Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 65:1-25

65  “Ua ou tuua aʻu e saʻilia+ e i latou o ē e lē o fesili mai mo aʻu.+ Ua ou tuua aʻu e maua e i latou o ē e lē o saʻili mo aʻu.+ Ua ou faapea atu i se nuu e lē o valaau i loʻu igoa,+ ‘O aʻu lenei,+ o aʻu lenei!’  “O le aso atoa ua faaloaloa ai oʻu lima i le nuu lotomaaa,+ o ē e savavali i le ala e lē lelei,+ ma ua mulimuli i o latou lava manatu:+  o le nuu ua faia aʻe i ē e faatigā+ mai pea i oʻu luma, ua faia taulaga i togālaau+ ma faamū+ taulaga i luga o piliki,  ua latou nonofo i fanuatanu,+ o ē e faaalu le pō i tamaʻi fale e leoleo ai, ma aai i aano o puaa,+ e oo foʻi i le sua o mea leaga+ ua iai i a latou ipu;  o i latou foʻi ua faapea ane, ‘Ia e nofo pea i inā. Aua e te faalatalata mai iā te aʻu, auā afai e te faia faapea e oo atu loʻu paia iā te oe.’+ O le asu i oʻu pogaʻiisu ia tagata,+ o se afi e mumū i le aso atoa.+  “Faauta! Ua tusia i oʻu luma.+ Ou te lē filemu pea,+ ae ou te taui atu;+ ou te avatu le taui i o latou lava fatafata,+  mo a latou lava mea sesē ma mea sesē a o latou augātamā i le taimi e tasi,”+ ua fetalai mai ai Ieova. “Talu ai ua latou faamū taulaga i luga o mauga, ma ua latou faalumaina+ aʻu i luga o aʻega,+ e muamua ai lava ona ou fuaina atu o latou totogi i o latou lava fatafata.”+  O le fetalaiga lenei a Ieova: “E pei ona maua o le uaina+ fou i fuifui vine ma e faapea mai se tasi, ‘Aua le faatamaʻiaina,+ ona e iai le faamanuiaga i lea mea,’+ e faapea foʻi ona ou faia ona o aʻu auauna ina neʻi faatamaʻia i latou uma.+  O le a ou aumaia mai iā Iakopo se fanau,+ ma e mai iā Iuta o ē e fai mo i latou oʻu mauga;+ e fai ma tofi mo ē ua ou filifilia,+ e nonofo ai foʻi aʻu auauna i inā.+ 10  E fai Sarona+ ma laufanua e aai ai mamoe,+ e fai foʻi fanua laugatasi o Akori+ ma mea e mālōlō ai povi, o se nofoaga foʻi mo loʻu nuu o ē ua saʻili mo aʻu.+ 11  “A o outou o ē ua tuua Ieova,+ o ē ua faagaloina loʻu mauga paia,+ o ē ua laulauina se laulau mo le atua o le Laki+ ma i latou foʻi o ē e faatumuina le ipu i le uaina ua suia mo le atua o Iʻuga Tuupōina.+ 12  O le a ou tuu atu outou i le pelu,+ ma e ifo atu outou uma ina ia fasiotia;+ talu ai na ou valaau+ atu ae e tou te leʻi tali mai; na ou tautala atu ae e tou te leʻi faalogo mai;+ ma ua outou faia pea mea e leaga i laʻu vaai,+ ma na outou filifilia le mea ou te lē fiafia i ai.”+ 13  O le mea lenei ua fetalai mai ai le Alii Pule Silisili Ese o Ieova: “Faauta! E aai aʻu auauna,+ a o outou e tou te fia aai.+ E feinu aʻu auauna,+ a o outou e tou te fia feinu.+ E fiafia aʻu auauna,+ a o outou e tou te māsiasi.+ 14  Faauta! O le a alalaga aʻu auauna i le fiafia ona o le lelei o o latou loto,+ a o outou e tou te tagiauē ona o le tigā o le loto, ma e tou te ōi foʻi ona o le matuā mafatia tele o le agaga.+ 15  E tou te tuu atu foʻi o outou igoa e faia ai tautoga* e oʻu tagata ua filifilia, e tuuina atu foʻi e le Alii Pule Silisili Ese o Ieova outou taʻitoʻatasi i le oti,+ ae o le a ia faaigoa ana auauna i se isi igoa;+ 16  o so se tasi e faamanuia iā te ia lava i le lalolagi, e faamanuia iā te ia e ala i le Atua faamaoni,+ o se tasi foʻi e na te faia se tautoga i le lalolagi, e tautō i le Atua faamaoni;+ auā o le a galo mafatiaga na iai muamua ma o le a natia ia mea mai i oʻu luma.+ 17  “Auā foʻi o loo oʻu faia le lagi fou+ ma le lalolagi fou;+ e lē toe manatua mea sa iai muamua,+ e lē toe alu aʻe foʻi i le loto.+ 18  Ae ia outou olioli+ ma fiafia e faavavau i mea o loo oʻu faia.+ Auā o loo oʻu faia Ierusalema ma mea e fiafia ai, e fai foʻi ona tagata ma mea e olioli ai.+ 19  O le a ou olioli iā Ierusalema ma ou fiafia i loʻu nuu;+ e lē toe lagonaina foʻi iā te ia le leo o le tagiauē po o le leo o le tagi faanoanoa.”+ 20  “O le a lē toe iai i lea mea se pepe e susu e ola mo na o ni nai aso,+ po o se toeaina e lē atoa ona aso;+ auā e oo foʻi i le tagata, e oti ua selau ona tausaga a o talavou lava; a o le tagata ua agasala e ui ina selau ona tausaga e faamalaiaina o ia.+ 21  O le a latou fausia fale ma nonofo ai;+ e latou te totō foʻi togāvine ma latou aai i ona fua.+ 22  O le a latou lē fausia ae e nonofo ai isi; o le a latou lē totō ae e aai ai isi. Auā e pei o le umi o aso o le laau o aso o loʻu nuu;+ ma o le a matuā fiafia uma oʻu tagata ua filifilia i galuega a o latou lima.+ 23  O le a lē galulue fua i latou,+ pe fananau mai ma tupu ai ni mala;+ ona o i latou o le fanau ua faia aʻe i ē ua faamanuiaina e Ieova,+ faatasi ma o latou tupuaga.+ 24  A o leʻi valaau mai lava i latou, ou te tali atu;+ a o latou tautatala mai, ou te faalogo atu lava.+ 25  “E aai faatasi le luko+ ma le tamaʻi mamoe,+ e ʻaina vao mago e le leona e pei o le povi poʻa;+ a o le gata e fai ma ana meaʻai le efuefu.+ E lē faia e ia meaola se mea leaga+ pe faaleagaina foʻi se mea i loʻu mauga paia,”+ ua fetalai mai ai Ieova.

Faamatalaga Pito i Lalo

O lona uiga o se fetuu.