Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 55:1-13

55  O outou uma o ē o fia feinu!+ Inā ō mai ia i le vai.+ O i latou foʻi e leai ni tupe! Inā ō mai ia e faatau ma aai.+ Ioe, inā ō mai e faatau le uaina+ ma le susu+ e tusa lava pe e leai se tupe ma e leai foʻi se tau e faatau ai.+  Aiseā ua outou totogi atu ai pea tupe i mea e lē o ni meaʻai, ma aiseā foʻi ua outou galulue mamafa ai ae e lē o faamalieina ai outou?+ Ia faalogo lelei mai iā te aʻu, ma aai i mea lelei,+ ma ia matuā fiafia o outou loto i mea lololo.+  Inā uaʻi mai ia o outou taliga+ ma ō mai iā te aʻu.+ Inā faalogo mai ia ma outou feola ai pea,+ o le a ou osia ma outou se feagaiga+ e tumau e faavavau, e tusa ai ma faaaliga o le alofa faamaoni iā Tavita e moni lava.+  Faauta! Ua ou avatu+ o ia e fai ma molimau+ i nuu,+ e fai foʻi ma taʻitaʻi+ ma taʻitaʻiʻau+ i nuu.  E te valaau+ atu foʻi i se nuu e te leʻi iloa, ma e taufetuli mai iā te oe se nuu o ē e leʻi iloa oe,+ ona o Ieova o lou Atua,+ ma o Lē e Paia o Isaraelu,+ auā e na te faamatagofieina oe.+  Ia outou saʻili atu iā Ieova manū o maua o ia.+ Ia valaau atu iā te ia manū o latalata mai o ia.+  Ia lafoaʻi e le tagata amioleaga lona ala,+ ia lafoaʻi foʻi e le tagata faufau leaga ona manatu;+ ma ia foʻi mai o ia iā Ieova, o lē e alofa mutimutivale iā te ia,+ ma lo tatou Atua, auā e na te matuā faamagaloina lava.+  “Auā o o outou manatu e lē o oʻu manatu ia,+ o oʻu ala foʻi, e lē o outou ala ia,”+ ua fetalai mai ai Ieova.  “Auā e pei ona maualuga o le lagi i le lalolagi,+ e faapena ona maualuga o oʻu ala i o outou ala,+ ma oʻu manatu i o outou manatu.+ 10  Auā e pei ona totō ifo o le timu ma le kiona mai i le lagi, ma lē toe foʻi atu i ai, seʻiloga ua matuā faasūsūina le laueleele e faatupu ai laau ma fua mai,+ e maua foʻi fatu e lē e lūlū fatu ma le falaoa e lē e ʻai ai,+ 11  e faapea foʻi laʻu upu e alu atu mai i loʻu gutu.+ E lē foʻi fua mai iā te aʻu,+ ae e faia le mea ou te fiafia i ai,+ e taulau foʻi e tusa ma le mea na ou auina atu ai.+ 12  “Auā o le a ō atu outou ma le olioli,+ ma o le a toe aumaia outou ma le filemu.+ O le a olioli mauga ma aʻega i o outou luma i le alaga fiafia,+ e patipati foʻi lima o laau i le fanua.+ 13  E tupu aʻe le laau o le perosi i le mea na iai laau tuitui.+ E tupu aʻe foʻi le laau o le atasi i le mea na iai laau matuitui.+ E avea ma se mea taʻutaʻua mo Ieova,+ o se faailoga i aso uma,+ ia e lē mavae atu.”

Faamatalaga Pito i Lalo