Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 39:1-8

39  O le taimi lenā na aauina mai ai e Merota-palata+ le atalii o Palata le tupu o Papelonia,+ o tusi ma le meaalofa+ iā Esekia; auā na ia faalogo na maʻi Esekia, a ua toe malosi.+  Ua fiafia Esekia iā i latou,+ ma ua faaali atu iā i latou oloa uma i lona fale e teu ai oloa,+ o siliva, o auro, o suāuu pasama,+ ma le suāuu lelei, o lona fale o auupega+ uma, ma mea uma na maua i ana oloa. E leai lava se mea i lona fale+ ma lona malo uma e leʻi faaalia atu e Esekia iā i latou.+  Mulimuli ane, ua sau le perofeta o Isaia i le Tupu o Esekia, ma faapea mai iā te ia:+ “O le ā le mea na fai mai ai nei tagata, ma o fea na latou ō mai ai iā te oe?” Ona fai atu lea o Esekia: “Na latou ō mai iā te aʻu mai i le atunuu mamao, mai i Papelonia.”+  Ua fai mai o ia: “O ā mea na latou vāai i ai i lou fale?”+ Ona fai atu lea o Esekia: “Na latou vaaia mea uma o loo i loʻu fale. E leai se mea ou te leʻi faailoaina atu iā i latou i aʻu oloa.”  Ua fai mai Isaia iā Esekia:+ “Ia faalogo ia i le afioga a Ieova o ʻau,  ‘Faauta! E oo mai aso e ave ai i Papelonia mea uma o loo i lou fale, ma mea na faaputu e ou augātamā seʻia oo mai i le aso nei.’ ‘E leai se mea e totoe ai,’+ ua fetalai+ mai ai Ieova.  ‘E ave foʻi nisi o ou atalii o le a tupuga mai iā te oe, o ē e fai oe ma o latou tamā, e fai i latou+ ma tagata aloaʻia+ i le maota o le tupu o Papelonia.’ ”+  Ona fai atu lea o Esekia iā Isaia: “Ua lelei le afioga a Ieova na e fai mai ai.”+ Ua ia fai atu foʻi: “Auā o le a iai pea le filemu ma le faamaoni+ i loʻu olaga.”+

Faamatalaga Pito i Lalo