Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 44:1-28

44  “O lenei, inā faalogo mai ia Iakopo e laʻu auauna,+ ma oe Isaraelu e, o lē ua ou filifilia.+  O le fetalaiga lenei a Ieova, o Lē na faia+ oe ma o le Mataisau na foafoaina+ oe, o lē na fesoasoani iā te oe a o e iai i le manava,+ ‘Aua e te fefe,+ laʻu auauna e Iakopo, ma oe Iesuruna,*+ o lē ua ou filifilia.  Auā ou te avatu le vai i lē ua fia inu,+ ma ālia i laueleele ua leai ni vai.+ Ou te liligi ifo loʻu agaga i lau fanau,+ ma aʻu faamanuiaga i ē e tupuga mai iā te oe.  E tutupu aʻe i latou e pei o le mutia muʻamuʻa,+ e pei foʻi o le laau o le garava+ i tala ane o alāvai.  O le a faapea mai se tasi: “O Ieova e ona aʻu.”+ E faaigoa foʻi e se isi o ia lava i le igoa o Iakopo,+ ae o le a tusi e le isi i lona lima: “E mo Ieova.” Ae e faaigoa e le tasi o ia lava iā Isaraelu.’+  “O le mea lenei ua fetalai mai ai Ieova, le Tupu o Isaraelu+ ma o Lē e toe faatauina o ia,+ o Ieova o ʻau, ‘O aʻu o lē e muamua o aʻu foʻi o lē e mulimuli,+ e leai se isi Atua ua na o aʻu lava.+  O ai se tasi e tusa ma aʻu?+ Inā valaau atu ia o ia ina ia taʻu mai e ia ma aumai iā te aʻu ana faamaoniga.+ E pei ona ou faia talu mai le taimi na ou tofia ai le nuu i aso ua mavae,+ e faapea foʻi ona latou taʻu mai mea e tutupu ma mea o le a tutupu.  Aua tou te fefefe ma aua foʻi tou te fememeaʻi.+ Pe ou te leʻi taʻu atu pea ea iā te outou taʻitoʻatasi talu mai na aso?+ O outou foʻi o aʻu molimau.+ Pe e iai se isi Atua e ese mai iā te aʻu?+ E leai, e leai se papa.+ Ou te lē iloa lava se isi.’ ”    O ē faia faatusa ua tā, e faatauvaa i latou uma,+ ma o mea ua latou faapelepele i ai e lē aogā ia;+ ua avea nei mea o ni a latou molimau, ae e lē vāai pe iloa ni mea,+ ma e faamāina ai o ē na faia nei mea.+ 10  O ai ua fausia se atua pe faia se faatusa uʻamea i mea ua faaliusuavai?+ E leai se aogā o nei mea uma.+ 11  Faauta! O ana paaga uma o le a māsiasi i latou,+ ma o tufuga foʻi o ni tagata i latou.+ E latou te faapotopotoina faatasi i latou uma lava. E latou te tutū ma le lē gasē. E matataʻu i latou. E māsiasi faatasi i latou uma.+ 12  A o le tufuga fai uʻamea, ua ia faaaogā lana meafaigaluega, ua pisi o ia i le faavevelaina o le uʻamea i malala ola; ua ia faia i le samala, ua pisi o ia i lenei galuega i lona lima malosi.+ Ua fia ʻai o ia, ma ua lē lavā ai. E leʻi inu o ia i se vai; ma ua vaivai ai. 13  A o le tufuga e na te vaneina mea i laau, e na te faataatia le fua faataoto; e na te faailoga le mea i le penisina mūmū; ma vaneina foʻi i le tofi; e na te faailogaina i le fua faataaliʻoliʻo, ma oo ai ina foliga mai e pei o se tagata,+ e tusa ma le matagofie o le tagata, ina ia nofo i le fale.+ 14  E iai lē o lana pisinisi o le tāina i lalo o laau o le arasi; ua ia filifilia se ituaiga o laau, o se laau telē, ua ia tausia mai i laau o le vaomatua seʻia malosi.+ Na ia totō le laau o le orene, ona tupu tele ai lea ona o timuga mamafa. 15  Ona faia lea e le tagata o lenei mea ma fafie e faamumū ai le afi. Ua ia ave le isi vaega o le laau ina ia faamāfanafana ai o ia. E moni, e na te tafu le afi ma tao ai le falaoa. Ua ia faia ai foʻi se atua e ifo i ai o ia.+ Ua ia faia se faatusa ua tā,+ ma ifo faō i ai. 16  Ua ia susunu le ʻafa o le laau i le afi. O le ʻafa foʻi o le laau ua ia tunu ai le aano o manu e ʻai ai ma ua maʻona ai. Ua ia faamāfanafana iā te ia ma faapea ane: “A! Ua ou māfanafana. Ua ou vaai i aloiafi.” 17  A o mea e totoe ai ua ia faia ai se atua, o se faatusa ua tā. Ua ia ifo faō ma ifo i ai, ua tatalo i ai ma faapea atu: “Ia e laveaʻi mai iā te aʻu, auā o oe o loʻu atua.”+ 18  E latou te lē iloa+ pe malamalama+ foʻi, auā ua punitia o latou mata+ ina ia lē vaai, ma o latou loto ina ia lē malamalama ai.+ 19  E leai se isi e manatu i lona loto,+ pe e poto pe e malamalama+ foʻi ma faapea ifo: “Ua ou susunuina i le afi le ʻafa o le laau, ma ua ou tao le falaoa i luga o ona malala; ua ou tunu ai foʻi aano o manu ma ʻai ai. A o le mea e totoe, po ou te faia ai ea se mea inosia?+ Po ou te ifo faō ea i luma o se fasi laau mago o se laau?” 20  Ua ʻai o ia i le lefulefu.+ O lona loto ua ʻolegia lea ua faasesēina ai o ia.+ Ua ia lē laveaʻiina lona ola, pe faapea ane: “Pe e lē o iai ea i loʻu lima taumatau le mea pepelo?”+ 21  “Iakopo e, ia manatua ia mea,+ ma oe Isaraelu e, auā o oe o laʻu auauna.+ Na ou faia oe.+ O oe o le auauna ua fai mo aʻu. Isaraelu e, e lē galo oe iā te aʻu.+ 22  Ou te soloiesea au solitulafono e pei ua ufitia i se ao,+ ma au agasala e pei ua ufitia i le tele o ao. Ia foʻi mai iā te aʻu,+ ona ou toe faatauina mai ai lea o oe.+ 23  “O outou lagi e, inā alalaga atu ia ma le fiafia,+ auā ua gaoioi Ieova!+ Mea maulalo e,+ o le lalolagi,+ ia alalaga atu ma le manumalo! Mauga e,+ ia fiafia, o oe le vaomatua ma laau uma ua iai, ia alalaga fiafia! Auā ua toe faatauina e Ieova o Iakopo ma ua ia faaalia lona matagofie ona o Isaraelu.”+ 24  O le fetalaiga lenei a Ieova, o Lē e toe faatauina oe+ ma Foafoaina oe a o e iai i le manava: “O aʻu o Ieova, ou te faia mea uma, o aʻu lava na ou fofolaina le lagi,+ ma folasia le lalolagi.+ O ai sa faatasi ma aʻu? 25  Ua ou faalēaogāina faailoga o ē e faia tala lē aogā, o aʻu foʻi o Lē e faavaleaina i latou e faataulāitu;+ o Lē e faafenumiaʻia tagata atamamai, ma o Lē e liua lo latou poto i le faavalevalea;+ 26  o Lē e faataunuuina upu e folafola atu e lana auauna, o Lē e faataunuuina feʻau a ana avefeʻau;+ o Lē foʻi e faapea mai e uiga iā Ierusalema, ‘O le a toe ʻainā o ia,’+ e faatatau foʻi i aai o Iuta, ‘O le a toe fausia,+ ma e toe faatūina ana mea ua faatafunaina’;+ 27  o Lē e fai mai i vai loloto, ‘Ia mitiia; ma ou te faamātūtūina ou vaitafe uma’;+ 28  o Lē e faapea mai e uiga iā Kuresa,+ ‘O laʻu leoleo mamoe o ia, o ia o le a faataunuuina atoatoa mea uma ou te loto i ai’;+ e oo lava i laʻu tala e uiga iā Ierusalema, ‘E toe fausia lava o ia,’ ma e tusa ai ma le malumalu, ‘E toe fausia lou faavae.’ ”+

Faamatalaga Pito i Lalo

O lona uiga, “o lē ua amio saʻo,” o se taʻu aloaʻia o Isaraelu.