Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 47:1-15

47  Le taupou e, le tama fafine a Papelonia,+ inā alu ifo ia ma nofo i le pefu.+ Le tama fafine a Kaletaia e,+ inā nofo ia i le laueleele i le mea e lē o iai se nofoālii.+ Auā o le a lē toe taʻua oe e tagata o lē e agamalu ma faapelepeleina.+  Ia ave mea e olo ai saito+ ma olo ai falaoamata. Ia aveese lou ufimata.+ Ia tatala ese lou ofu umī.+ Ia faaaliali lou vae.+ Ia sopoʻia atu vaitafe.  E ao ona faaaliali lou lē lavalavā.+ E ao foʻi ona iloa lou faalumaina.+ O le a ou tauimasui,+ ma o le a ou lē onosaia se tasi e tetee mai.  “Ua iai Lē o loo toe faatauina i tatou.+ O Ieova o ʻau lona suafa,+ o Lē e Paia o Isaraelu.”+  Le tama fafine a Kaletaia e,+ inā nofo filemu ia i lalo+ ma sau i le pogisa;+ auā o le a lē toe taʻua oe e tagata o le Matai+ fafine o Malo.+  Na ou ita i loʻu nuu.+ Na ou faaleagaina loʻu tofi+ ma tuuina atu i latou i lou lima.+ E te leʻi alofa mutimutivale iā i latou.+ Na e matuā faamamafaina lau amo i luga o le toeaina.+  Ae na e saga faapea mai: “O le a avea aʻu ma Matai fafine i aso uma e oo i le faavavau.”+ E te leʻi manatunatu i ia mea i lou loto; e te leʻi manatua foʻi le iʻuga o ia mea.+  O lenei, inā faalogo mai ia oe le fafine e naunau tele i mea faafiafia, o lē e nofo ma le saogalemu,+ ma o lē ua faapea ifo i lona loto: “Ua na o aʻu, ae e leai se isi.+ O le a ou lē nofo o se fafine ua oti lana tane, ma o le a ou lē iloa faalogona o le feoti o le fanau.”+  Ae o le a oo faafuaseʻi mai nei mea e lua iā te oe i le aso e tasi:+ o le feoti o le fanau ma le oti o lau tane. E oo mai nei mea uma iā te oe i lona atoaga+ talu ai lou faia o le tele o togafiti faataulāitu, ona o le malosi tele o au faalauatau lea na e matuā fiafia tele i ai.+ 10  Ua e faatuatuaina lou leaga.+ Ua e faapea ifo: “E leai se isi o iloa mai aʻu.”+ Ua taʻitaʻisesēina oe e lou atamai ma lou poto;+ ua e faapea ane foʻi i lou loto: “Ua na o aʻu ae e leai se isi.” 11  E oo mai mala iā te oe; ma o le a lē aogā ni faiga faataulāitu e tetee atu i ai. O le a oo mai iā te oe le puapuaga;+ e lē mafai ona e ʻalofia. O le a oo faafuaseʻi+ mai iā te oe le faatafunaina lea e te leʻi iloa muamua. 12  Ia faaauau pea ona outou faia a outou faalauatau ma le tele o au togafiti faataulāitu,+ na e galue malosi ai talu mai lou talavou; atonu e te maua ai se aogā, atonu foʻi e māfua ai ona matataʻu tagata. 13  Ua e fiu i le toʻatele o au faufautua. Seʻi o latou laulaututū mai nei ma faaolaina oe, o ē e tapuaʻi atu i mea o i le lagi, o ē e saʻiliʻili i fetu,+ o i latou ua faaalia le poto e uiga i masina faatoʻā vaaia e faatatau i mea o le a oo iā te oe. 14  Faauta! Ua pei i latou o tagutugutu+ o saito. O le a susunuina i latou i le afi.+ O le a latou lē laveaʻi i o latou ola+ mai i le malosi o le afi.+ O le a lē iai ni malala ola e faamāfanafana ai tagata, e leai foʻi se afi e nonofo ai i ona luma. 15  O le a faapena foʻi iā te oe ou tagata fai mea faataulāitu, o ē na outou tautigā faatasi talu mai lou teineitiiti.+ O le a latou tautevateva solo, e taʻitoʻatasi ma alu i lona lava vaipanoa. E leai se isi o le a faaola iā te oe.+

Faamatalaga Pito i Lalo