Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 7:1-25

7  O aso o Aasa+ le atalii o Iotama le atalii o Usia, le tupu o Iuta, na ō aʻe ai Resina+ le tupu o Suria ma Peka+ le atalii o Remalia le tupu o Isaraelu, e tau ma Ierusalema ae ua lē mafai ona faatoʻilaloina.+  Ua taʻu atu foʻi i le aiga o Tavita e faapea: “Ua faalagolago Suria iā Efaraima.”+ Ona gatete ai lea o lona loto ma loto o ona tagata, e pei o le lūlūina o laau o le vaomatua ona o le matagi.+  Ona fetalai mai lea o Ieova iā Isaia: “Faamolemole, ia ō atu e faafeiloaʻi Aasa, o oe ma Sarasopa*+ lou atalii, i le mea e gata mai ai le alāvai+ o le faatanoa i luga, i tala ane o le ala tele i le fanua o le tagata tā ofu.+  E ao ona e fai atu iā te ia, ‘Ia e vaavaai oe lava ma aua neʻi popole.+ Aua e te fefe, ma aua neʻi palaai lou loto+ ona ua pei i laʻua o ni motumotu o loo asuasu, ona o le ita o Resina le tupu o Suria ma le atalii o Remalia,+  talu ai ua taupulepule Suria ma Efaraima ma le atalii o Remalia ina ia fai se mea leaga iā te oe, e faapea:  “Ia tatou ō aʻe e faasagatau iā Iuta ma matuā faatamaʻia ma osofaʻia, ona avea lea mo i tatou lava; ia tatou faia foʻi se isi tupu e nofotupu i Iuta, o le atalii o Taveele.”+  “ ‘O le fetalaiga lenei a le Alii Pule Silisili Ese o Ieova: “E lē tū lea fuafuaga pe taunuu foʻi.+  Auā o le ulu o Suria o Tamaseko, o le ulu foʻi o Tamaseko o Resina; o le a nutililiia Efaraima ma lē toe avea o se nuu ae e leʻi atoa le ono sefulu lima tausaga.+  O le ulu o Efaraima o Samaria,+ o le ulu o Samaria o le atalii o Remalia.+ Afai tou te lē faatuatua, ona lē umi lea ona tumau o outou.” ’ ”+ 10  Ua toe fetalai mai Ieova iā Aasa e faapea: 11  “Ia e talosaga atu mo se faailoga mai iā Ieova lou Atua,+ ia faia ia loloto e pei o le Tuugamau* pe faia ia maualuga e pei o mea maualuluga.” 12  A ua faapea atu Aasa: “Ou te lē talosaga atu, ou te lē tofotofo foʻi iā Ieova.” 13  Ona faapea atu lea o le perofeta: “Le aiga o Tavita e, faamolemole ia faalogo mai. Po o se mea faatauvaa ea lo outou faavaivaia o tagata, ma outou faavaivai ai foʻi i loʻu Atua?+ 14  O le mea lea o le a avatu ai e Ieova iā te outou se faailoga: Faauta! O le a tō+ le tamaʻitaʻi+ ma fanau mai se tama tama,+ ma o le a ia faaigoa iā te ia o Emanuelu.* 15  E ʻai e ia le pata ma le meli i le taimi e na te iloa ai ona tetee atu i le leaga ma filifili i le lelei.+ 16  Auā a o leʻi iloa e le tama ona tetee atu i le leaga ma filifili i le lelei,+ o le a faagaogaoina lava le laueleele o tupu e toʻalua ia ua e matuā fefe i ai.+ 17  O le a aumaia e Ieova faasaga iā te oe+ ma faasaga i lou nuu ma faasaga foʻi i le aiga o lou tamā, o aso e leʻi faapea ona oo mai talu mai le aso na vavaeese ai Efaraima mai iā Iuta,+ o le tupu lea o Asuria.+ 18  “O lea aso, o le a tuufaaili ai Ieova i lago o loo i mea mamao o alāvai o le Naila i Aikupito, ma pi+ o loo i le laueleele o Asuria,+ 19  ma o le a latou ō mai, o i latou uma ma nonofo i vanu e pei o ni tofē ua iai ālia, ma māvaevae o papa, ma laau tuitui uma ma nofoaga ua iai vai.+ 20  “O lea aso, o le a tafi ai e Ieova le ulu ma fulufulu o vae, e oo foʻi i le ʻava o le a seleina,+ e ala i se tafi ua totogiina i le vaipanoa o iai le Vaitafe,+ o le tupu lea o Asuria.+ 21  “O lea aso, o le a faasaoina ai e se tagata se tamaʻi povi fafine o le lafu, ma ni mamoe se lua.+ 22  O lea aso, ona o le anoanoaʻi o le suāsusu, o le a ʻai ai e ia le pata; auā o le a aai e tagata uma e totoe i le atunuu le pata ma le meli.+ 23  “O lea aso, o le a iai na o vao tuitui ma vao leaga i nofoaga uma sa iai vine e afe, e tusa lona tau ma tupe siliva+ e afe.+ 24  O le a alu atu le tagata i inā ma le aū ma le ʻaufana,+ auā o le a tumu le atunuu i vao tuitui ma vao leaga. 25  O mauga uma sa masani ona faamamā ese ai le vao leaga i le suō, e te lē alu atu ai i inā ona o le mataʻutia o vao tuitui ma vao leaga; o le a avea lava ma nofoaga e tataa ai povi poʻa ma laueleele e soli e mamoe.”+

Faamatalaga Pito i Lalo

O lona uiga, “o le a toe foʻi se vaega totoe.”
Tagaʻi i le Faaopoopoga e 6.
O lona uiga, “Ua iā i Tatou le Atua.” Tagaʻi i le Mat 1:23.