Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 49:1-26

49  O outou motu e, inā faalogo mai ia iā te aʻu,+ ma outou nuu mamao e,+ inā uaʻi mai ia. Na valaauina aʻu e Ieova+ a o iai i le manava+ o loʻu tinā. Na ia taʻu loʻu igoa ae ou te leʻi fanau mai.+  Ua ia faia loʻu gutu e pei o le pelu maʻai.+ Ua ia natia aʻu i le paolo+ o lona aao.+ Ua faasolosolo ona ia olo aʻu ina ia avea ma se aū maʻai. Ua ia faalilo aʻu i lana taga e tuu ai aū.  Ua ia fetalai mai iā te aʻu: “Isaraelu e, o oe o laʻu auauna,+ o le a faaalia loʻu matagofie e ala iā te oe.”+  A o aʻu ua ou faapea ifo: “Ua ou galue fua.+ Auā ua alu uma loʻu malosi i mea e lē aogā ma le iʻuvale.+ E moni e faamasinoina aʻu e Ieova,+ ma o loʻu totogi ua i loʻu Atua lea.”+  A o lenei, ua fetalai mai Ieova o Lē na faia aʻu i le manava, e fai ma ana auauna,+ ia ou faafoʻisia Iakopo iā te ia+ ma faapotopoto Isaraelu iā te ia.+ O le a faamamaluina aʻu i le silafaga a Ieova, ma avea loʻu Atua ma oʻu malosi.  Ua fetalai mai foʻi o ia: “E lē o se mataupu māmā le avea o oe ma aʻu auauna, ina ia faaeaina mai ituaiga o Iakopo ma ia faafoʻisia ē o malupuipuia o Isaraelu;+ ua ou tuuina atu foʻi oe e fai ma malamalama o nuu,+ ina ia oo laʻu faaolataga i tuluʻiga uma o le lalolagi.”+  O le fetalaiga lenei a Ieova, o Lē e toe faatauina Isaraelu,+ o lona Alii Paia lea, i lē e matuā inosia,+ o lē foʻi ua ʻinoʻino i ai le nuu,+ i le auauna a ē e pule:+ “O le a vāai i ai tupu ma tutulaʻi mai,+ o perenise foʻi, ma o le a ifo i latou, ona o Ieova o lē e faamaoni,+ o Lē e Paia o Isaraelu, o lē ua filifilia oe.”+  O le fetalaiga lenei a Ieova: “I le taimi na ou faaalia atu ai le agalelei na ou tali atu iā te oe,+ i le aso foʻi o le faaolataga na ou fesoasoani ai iā te oe;+ ma na ou leoleoina pea oe ina ia ou tuuina atu oe e fai ma feagaiga mo tagata,+ e toe faaleleia ai le laueleele+ ina ia toe nofoia le tofi ua faatafunaina,+  ia fai atu i pagota,+ ‘Ia ō mai i fafo!’+ ia fai atu foʻi iā i latou o loo i le pogisa,+ ‘Ia faailoa mai outou!’+ O le a aai i latou i tala ane o ala, ma o le a iai o latou laufanua e aai ai i tafatafa ane o auala uma.+ 10  O le a lē fia aai i latou,+ pe fia feinu,+ o le a lē afāina i latou i le vevela tele po o le lā.+ Auā o le a taʻitaʻia i latou e Lē e alofa mutimutivale iā i latou,+ ma ave i latou i vaipuna.+ 11  O le a ou faia ma ala oʻu mauga uma, ma o le a maualuga foʻi oʻu ala tele.+ 12  Faauta! O le a ō mai i latou mai i mea mamao,+ vaai foʻi! o i latou nei mai i le itu i mātū+ ma le itu i sisifo,+ ma o i latou nei mai i le atunuu o Sainima.” 13  O outou lagi e, inā alalaga fiafia ia,+ ma ia olioli oe le lalolagi.+ Ia olioli mauga ma alalaga fiafia.+ Auā ua faamāfanafana e Ieova ona tagata,+ ma ua ia alofa mutimutivale i ona lava tagata ua puapuagatia.+ 14  A ua faapea mai lava Siona: “Ua tuulafoaʻia e Ieova aʻu,+ ma ua galo aʻu iā Ieova.”+ 15  Pe e mafai ona galo i se tinā lana tama o loo susu, ma lē alofa i le tama tama a lona manava?+ E galo+ foʻi i nei tinā ae e lē galo oe iā te aʻu.+ 16  Faauta! Ua vaneina oe i oʻu alofilima.+ Ua i oʻu luma pea ou pā.+ 17  Ua vave ō mai lau fanau tama. O le a ō ese mai iā te oe ē ua lepetiaina ma faatafunaina oe. 18  Inā tepa aʻe ia ma vaavaai solo. Ua faapotopotoina faatasi i latou uma.+ Ua latou ō mai iā te oe. Ua fetalai mai Ieova:+ “O loo ola aʻu, o le a e faaofu iā i latou uma e pei o mea teuteu, ma e te fusi i latou iā te oe e pei o se tamaʻitaʻi faaipoipo.+ 19  E ui o loo iai ou nofoaga ua faatafunaina ma ou nofoaga ua tuufua, ma le laueleele o lou faatafunaga,+ a o lenei ua e pūmoomoo ma ua leai se mea e nonofo ai tagata, ua mamao ese foʻi o ē na faaumatiaina oe,+ 20  ae o le a faapea atu i ou taliga lau fanau tama sa fananau ina ua aveesea lau fanau,+ ‘Ua pūmoomoo tele lenei nofoaga mo aʻu.+ Ia faatelē atu le mea ina ia ou nofo ai.’+ 21  O le a e fai ifo i lou loto, ‘O ai le tamā o nei fanau ua tuuina mai iā te aʻu, auā o aʻu o le fafine ua leai saʻu fanau ma ua pā, ua faapagotaina aʻu ma nofo i se mea mamao?+ A o i latou nei, o ai na tausia aʻe i latou?+ O lea, na tuua toʻatasi aʻu.+ O i latou nei, o fea sa iai i latou?’ ”+ 22  O le fetalaiga lenei a le Alii Pule Silisili Ese o Ieova: “Faauta! O le a ou sii aʻe loʻu lima i atunuu,+ ma ou te faatū i luga laʻu faailoilo i nuu.+ O le a latou aumai lau fanau tama i o latou fatafata, ma faatiʻetiʻe lau fanau teine i o latou tauʻau.+ 23  E tausia oe e tupu,+ ma e faafailele oe e o latou purinisese. E latou te faapaʻuʻū faō i ou luma,+ e latou te etoeto foʻi pefu o ou vae;+ ma o le a e iloa ai o aʻu o Ieova, e lē faamāina i latou e faamoemoe iā te aʻu.”+ 24  Pe e mafai ona toe aveesea o ē na ave muamua e se tagata malosi,+ pe e mafai ona sosola pagota a se pule sauā?+ 25  A ua faapea ona fetalai mai o Ieova: “O le a aveesea pagota a le tagata malosi,+ ma o le a saʻoloto i latou na ave e le pule sauā.+ O le a ou tau foʻi ma so o se isi e tau faasaga atu iā te oe,+ ma ou faaolaina foʻi lau fanau tama.+ 26  O le a ou fafagaina i latou o ē e faasauā iā te oe i o latou lava tino; ma o le a onanā i latou i o latou toto e pei ona onanā i le uaina suamalie. O le a iloa ai e tagata uma, o aʻu lava o Ieova,+ o lou Faaola+ ma o Lē e toe faatauina oe,+ o le Atua Malosi o Iakopo.”+

Faamatalaga Pito i Lalo