Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Isaia 42:1-25

42  Faauta! O laʻu auauna+ ua ou lagolagoina!+ O lē ua ou filifilia,+ o lē foʻi ua fiafia i ai loʻu loto!+ Ou te tuuina atu loʻu agaga iā te ia.+ O le a ia faailoa atu i nuu le faamasinotonu.+  E lē alaga atu o ia pe leotele atu, ma e lē faalogoina foʻi lona leo i le ala tele.+  O le a ia lē gausia le ū ua nutililiia;+ o le a ia lē tineia le vavae ua mū itiiti. O le faamaoni o le a ia faia ai le faamasinotonu.+  O le a lē mū itiiti o ia pe nutililiia seʻia faatūina e ia le faamasinotonu i le lalolagi;+ ma e faatalitali foʻi motu i lana tulafono.+  O le mea lenei ua fetalai mai ai le Atua moni o Ieova, o Lē na faia le lagi,+ o Lē foʻi e silisili na ia faamafolafolaina ai;+ o Lē na folasia le lalolagi+ ma mea uma o loo tutupu ai,+ o Lē foʻi na te avatua le mānava+ i tagata o iai,+ ma le malosi e ola ai i ē o loo savavali ai:+  “O aʻu lava o Ieova, ua ou valaau atu iā te oe i le amiotonu,+ ma ou taofia lou lima.+ O le a ou leoleoina oe ma avatu oe e fai ma feagaiga a le nuu,+ o le malamalama o atunuu,+  ina ia e faapupula mata o tauaso,+ ina ia tatala pagota+ mai i le lua maulalo, ma ia tatalaina mai foʻi i le falepuipui o i latou o loo nonofo i le pōuliuli.+  “O aʻu o Ieova. O loʻu igoa lea;+ ou te lē avatua loʻu mamalu i se tasi,+ e lē avatua foʻi loʻu viiga+ i faatusa ua tā.+  “Ua taunuu mea muamua,+ ae o loo oʻu taʻuina atu mea fou. Ou te faailoa atu iā te outou ia mea a o leʻi tutupu mai.”+ 10  Inā usu ia se pese fou iā Ieova,+ o lona viiga e mai i tuluʻiga o le lalolagi,+ o outou tane o ē ō ifo i le sami+ ma mea uma o loo tumu ai, o outou motu ma outou o ē e aināina.+ 11  Ia leotetele le toafa+ ma ona aai, o nuu o loo nonofo ai Kitara.+ Ia alalaga atu ma le olioli ē o loo nonofo i le mea papa.+ Ia alalaga atu tagata mai i le tumutumu o mauga. 12  Ia latou avatu le mamalu iā Ieova,+ ma ia latou taʻu atu foʻi lona viiga i motu.+ 13  O le a afio atu Ieova e pei o sē e malosi.+ E pei o se toa e na te faatupu lona maelega.+ E alaga atu o ia, ioe, e alaga o ia i le alaga o le taua;+ e na te faailoa i ona fili e sili atu lona malosi.+ 14  “Ua umi ona ou nofo filemu.+ Ua ou lē pisa.+ Ua ou pulea aʻu lava.+ E pei o le fafine o le a fanau, ou te ōi, ou te selasela ma ou gaʻegaʻe i le taimi e tasi.+ 15  Ou te faagaogaoina+ mauga ma aʻega, ou te faamamago vao ma laau uma. Ou te liua vaitafe e avea ma motu, ma ou te faamātūtūina taufusi.+ 16  Ou te taʻitaʻiina o ē e tauaso e savavali i le ala latou te leʻi iloa;+ ou te taʻitaʻiina i latou e savavali i le auala latou te leʻi iloa.+ Ou te liua le mea pogisa i le malamalama i o latou luma,+ ma faalaugatasi le laueleele gaoā.+ O mea ia o le a ou faia mo i latou, ma ou te lē tuua i latou.”+ 17  E ao ona latou solomuli, o le a matuā māsiasi i latou, o i latou o ē e faatuatua i faatusa ua tā,+ o i latou ua faapea atu i faatusa uʻamea: “O outou o o matou atua.”+ 18  O outou o ē e tutuli inā faalogo mai ia, ma ē e tauaso inā vāai ia.+ 19  O ai ua tauaso, pe e lē o laʻu auauna ea, ma o ai foʻi e tutuli e pei o laʻu avefeʻau na ou auina atu? O ai e tauaso e pei o lē ua tauia, po o lē e tauaso e pei o le auauna a Ieova?+ 20  Ua e vaavaaia mea e tele a ua e lē vaai pea i ai.+ Ua faalogo ou taliga, ae e te leʻi faalogo pea i ai.+ 21  Ua fiafia Ieova lava ia e faasilisilia le tulafono+ ma faamamaluina ai ona o lana amiotonu.+ 22  O le nuu ua faoa a latou mea ma vetea,+ ua taofiofia i latou uma i lua, ma ua natia i latou i falepuipui.+ Ua faoa a latou mea e aunoa ma se tasi e laveaʻi iā i latou,+ ua vetea foʻi e aunoa ma se tasi e faapea atu: “Inā toe aumai ia!” 23  O ai se isi o outou e faalogo mai i lenei mea? O ai foʻi o le a uaʻi mai ma faalogo ma manatunatu i le lumanaʻi?+ 24  O ai ua tuuina atu Iakopo e faoa ana mea, ma Isaraelu i ē e vetea a latou mea? Pe e lē o Ieova ea, o Lē ua tatou agasala i ai, ma ona ala ua latou lē mananaʻo e savavali ai, ma e leʻi faalogo foʻi i latou i ana tulafono?+ 25  Ua Ia sasaa mai pea i ona luga lona maʻemaʻeā, o lona toʻasā, ma le mataʻutia tele o le taua.+ Ua mumū i ona itu uma,+ a ua ia lē ano i ai;+ ua sasao pea foʻi iā te ia, a ua lē tau ifo i lona loto.+

Faamatalaga Pito i Lalo