Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 43:1-28

43  O le fetalaiga lenei a Ieova, o Lē na foafoaina+ oe Iakopo e, ma le Mataisau na faia+ oe Isaraelu e: “Aua e te fefe, auā ua ou toe faatauina mai oe.+ Ua ou valaauina oe i lou igoa.+ Ua fai oe mo aʻu.+  O le a ou faatasi ma oe+ pe a e sopoʻia vai;+ ma pe a e sopoʻia vaitafe, e lē lofia ai oe.+ Pe a e savali i le afi, e te lē mū ai pe susunuina oe i le mumū o le afi.+  Auā o aʻu o Ieova lou Atua, o Lē e Paia o Isaraelu o lou Faaola.+ Ua ou tuuina atu Aikupito e fai ma togiola mo oe,+ o Aitiope+ ma Sepa e sui ai oe.  Auā ua pele oe iā te aʻu,+ ua taʻua oe e mamalu, ma ua ou alofa iā te oe.+ O lea, o le a ou avatu tagata e sui ai oe, ma nuu e sui ai lou ola.+  “Aua e te fefe auā ou te faatasi ma oe.+ Ou te aumaia lau fanau mai i le mea e oso aʻe ai le lā, ou te faapotopotoina faatasi foʻi outou mai i le mea e goto i ai le lā.+  O le a ou fai atu i le itu i mātū,+ ‘Tuu mai ia!’ ma i le itu i saute, ‘Aua le taofia. Ia aumai oʻu atalii mai i mea mamao, ma oʻu afafine mai i tuluʻiga o le lalolagi,+  o i latou uma ua faaigoa i loʻu igoa+ ma na ou faia mo loʻu lava mamalu,+ na ou gaosia, ioe, na ou faia lava.’+  “Ia aumai se nuu tauaso e ui e iai o latou mata, ma i latou e tutuli e ui e iai o latou taliga.+  Ia faapotopoto faatasi atunuu uma i le mea e tasi, ia faapotopoto faatasi foʻi nuu.+ O ai se tasi o i latou e mafai ona taʻu maia lenei mea?+ Pe e mafai ona latou taʻu mai mea o le a tutupu muamua?+ Seʻi aumai ni a latou molimau+ ina ia taʻuamiotonuina ai i latou, pe e faalogo foʻi i latou ma faapea mai, ‘O le upu moni lenei!’ ”+ 10  O le fetalaiga lenei a Ieova:+ “O outou o aʻu molimau, o laʻu auauna ua ou filifilia+ ina ia outou iloa+ ma faatuatua mai ai iā te aʻu,+ ma ia outou malamalama ai o aʻu lava lea e tasi.+ E leʻi iai se atua na faia e muamua iā te aʻu,+ e leai lava se isi atua talu mai aʻu.+ 11  O aʻu, o aʻu lava+ o Ieova ae leai se faaola ua na o aʻu lava.”+ 12  “O aʻu lava na ou faailoa atu ma ou faaolaina, na ou logoina atu ina ia faalogo ai,+ ina ua leai se atua ese iā te outou.+ O lea, o outou o aʻu molimau, ma o aʻu o le Atua,”+ ua fetalai mai ai Ieova.+ 13  “E lē gata i lea, o aʻu lava o Ia;+ ae e leai se tasi e laveaʻiina mai i loʻu lima.+ Ou te gaoioi,+ ma o ai e mafai ona tetee mai iā te aʻu?”+ 14  O le fetalaiga lenei a Ieova, o Lē e toe faatauina outou,+ o Lē e Paia o Isaraelu:+ “Ona o outou, o le a ou aauina atu i latou i Papelonia ma ave ifo pou faalava o faitotoʻa o falepuipui,+ ma faatoʻilaloina tagata Kaletaia i vaa a o tagiauē i latou.+ 15  O aʻu o Ieova o Lē e Paia iā te outou,+ o Lē na faia Isaraelu,+ o lo outou Tupu.”+ 16  O le fetalaiga lenei a Ieova, o Lē ua faia le ala i le sami ma le auala i vai e tatafe malosi,+ 17  o Lē ua aumaia faatasi kariota o le taua ma le solofanua, o ʻautau ma ē e malolosi:+ “O le a taooto i latou.+ E lē toe tutulaʻi i latou.+ O le a faaumatia lava i latou.+ E tineia i latou e pei ona tineia o le vavae o le molī.”+ 18  “Aua neʻi manatuaina mea na tutupu i aso ua mavae, ma aua neʻi outou manatunatu i mea na muamua. 19  Faauta! Ou te faia se mea fou.+ O le a tutupu nei mea. Pe e le moni ea o le a outou iloa?+ O le mea lea ou te faia ai se ala i le toafa,+ ou te faia foʻi vaitafe i le fanua valevalenoa.+ 20  O le a vivii mai manufeʻai iā te aʻu,+ o taʻifau o le vao ma iaena;+ auā ou te tuuina vai i toafa, o vaitafe i fanua valevalenoa,+ ina ia feinu ai loʻu nuu,+ o lē ua ou filifilia, 21  o le nuu ua faia mo aʻu, ina ia latou taʻutaʻu atu pea loʻu viiga.+ 22  “A ua e lē valaau mai iā te aʻu Iakopo e,+ auā ua e fiu iā te aʻu Isaraelu e.+ 23  Ua e lē aumaia iā te aʻu mamoe o le taulaga mū, ua e lē faamamaluina aʻu i au taulaga.+ Ou te leʻi faamalosia oe e aumaia iā te aʻu se meaalofa, ou te leʻi faatigāina foʻi oe ia faamūina lipano.+ 24  Ua e lē faatauina i tupe se tolo*+ suamalie mo aʻu; ua e lē faamalieina foʻi aʻu i gaʻo o au taulaga.+ O le mea moni, ua e faamalosia aʻu ou te auauna atu iā te oe ona o au agasala; ma ua ou vaivai ona o au mea sesē.+ 25  “O aʻu, o aʻu lava o Lē ua soloiesea+ au solitulafono+ mo loʻu lava lelei,+ ma ou te lē toe manatua au agasala.+ 26  Ia faamanatu mai iā te aʻu; seʻi o ta faamasinoina faatasi;+ ia fai lau faamatalaga ina ia iloa ai pe e te saʻo.+ 27  Na agasala lou uluaʻi tamā, ma ua solitulafono+ faasaga iā te aʻu ou fofoga fetalai.+ 28  O le mea lea ou te faalumaina ai perenise o le mea paia, ma o le a ou tuuina atu Iakopo e pei o se tagata e tatau ona faaumatia, ma tuuina atu Isaraelu ia upuleagaina.+

Faamatalaga Pito i Lalo

I le gagana Eperu, qaneh′. E lē o iloa tonu po o le ā lenei laau e suamalie lona manogi.