Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 54:1-17

54  “Inā alaga fiafia ia oe le fafine pā sa lē fanau!+ Inā olioli ia ma alaga fiafia ma ia alaga leotele,+ o oe le fafine e leʻi tigā i le tigā a fanau,+ auā e toʻatele atu le fanau a lē ua tuulafoaʻiina nai lo o le fanau a le fafine ua iai lana tane,”+ ua fetalai mai ai Ieova.  “Ia faalautele atu le mea e tū ai lou faleʻie.+ Ia fālō ʻie o lou faleʻie paia sili. Aua e te faaitiitia. Ia faauumi maea o lou faleʻie ma ia malolosi au pine o le faleʻie.+  Auā e te oso atu i le itu taumatau ma le itu tauagavale,+ ma o le a fai ma lau fanau atunuu,+ e latou te nofoia aai ua faatafunaina.+  Aua e te fefe,+ auā e te lē māsiasi;+ aua foʻi e te mā, auā e te lē lagona le lototigā.+ O le a galo iā te oe le mā i le taimi o lou teine muli,+ ma e te lē toe manatua le faalumaina o lou nofo pea o se fafine ua oti lana tane.”  “Auā o Lē Silisili na faia oe+ o lau tane lea,+ o Ieova o ʻau lona igoa;+ o Lē e Paia o Isaraelu o Lē na toe faatauina oe.+ E taʻua o ia o le Atua o le lalolagi uma.+  Auā na valaau Ieova iā te oe e pei oe o se avā ua tuulafoaʻiina ma ua tigā lou loto,+ e pei foʻi o sē na avea ma avā a o teine muli+ ae e mulimuli ane tuulafoaʻiina,”+ ua fetalai mai ai lou Atua.  “Auā na ou tuulafoaʻiina oe mo sina taimi,+ ae o le alofa mutimutivale tele o le a ou faapotopotoina faatasi mai ai oe.+  O le sasaaina atu o loʻu ita na ʻalo ai oʻu mata mai iā te oe mo sina taimi,+ ae o le a ou alofa mutimutivale iā te oe, i le alofa faamaoni i aso uma lava,”+ ua fetalai mai ai Ieova o Lē e toe faatauina mai oe.+  “Ua pei lenei mea iā te aʻu o aso o Noa.+ E pei ona ou tautō atu e lē toe lofia le lalolagi i vai e pei o aso o Noa,+ ua faapena foʻi ona ou tautō atu ou te lē toe ita iā te oe pe aʻoaʻi malosi iā te oe.+ 10  Auā e mafai ona aveesea mauga, ma maluelue aʻega,+ ae e lē aveesea loʻu alofa faamaoni mai iā te oe,+ pe maluelue foʻi laʻu feagaiga o le filemu,”+ ua fetalai mai ai Ieova o Lē e alofa mutimutivale iā te oe.+ 11  “Le fafine mafatia e,+ ua afātia,+ ua lē faamāfanafanaina,+ o lenei ua atiaʻe ou maa i le paluga e sosoo ai maa,+ ma ou te faia lou faavae+ i safaira.+ 12  O le a ou faia tumutumu o ou ʻolo i maa tāua lanu mūmū,+* ma ou faitotoʻa i maa tāua e fepulafi e pei o le afi, ma ou tuaoi uma i maa tāua matagofie. 13  E aʻoaʻoina e Ieova+ lau fanau uma,+ ma e matuā tele lava le filemu o lau fanau.+ 14  O le a faatumausalīina oe i le amiotonu.+ O le a mamao oe mai i sauāga,+ auā e te lē fefe i se isi, ma e mamao foʻi oe mai i soo se mea e mataʻu tele ai, auā e lē faalatalata mai iā te oe.+ 15  Afai ae osofaʻia oe e se isi, e lē ona o saʻu faatonuga.+ O so o se isi e osofaʻia oe o le a paʻū lava ona o oe.”+ 16  “Faauta! O aʻu lava ua foafoaina le tufuga, o lē e tapili+ le afi ua faia i malala+ ola ma fausia se auupega i lana galuega. O aʻu foʻi ua ou faia lē na te faatafunaina,+ na te faaumatia. 17  O so o se auupega ua faia e faasagatau iā te oe e lē manuia,+ ma o so o se laulaufaiva e tetee atu iā te oe i le faamasinoga e te taʻusalaina.+ O le tofi lenei o auauna a Ieova,+ ma o la latou amiotonu e mai iā te aʻu,” ua fetalai mai ai Ieova.+

Faamatalaga Pito i Lalo

E taʻua i le faa-Peretania o le ruby.