Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 5:1-30

5  Faamolemole, seʻi oʻu pese atu se pese i laʻu pele e uiga i lana togāvine, o se pese e uiga i lē ua pele iā te aʻu.+ Na iai se togāvine a laʻu pele i luga o le aʻega o le laueleele e fua tele mai.  Na ia suatia le fanua ma aveese maa, ua ia totō ai vine mūmū e sili ona lelei, ma fausia ai se ʻolo i le ogatotonu.+ Na ia tāina foʻi se mea e soli ai vine.+ Na ia faamoemoe o le a fua mai ni fua lelei o le vine,+ ae na iʻu ina fua mai ai vine leaga.+  “O lenei, o outou o ē nonofo i Ierusalema ma outou o tagata o Iuta, faamolemole ia faamasino mai iā te aʻu ma laʻu togāvine.+  O le ā se mea e toe faia i laʻu togāvine ou te leʻi faia i ai?+ Aiseā foʻi na iʻu ina fua mai ai vine leaga, ae na ou faamoemoe e fua mai ai ni vine lelei?  A o lenei faamolemole, seʻi oʻu faailoa atu iā te outou le mea o le a ou faia i loʻu togāvine: O le a aveesea le pā laau,+ ma tuua ina ia susunuina.+ O le a soloia i lalo ona pā maa, ma e tuu ai foʻi le togāvine e solia.+  Ou te tuu ai e pei ua faaumatia.+ E lē teuina pe faamalūina le eleele.+ E tutupu aʻe faatasi ma vao tuitui ma vao leaga;+ ma ou te poloaʻi atu i ao ina ia aua neʻi totō ifo i ai se timu.+  Auā o le togāvine+ a Ieova o ʻau o le aiga lea o Isaraelu, ma o tagata foʻi o Iuta o lana faatoʻaga lea na ia fiafia i ai.+ Sa ia faamoemoe pea mo le faamasinotonu,+ faauta foʻi! o le solitulafono; sa ia faamoemoe mo le amiotonu, ae vaai foʻi! o le ōi.”+  Oi talofa i ē e faaopoopoina isi fale i o latou fale,+ ma i latou o ē e faaopoopo isi fanua i o latou fanua seʻia lē toe iai se mea,+ ma ua iʻu ina outou nonofo na o outou lava i le laueleele!  Na ou faalogo i le tautoga a Ieova o ʻau e faapea, o le tele o fale e ui ina tetelē ma lelei, o le a avea ma mea e ofo ai, ae e leai se tasi e nofo ai.+ 10  O le a fua mai e le sefulu eka+ o le togāvine e na o le tasi le paita*+ o uaina, o le a fua mai foʻi e le somera* e tasi o fatu, e na o fua e tusa ma le efa* e tasi.+ 11  Oi talofa iā i latou o ē e fealapō i le taeao ina ia saʻili tau lava o le ʻava malosi,+ o ē e inu pea seʻia oo i le afiafipō ma ua lē pulea a latou amio ona o le uaina!+ 12  E masani ona iai le kitara* ma le meafaifaaili e fai uaua, o le topa* ma le fagufagu atoa ma le uaina i a latou faigaʻai;+ ae latou te lē vaavaai i gaoioiga a Ieova, latou te leʻi vāai foʻi i galuega a ona aao.+ 13  O le mea lea, e ave faapagota ai loʻu nuu i se isi atunuu ona o lo latou lē iloaina o aʻu;+ o le a matelāina o latou tagata aloaʻia,+ ma e galala i le fia feinu o latou tagata.+ 14  O lea la, ua faalautele ai e le Tuugamau* o ia lava ma faamaga lona gutu e leai se mea e gata mai ai;+ o le a ō ifo i ai o ē maualuluga o i Ierusalema ma ona tagata e toʻatele ma le vāvāō ma le tagata aloaʻia.+ 15  O le a faamaulaloina le tamāloa, ma taʻu faatauvaaina le tagata, e oo lava i mata o ē e maualuluga o le a faamaulaloina.+ 16  O le a faasilisilia Ieova o ʻau e ala i le faaooina mai o faamasinoga,+ ma o le Atua moni, o Lē e Paia+ o le a faapaiaina e ia o ia lava e ala i le amiotonu.+ 17  E saʻoloto le aai a tamaʻi mamoe poʻa e pei o loo i o latou lava laufanua; e aai foʻi tagata ese i mea gaogao ia na nonofo muamua ai manu pepeti.+ 18  Oi talofa iā i latou ua latou toso le sesē i maea o le pepelo, ma toso foʻi le agasala e pei o maea o loo toso ai se taavale toso;+ 19  o i latou o ē o loo faapea ane: “Ia faavave lana galuega, ia vave ona oo mai, ina ia tatou vāai i ai; ma ia faalatalata mai le finagalo o Lē e Paia o Isaraelu ma oo mai lava, ina ia tatou iloa ai!”+ 20  Oi talofa iā i latou ua faapea mai e lelei le leaga, ma e leaga le lelei,+ o i latou ua suia le pogisa i le malamalama, ma le malamalama i le pogisa, o i latou ua suia le mea oona i le mea suamalie, ma le mea suamalie i le mea oona!+ 21  Oi talofa iā i latou o ē e popoto i o latou lava manatu, ma ua faautauta e tusa ma o latou lava taofi!+ 22  Oi talofa iā i latou o ē e inu tele i le uaina, ma tagata e malolosi i le suiina o le ʻava malosi,+ 23  o i latou e faapea e amiotonu ē e amioleaga ona o foaʻi e maua faaalatua,+ ma e aveesea ai le amiotonu a le tagata amiotonu mai iā te ia!+ 24  O lea, e pei ona ʻai e le afi le tagutugutu o laau+ ma goto ifo mutia mamago i le afi, e faapea foʻi ona pala o latou aa ma manogi leaga ai,+ o le a mamago o latou fuga ma lelea e pei o le pauta, ona ua latou teena le tulafono a Ieova o ʻau,+ ma lē āva i le afioga a Lē e Paia o Isaraelu.+ 25  O le mea lea ua matuā toʻasā ai Ieova i lona nuu, e na te faaloaloa ai lona aao faasaga iā i latou ma taia i latou.+ E gatete ai mauga,+ ma o le a pei o latou tino oti o ni otaota i le moa o le auala tele.+ Ona o nei mea uma, e leʻi liliuese ai lona toʻasā, ae ua faaloaloa pea lona aao. 26  Ua ia faatū se faailoilo i se atunuu malosi e mamao,+ ua ia tuufaaili atu iā te ia o lē o loo nofo i le tuluʻiga o le lalolagi;+ ma vaai foʻi! o le a faavavevave lava ona sau.+ 27  E leai se tasi o i latou e lē lavā pe tautevateva. E leai se tasi e tautulemoe, e leai foʻi se tasi e moe. E lē matala le fusi o loo fusi ai o latou puimanava, pe motu lua foʻi nonoa o o latou seevae; 28  auā ua uma ona faamaʻai a latou aū ma ua loloʻu a latou ʻaufana.+ O atigivae o a latou solofanua ua tutusa ma se maa malō,+ ma e pei o le matagi malosi uili o a latou kariota.+ 29  O lo latou tagi e pei o le leona, ma e latou te tagi e pei o leona taanoa.+ E latou te gū ma pupuʻe manu ma aumai ma le saogalemu, ma e leai se tasi e na te laveaʻiina.+ 30  O lea aso, o le a latou gū ai i na mea e pei o le gogolo o le sami.+ E vaai atu se tasi i le laueleele, faauta! ua iai le pogisa e puapuagatia ai;+ ua pogisa foʻi le malamalama ona o le toʻulu o le timu i le laueleele.

Faamatalaga Pito i Lalo

O le “paita” e tusa ma le 22 lita.
O le “somera” e pe ā ma le 220 lita.
O le “efa” e pe ā ma le 22 lita.
O se meafaifaaili anamua e ese mai i le kitara i aso nei. O le upu Peretania, o le harp.
O se meafaifaaili e tagitagi. O le upu Peretania o le tambourine.
Po o “Seoli,” e mai le upu Eperu sheʼohl′. Tagaʻi i le Faaopoopoga e 6.