Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 58:1-14

58  “Ia alaga leotele ae aua le leo laʻitiiti; aua foʻi le taofiofia.+ Ia e leotele e pei o se pū ma taʻu atu i loʻu nuu lo latou fouvale,+ ma taʻu atu foʻi i le aiga o Iakopo a latou agasala.  Ae ua latou saʻili mai iā te aʻu i lea aso ma lea aso, ua masani ona latou fiafia i le iloaina o oʻu ala,+ e pei o se nuu ua faia pea le amiotonu ma ua lē tuua le faamasinotonu a lo latou Atua,+ lea ua latou talosaga mai ai pea iā te aʻu mo le faamasinogatonu, ma faalatalata atu i le Atua ua latou fiafia i ai,+  “ ‘Aiseā ua matou anapopogi ai ae e te lē o silasila mai,+ ma ua matou faapuapuagatia+ i matou ae e te lē ano mai?’+ “E moni ua outou fiafia i le aso o la outou anapogi, a ua outou faamalosia pea ona faafaigaluega a outou tagata faigaluega.+  Ioe ua outou anapopogi ina ia femisaaʻi ma fefinauaʻi+ ai, ma tuʻi ai i le lima e fai ai le amioleaga.+ Pe tou te leʻi anapopogi ea ma manatu o le taimi lea o le a faalogoina ai o outou leo i le mea maualuga?  Pe e tatau ona faapena le anapogi na ou filifilia, e pei o se aso e faapuapuagatia ai e le tagata o ia lava?+ E punou ea lona ulu e pei o vao ʻutuʻutu, ma ia fofola le ʻie talatala ma le lefulefu e fai ma ona moega?+ Po o le mea ea lenei ua outou taʻua o le anapogi ma le aso e talileleia ai e Ieova?+  “Pe e lē o le anapogi ea lenei na ou filifilia? Ina ia tatala fusi na faia i le amioleaga,+ ia tatala ai foʻi noataga o le amo,+ ma faasaʻoloto ai o ē ua nutimomoia,+ ma ia outou gauluaina ai amo uma?+  Pe e lē o lenei ea, o le vaevaeina o au meaʻai i lē ua fia ʻai,+ ma e aumaia i lou fale o ē ua puapuagatia ma ē ua leai se mea e nonofo ai?+ Afai foʻi e te vaai atu i se isi e lē lavalavā, ia e faaofu iā te ia,+ ma aua e te lafi mai i tagata o lou lava aiga?+  “O le mea lea, e pupula mai ai lou malamalama e pei o le tafa mai o ata;+ ma e vave foʻi ona toe faafoʻisia lou malosi.+ E savali lau amiotonu i ou luma;+ o le mamalu o Ieova e muliʻau iā te oe.+  Ona o lenā tulaga e te valaau atu ai ona tali mai lea o Ieova; e te alaga atu mo se fesoasoani,+ ona faapea mai lea o ia, ‘O aʻu lenei!’ “Afai e te aveesea mai iā te oe le amo,+ o le tusitusilima+ ma le tautala i mea e faatigā;+ 10  ma avatu i lē fia ʻai le mea foʻi lea e te fiafia i ai,+ e te faamalieina le ola o lē ua puapuagatia, ona alu aʻe lea o lou malamalama i le pōuliuli ma e pei lou pogisa o le tutonu o le lā.+ 11  O le a taʻitaʻiina+ pea oe e Ieova+ ma faamalieina oe e oo lava i le laueleele ua leai ni vai,+ ma o le a ia faamalosia ou ivi;+ e avea foʻi oe e pei o le togālaau+ ua faasūsūina lelei, e pei foʻi o puna o vai, o vai e lē uma. 12  Ona o lau faatonuga o le a toe atiaʻe ai e tagata mea na faatafunaina i aso ua leva;+ e te faatūina foʻi faavae ua faaleagaina i le tele o tupulaga.+ O le a taʻua oe o lē e toe faaleleia mea ua solo,+ o lē e faafouina ala i mea e nonofo ai. 13  “Afai e te tuua ou ala ona o le sapati, ma lē faia ai lou lava loto i loʻu aso paia,+ ma taʻua ai le sapati o se mea e matuā fiafia i ai, o le aso paia iā Ieova, e mamalu,+ ma e faamamaluina nai lo o le faia o ou lava ala, nai lo o le saʻilia foʻi o le mea e te fiafia i ai ma tautala i upu lē aogā; 14  ona e matuā fiafia ai lea iā Ieova,+ ma ou te faatiʻetiʻe oe i luga o mea maualuluga o le lalolagi;+ ou te fafaga foʻi iā te oe mai i le tofi o Iakopo lou tamā,+ auā ua fetalai mai ai le fofoga o Ieova lava ia.”+

Faamatalaga Pito i Lalo