Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 64:1-12

64  E maʻimau pe ana e saeia lagi ma e afio ifo,+ ma galulu ai mauga ona o oe,+  e pei o le afi e mū ai vao iti, ma le afi e pupuna ai le vai ina ia faailoa atu ai lou suafa i ou fili+ ma e atuatuvale foʻi atunuu ona o oe!+  Na e faia mea mataʻutia+ e lē mafai ona matou faamoemoe i ai. Na e afio ifo ma galulu mauga ona o oe.+  E leai se tasi na faalogo talu mai taimi ua mavae,+ e leʻi faalogo taliga, pe vāai mata i se Atua sei vaganā ai oe,+ o lē e gaoioi mo lē e faatalitali atu pea iā te ia.+  Ua lua feiloaʻi ma lē e olioli ma faia le amiotonu,+ o ē e manatua pea oe ma tausia ou ala.+ Faauta! Ua e toʻatamaʻi+ a o matou agasala+ pea i se taimi umi, pe e tatau ea ona faaolaina i matou?+  Ua avea i matou uma e pei o sē ua lē mamā, ma o a matou gaoioiga uma o le amiotonu, ua pei o se ofu i le taimi o le maʻi masina;+ e mou atu i matou uma e pei o lau o laau,+ ma o le a aveesea i matou e a matou mea sesē e pei ona aveesea o mea e le matagi.+  Ua leai se isi e valaau i lou suafa,+ ua leai foʻi se isi e faamalosi iā te ia lava e saʻili atu iā te oe; auā ua e natia ou fofoga mai iā i matou,+ ma ua e faaliusuavaia+ i matou ona o le malosi o a matou mea sesē.  O lenei Ieova e, o oe o lo matou Tamā.+ O i matou o omea,+ a o oe o lo matou Fai Ipu Omea;+ o le galuega a ou aao i matou uma.+  Ieova e, aua e te matuā toʻatamaʻi,+ aua foʻi e te manatuaina e faavavau a matou mea sesē.+ Faamolemole, seʻi e silasila mai, o lou nuu i matou uma.+ 10  Ua avea ou aai paia+ ma toafa. Ua fai foʻi Siona+ ma toafa, ma ua faagaogaoina Ierusalema.+ 11  O lo matou fale e paia ma matagofie,+ lea na vivii atu ai iā te oe o matou augātamā,+ ua avea ma mea e susunu i le afi;+ ma ua faatafunaina a matou mea tāua uma lava.+ 12  Ieova e, po o le a faatuai pea ona e faia se gaoioiga i ia mea?+ Po o le a e nofo filemu ea ma tuu ai pea i matou e matuā faapuapuagatiaina?+

Faamatalaga Pito i Lalo