Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 51:1-23

51  “Ia faalogo mai iā te aʻu, outou o ē o loo tausisi atu i le amiotonu,+ o outou foʻi o ē o loo saʻili iā Ieova.+ Ia vāai atu i le papa+ na vane mai ai outou, ma le pū o le lua na eli mai ai outou.  Ia vāai atu iā Aperaamo+ lo outou tamā,+ ma Sara+ o lē na faasolosolo ona fanaua mai outou ma le tigā a fanau. Auā na toʻatasi o ia ina ua ou valaauina o ia,+ na ou faamanuia iā te ia ma faatoʻateleina o ia.+  O le a faamāfanafanaina e Ieova Siona.+ O le a faamāfanafanaina e ia o ana mea faatafunaina uma lava,+ ma o le a avea lona fanua valevalenoa e pei o Etena,+ ma lona fanua laugatasi o le toafa e pei o le faatoʻaga a Ieova.+ O le a maua e ia le olioli ma le fiafia, o le loto faafetai ma leo o pesega.+  “Oʻu tagata e, ia outou uaʻi mai iā te aʻu; loʻu nuu e,+ ia faalogo mai iā te aʻu. Auā o le a alu atu le tulafono mai iā te aʻu,+ ma ou te tuuina atu le iʻuga o laʻu faamasinoga e fai ma malamalama i le nuu.+  Ua lata mai laʻu amiotonu.+ O le a oo atu lava laʻu faaolataga,+ ma o oʻu lima o le a faamasino ai nuu.+ E faamoemoe+ motu iā te aʻu, e latou te faatalitali foʻi i loʻu lima.+  “Ia outou tetepa aʻe i le lagi,+ ma vāai i le lalolagi i lalo. Auā e nutililiia le lagi ma e mavae atu e pei o le asu,+ o le a pala foʻi le lalolagi e pei o le ofu,+ ma e feoti o ē e ʻaināina e pei o le namu. A o laʻu faaolataga, e tumau lea e faavavau,+ ma e lē nutililiia laʻu amiotonu.+  “Ia faalogo mai iā te aʻu o ē ua iloa le amiotonu, o ē ua iai laʻu tulafono i o latou loto.+ Aua le fefefe i le faalumaina mai i tagata, ma aua le matataʻu ona o a latou upu malolosi.+  Auā o le a ʻaina i latou e lelefua* e pei ona ʻaina o se ofu, o le a ʻaina foʻi i latou e lelefua ʻai ofu, e pei ona ʻaina o le fulufulu mamoe.+ A o laʻu amiotonu o le a tumau pea e oo i le faavavau, ma laʻu faaolataga i tupulaga e lē mafaitaulia.”+  Ala mai ia, inā ala mai ia, ia ofu oe i le malosi,+ le aao e o Ieova!+ Ia ala mai e pei o aso ua leva, e pei o aso o tupulaga ua mavae.+ Pe e lē o oe ea na nutililiia Raava,+ lea na tuia le meaola lapoʻa o le sami?+ 10  Pe e lē o oe ea na mātūtū ai le sami, o vai o le sami loloto?+ O lē foʻi na faia mea loloto o le sami, ma ala na sopoʻia e ē ua toe faatauina mai?+ 11  Ona toe foʻi lea o ē ua togiolaina o Ieova ma ō atu ma le alalaga fiafia i Siona,+ o le a iai foʻi le fiafia i luga o o latou ulu i aso uma.+ O le a maua e i latou le fiafia ma le olioli.+ O le a mou atu le faanoanoa ma le mapuitigā.+ 12  “O aʻu, o aʻu lava o Lē e faamāfanafana iā te outou.+ “O ai ea oe e te fefe ai i le tagata e oti,+ ma le atalii o le tagata o lē o le a iʻu ina avea ma vao muʻa?+ 13  O ai ea foʻi oe e te faagaloina ai Ieova o Lē na faia oe,+ o Lē na folasia le lagi+ ma tuuina le faavae o le lalolagi,+ ma e fefe ai pea i le aso atoa ona o le lotoa o lē na taofiofia oe,+ e pei ua sauni o ia e faaumatia oe?+ O fea le lotoa o lē o loo taofiofia oe?+ 14  “O lē o loo faanoʻunoʻu i filifili uʻamea o le a vave lava ona tatalaina o ia,+ ina neʻi oti o ia ma alu atu i le lua+ ma o le a lē matelāina foʻi o ia i le fia ʻai.+ 15  “A o aʻu, o Ieova o lou Atua, o Lē e faagaepu le sami ina ia ū mai ona galu.+ O lona igoa o Ieova o ʻau.+ 16  O le a ou tuu aʻu upu i lou gutu,+ ma ou ufiufia oe i le paolo o loʻu lima,+ ina ia faavaeina le lagi+ ma tuuina atu le faavae o le lalolagi+ ma fai atu iā Siona, ‘O loʻu nuu lava oe.’+ 17  “Ierusalema e, inā ala mai ia oe, inā ala ia oe, inā tulaʻi ia,+ o oe o lē na inu mai i le lima o Ieova i le ipu o lona toʻasā.+ Na e inuina uma le ipu uaina, o le ipu lea e tautevateva ai.+ 18  Ua leai se isi o lana fanau tama uma+ na ia fanaua na te taʻitaʻiina o ia, ua leai foʻi se isi o lana fanau tama uma na ia tausia e tago atu i lona lima.+ 19  O mea ia e lua ua oo iā te oe.+ O ai o le a tigā alofa iā te oe?+ O le faatafunaina, o le lepetia, o le fia ʻai, ma le pelu!+ O ai o le a faamāfanafana iā te oe?+ 20  Ua matapogia lau fanau tama.+ Ua latou taooto i le fetaulaʻiga o auala uma e pei o mamoe taaloa i le upega,+ o i latou ua oo i ai le toʻasā tele o Ieova,+ o le aʻoaʻiga malosi mai i lou Atua.”+ 21  O le mea lea, faamolemole inā faalogo mai ia i lenei mea, o oe le fafine e,+ o lē ua puapuagatia ma onā, ae e lē i le uaina.+ 22  O loo faapea ona fetalai mai lou Alii o Ieova, o lou Atua foʻi o lē o loo tau+ mo lona nuu: “Faauta! O le a ou aveesea mai i lou lima le ipu e tautevateva ai.+ E te lē toe inu lava i le ipu uaina, o le ipu o loʻu ita tele.+ 23  O le a ou tuu atu lea mea i lima o ē ua faatigā mai iā te oe,+ o ē na faapea mai iā te oe, ‘Inā punou ia i lalo ina ia matou sopoʻia atu ai,’ auā na masani ona fai lou papatua e pei o le eleele, e pei foʻi o le ala mo ē e savavali ai.”+

Faamatalaga Pito i Lalo

O “lelefua” e maua i Isaraelu. O se iniseti e fā ona apaʻau e tai pei o se pepe, ma a o leʻi oo ina maua ona apaʻau, e na te ʻatiʻatia lavalava o tagata.