Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 52:1-15

52  Ia ala mai ia, inā ala mai ia, Siona e, inā ofu ia i lou malosi!+ Ierusalema e, le aai paia+ ia e ofu i ou ofu matagofie!+ Auā o le a lē toe sau iā te oe lē ua lē peritomeina ma lē ua lē mamā.+  Ierusalema e, ia e tafiese le pefu+ mai iā te oe, inā tulaʻi ia ma nofo i se nofoa. Le tama fafine a Siona e, o lē ua nofo pagota, inā tatala ia noanoataga mai i lou ua.+  Auā ua faapea ona fetalai mai o Ieova: “Na faatauina atu outou ae e leai se tupe na maua mai ai,+ ma o le a toe faatauina mai outou e aunoa ma se tupe e alu ai.”+  Auā ua faapea ona fetalai mai o le Alii Pule Silisili Ese o Ieova: “O Aikupito na ō ifo muamua i ai loʻu nuu ina ia aumau ai o ni tagata ese;+ ma na sauāina i latou e Asuria e aunoa ma se māfuaaga.”  Ua fetalai mai Ieova: “O lenei, o le ā se mea ou te faia e tusa ma lenei tulaga?” Ua toe fetalai mai Ieova: “Auā ua ave loʻu nuu e aunoa ma se tupe ua maua mai ai.+ Ua pisapisaō pea i latou ua pule iā i latou,+ ma ua faalumaina pea loʻu igoa i aso uma.+  Ona o lea mea, o le a iloa ai e loʻu nuu loʻu igoa,+ o le mea foʻi lea e iloa ai i lea lava aso, auā o aʻu o Lē o loo tautala atu.+ Faauta! O aʻu lava lenei.”  Maʻeu le matagofie i luga o mauga o vae+ o lē e aumaia le tala lelei,+ o lē e folafolaina atu le filemu,+ o lē e aumaia le tala lelei i mea e sili ona lelei,+ o lē e folafolaina atu le faaolataga,+ o lē ua faapea atu i Siona: “Ua fai lou Atua ma tupu!”+  Faalogo mai! Ua leotetele ou tagata vāai.+ Ua latou alalaga+ faatasi pea i le olioli; auā o le a latou vāai manino*+ pe a toe faapotopotoina mai e Ieova i latou i Siona.+  Ia fiafia, ia alalaga faatasi i le olioli outou laueleele ua faatafunaina o Ierusalema,+ auā ua faamāfanafanaina e Ieova lona nuu;+ ua ia toe faatauina mai Ierusalema.+ 10  Ua faailoa mai e Ieova lona aao paia i luma o atunuu uma;+ ma e vāai i ai tuluʻiga uma o le lalolagi i le faaolataga a lo tatou Atua.+ 11  Inā liliuese ia, ia liliuese, ia ō ese mai i inā,+ aua tou te papaʻi atu i se mea e lē mamā;+ ia ō ese mai i totonu iā te ia,+ ia outou tausisi i le mamā, o outou o ē e tauave ipu a Ieova.+ 12  Auā tou te lē ō ese ma le fefevale, e tou te lē sosola foʻi.+ Auā o le a afio Ieova i o outou luma+ ma e muliʻau foʻi le Atua o Isaraelu iā te outou.+ 13  Tagaʻi foʻi! O le a gaoioi laʻu auauna+ ma le tofā mamao.+ O le a maualuga lona tulaga ma e faasilisilia ma matuā faaeaina o ia.+ 14  E pei ona vaavaai atu ma le ofo le toʻatele iā te ia,+ auā na faaleagaina ona foliga+ e sili atu i lo o se isi tagata, atoa foʻi ma lona tino+ malualii e sili atu i lo o se isi atalii o tagata, 15  o le a faapena foʻi ona ia faateʻia le tele o atunuu.+ O le a punitia e tupu o latou lava gutu ona o ia,+ auā o mea e leʻi faamatalaina atu iā i latou, o le a latou vāaitino i ai, ma e ao foʻi ona latou manatunatu i mea e latou te leʻi faalogo i ai.+

Faamatalaga Pito i Lalo

Pe “e latou te faafesagaʻi lava” pe e “latou te vaai saʻo atu i mata o le isi.”