o nuu ese.+  Ua vaaia e tagata o ē ua savavali i le pōuliuli le malamalama tele.+ A o i latou ua nonofo i le laueleele ua pogisa+ tele, ua susulu atu iā i latou le malamalama.+  Ua e faatoʻateleina le nuu;+ auā ua e faateleina le olioli i le nuu.+ Ua latou olioli i ou luma e pei ona olioli i le taimi o le seleselega,+ e pei o le olioli o i latou o ē o loo vaevaeina le vete.+  Auā ua e gausia le amo+ o la latou avega ma le tootoo i luga o o latou tauʻau, atoa ma le laau a lē e faamalosia i latou e faia galuega+ e pei ona sa faia i le aso o Mitiana.+  Auā o seevae uma o ē e savavali ma le paʻō+ ma ofu uma ua lilo i le toto, e susunuina ia mea e fai ma fafie o le afi.*+  Auā ua fanau mai mo i tatou le tama,+ ua foaʻiina mai mo i tatou le atalii;+ ma o le a i luga o lona tauʻau+ le pulega a se perenise. O le a faaigoa o ia o le Faufautua Sili,+ o le Atua Malosi,+ o le Tamā o le Faavavau,+ ma le Perenise o le Filemu.+  E leai se mea e gata+ mai ai le tele o lana pulega+ o se perenise atoa ma le filemu, i le nofoālii o Tavita+ ma lona malo ina ia faamausalīina ma faatumauina+ ai i le faamasinotonu+ ma le amiotonu,+ e afua mai i ia ona aso e oo i le faavavau. E faia lenei mea i le maelega o Ieova o ʻau.+  Ua oo mai foʻi le afioga a Ieova faasaga iā Iakopo ma ua paʻū i luga o Isaraelu.+  E iloa foʻi e le nuu lenei mea, o i latou uma,+ o Efaraima ma ē o loo nonofo i Samaria,+ ma ona o lo latou faualuga ma lo latou loto faasausili ua latou faapea atu:+ 10  “Ua solo i lalo piliki, ae e matou te fausia i maa na tipi.+ Ua tātuu i lalo laau o le sukamoru,+ ae e matou te suia i laau o le arasi.” 11  E tuu e Ieova fili o Resina e matuā tetee atu iā te ia, ma e na te faaoso i fili o lea tagata,+ 12  O Suria mai i sasaʻe+ ma Filisitia mai i sisifo,+ ma o le a faamaga o latou gutu+ ma ʻai Isaraelu. Ona o nei mea uma, e leʻi liliuese ai lona toʻasā, ae ua faaloaloa atu pea lona aao.+ 13  E leʻi toe foʻi le nuu i Lē na taia i latou,+ ma latou te leʻi saʻili atu foʻi iā Ieova o ʻau.+ 14  O le a vavaeeseina e Ieova i le aso e tasi mai i Isaraelu o ulu+ ma siʻusiʻu,+ o tātupu ma vao ʻutuʻutu.+ 15  O le ulu, o le toeaina lea ua faaaloalogia,+ a o le siʻusiʻu, o le perofeta lea e na te avatua aʻoaʻoga pepelo.+ 16  O ē ua taʻitaʻia lenei nuu, o i latou ia ua māfua ai ona fesēaʻi le nuu;+ ma o i latou ua taʻitaʻiina, o i latou ia ua fenuminumiaʻi.+ 17  O le mea lea e lē fiafia ai Ieova e oo lava i o latou tauleleʻa,+ e lē alofa mutimutivale foʻi o ia i tama ua leai ni tamā ma fafine ua oti a latou tane; auā ua fulitua+ i latou uma i le mea moni ma faia amioga leaga, ua tautatala foʻi o latou gutu i mea valea. Ona o nei mea uma, e leʻi liliuese ai lona toʻasā, ae ua faaloaloa atu pea lona aao.+ 18  Ua sasao e pei o le afi+ le amioleaga; e mū ai vao tuitui ma vao leaga.+ E mū ai foʻi vao putuputu i le vaomatua,+ ma e lelea i luga e pei o le alu aʻe o le asu.+ 19  Ua mū le laueleele i le maʻemaʻeā o Ieova o ʻau, ma e faia foʻi tagata e pei o fafie o le afi.*+ E lē toe faaalia e se tasi le alofa e oo lava i lona uso.+ 20  E vavae e se tasi se mea i le itu taumatau ae e fia ʻai pea; ma e ʻai foʻi le isi i le itu tauagavale ae e lē maʻona lava.+ E taʻitasi ma ʻai le aano o lona lava lima,+ 21  e ʻaina Efaraima e Manase, e ʻaina foʻi Manase e Efaraima. E aufaatasi i laʻua e faasagatau iā Iuta.+ Ona o nei mea uma, e leʻi liliuese ai lona toʻasā, ae ua faaloaloa atu pea lona aao.+

Faamatalaga Pito i Lalo

I le gagana Eperu, “e fai ma meaʻai a le afi.”
Tagaʻi i le faamatalaga pito i lalo o le Isa 9:5.