Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Isaia 38:1-22

38  I na aso, na maʻi ai Esekia ma ua toetoe lava a oti.+ Ona sau ai lea o Isaia+ le perofeta o le atalii o Amota iā te ia, ma ua faapea mai iā te ia: “O le mea lenei ua fetalai mai ai Ieova, ‘Inā fai atu ia ni faatonuga i lou aiga,+ auā o le a e oti lava, e te lē ola.’”+  Ona faasaga atu lea o Esekia i le pā puipui,+ ma ua tatalo atu iā Ieova+  e faapea: “Ieova e, ou te ʻaiʻoi atu iā te oe, faamolemole ia e manatua+ ua ou savali+ ma le faamaoni+ i ou luma ma le lotoatoa,+ ua ou faia foʻi le mea ua tonu i lau silafaga.” Ona tagi masūsū ai lea o Esekia.+  Ona oo mai ai lea o le afioga+ a Ieova iā Isaia, e faapea:  “Ia e alu ma e fai atu iā Esekia, ‘O le mea lenei ua fetalai mai ai Ieova le Atua o Tavita lou augātamā:+ “Ua ou faalogo i lau tatalo.+ Ua ou vaai i ou loimata.+ O lenei, ou te faaopoopoina tausaga e sefulu lima i ou aso;+  ou te laveaʻi foʻi iā te oe ma lenei aai mai i le lima o le tupu o Asuria, ma ou te puipuia lenei aai.+  O le faailoga lenei mai iā Ieova, ina ia e iloa ai o le a faataunuu e Ieova le mea na ia fetalai mai ai:+  Ou te faafoʻi atu ata lafoia o le lā+ i sitepu e sefulu ia ua uma ona alu ifo i faasitepu o Aasa.”’”+ Ona foʻi mālie atu lea o le lā i faasitepu e sefulu ia ua uma ona alu ifo i ai.+  O le tusitusiga a Esekia le tupu o Iuta ina ua maʻi+ o ia ma toe malosi mai i lona gasegase.+ 10  Sa ou faapea ane: “Ae e leʻi taitai oʻu aso o le a ou alu atu ai i le faitotoʻa+ o le Tuugamau.* E aveesea foʻi oʻu tausaga o totoe.”+ 11  Sa ou faapea ane: “Ou te lē toe vaai iā Ioa, o Ioa lava i le laueleele o loo nonofo ai ē o loo feola.+ Ou te lē toe vaai i le fanau a tagata, auā o le a ou faatasi ma ē ua feoti. 12  Ua liaʻiina le mea ou te nofo ai ma aveesea mai iā te aʻu+ e pei o le faleʻie o leoleo mamoe. Ua ou taataʻaia loʻu ola e pei o le tagata e lalagaina ʻie; E vavaeeseina aʻu+ e pei o le vavaeeseina o se ʻie ua uma ona lalagaina mai i le mea na lalaga ai. E te tuuina atu pea aʻu i faigatā e mai i le ao malamalama e oo i le pō.+ 13  Sa ou fifilemu seʻia oo i le taeao.+ E pei o le leona, ua ia gauia pea oʻu ponaivi uma;+ E te tuuina atu pea aʻu i faigatā e mai i le ao malamalama e oo i le pō.+ 14  E pei o le peʻapeʻa, ma le manulele o le akuru, e faapea lava ona ou iī;+ Ua ou olo e pei o le lupe.+ Ua nenefu oʻu mata i le vaai atu i le mea maualuga:+ ‘Ieova e, ua ou puapuagatia. Ia e lagolago mai iā te aʻu.’+ 15  O le ā saʻu upu e fai atu nei o lea ua ia fetalai mai iā te aʻu?+ O ia foʻi ua ia faia.+ Ou te savali pea ma loʻu lotomaulalo i oʻu tausaga uma ona o lenei mea oona ua oo mai iā te aʻu.+ 16  ‘Ieova e, o le mea lea latou te ola ai; e pei o tagata uma, o mea ia ua maua ai loʻu malosi e ola ai.+ E te faafoʻisia mai iā te aʻu le ola mālōlōina ma faasaoina aʻu.+ 17  Faauta! Nai lo o le filemu, na ou maua le mea oona, ioe e oona lava;+ Ua e alofa i loʻu nei tagata ma faasaoina mai i le lua e pala ai.+ Auā ua e lafoaʻiina aʻu agasala uma i ou tua.+ 18  Auā e lē mafai ona faaneenee le Tuugamau iā te oe.+ E lē mafai foʻi ona vivii atu le oti iā te oe.+ E lē mafai e i latou ua ō atu i le lua ona faamoemoe i lou faamaoni.+ 19  O lē ua ola, o lē ua ola o ia lea e mafai ona faaneenee atu iā te oe,+ E pei ona ou faia i lenei aso.+ E faailoa+ atu e le tamā i ona lava atalii e uiga i lou faamaoni. 20  Ieova e, ia e faaolaina aʻu,+ ona matou tāina lea o pese i meafaifaaili e iai uaua+ I aso uma o o matou olaga i le fale o Ieova.’”+ 21  Ona faapea atu lea o Isaia: “Ia latou avatu se keke o mati mamago ma ufiufi ai le maʻi sua,+ ina ia malosi ai o ia.”+ 22  Ua faapea atu foʻi Esekia: “O le ā le faailoga e iloa ai ou te alu aʻe i le fale o Ieova?”+

Faamatalaga Pito i Lalo

Tagaʻi i le Faaopoopoga e 6.