Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 37:1-38

37  Ina ua faalogo i ai le Tupu o Esekia, ona ia saei ai loa lea o ona ofu ma ufiufi o ia i le ʻie talatala,+ ma alu atu i le fale o Ieova.+  Ua ia aauina atu i le perofeta o Isaia+ le atalii o Amota,+ o Eliakimo+ o lē e vaavaaia le aiga, o Sevena le failautusi,+ ma toeaina o le ʻauositaulaga,+ ma ua ufiufi i latou i ʻie talatala.  Ua latou faapea atu iā te ia: “O le mea lenei ua fai mai ai Esekia, ‘O le aso lenei o le aso o puapuaga,+ o aʻoaʻiga, ma le faasausili;+ auā o le a oo ina fanau mai tama, ae ua leai se malosi e fanau mai ai.+  Atonu e faafofoga mai Ieova lou Atua i upu a Ravesaki,+ o lē na auina mai e le tupu o Asuria lona alii e faifai+ i le Atua soifua, ma e tauia e ia e tusa ma upu na faafofoga i ai Ieova lou Atua.+ Ia e tatalo+ atu foʻi ona o ē ua totoe o loo iai.’ ”+  Ua oo atu auauna a le Tupu o Esekia iā Isaia.+  Ua faapea mai Isaia iā i latou: “O le mea lenei e tou te fai atu ai i lo outou alii, ‘O loo faapea ona fetalai mai o Ieova:+ “Aua e te fefe+ ona o upu na e faalogo i ai, na upuleagaina ai aʻu e auauna a le tupu o Asuria.+  O aʻu lava, ou te tuuina iā te ia se manatu,+ e faalogo foʻi o ia i se tala+ ma toe foʻi atu i lona lava nuu; ou te fasiotia iā te ia i le pelu i lona lava nuu.” ’ ”+  Mulimuli ane, ona toe foʻi atu lea o Ravesaki+ ma maua atu ai le tupu o Asuria o tau ma Lipena;+ auā na ia faalogo ua alu ese o ia mai i Lakisa.+  Ua ia faalogo foʻi i le tala iā Tiraka+ le tupu o Aitiope: “Ua sau o ia e tau ma oe.” Ina ua ia faalogo ai, ona ia aauina atu loa lea o ni avefeʻau+ iā Esekia, e faapea: 10  “O le mea lenei e tou te fai atu ai iā Esekia le tupu o Iuta, ‘Aua neʻi ʻolegia oe e le Atua ua e faatuatua i ai,+ e faapea: “E lē tuuina atu Ierusalema i lima o le tupu o Asuria.”+ 11  Faauta! Ua e faalogo i mea na faia e tupu o Asuria i nuu uma i le faaumatiaina+ o i latou; ae pe e laveaʻiina ea oe?+ 12  Pe na laveaʻiina+ ea i latou e atua+ o nuu na faafanoina e oʻu augātamā e oo lava i Kosane,+ o Karana,+ ma Risefa, atoa ma le fanauga a Etena+ sa i Tilasa? 13  O fea ea o iai le tupu o Amato,+ o le tupu o Arepa,+ ma le tupu o le aai o Sefavaima,+ o Ena, ma Iva?’ ”+ 14  Ona talia lea e Esekia o tusi mai i lima o avefeʻau ma lauina, mulimuli ane,+ ua alu aʻe Esekia i le fale o Ieova ma fofola atu ai i luma o Ieova.+ 15  Ona tatalo lea o Esekia iā Ieova,+ ma faapea atu: 16  “O Ieova o ʻau, o le Atua o Isaraelu,+ o lē e afio i luga o kerupi, e na o oe lava le Atua moni o malo uma o le lalolagi.+ O oe lava na e faia le lagi ma le lalolagi.+ 17  Ieova e, ia e liuliualo ma faafofoga mai.+ Ia silasila+ mai ou fofoga Ieova e, ma ia e silafia ma faafofoga mai i upu uma a Sanerivi+ ua ia auina mai e faifai i le Atua soifua.+ 18  Ieova e, e moni lava ua faatafuna e tupu o Asuria atunuu uma ma o latou lava laueleele.+ 19  Ua latou susunuina o latou atua i le afi,+ auā e lē o ni atua i latou,+ a o galuega a lima o tagata,+ o laau ma maa; o lea ua latou faaumatia ai na mea.+ 20  O lenei, Ieova e lo matou Atua,+ ia e faaolaina i matou mai i lona lima,+ ina ia iloa ai e malo uma o le lalolagi, o oe Ieova e, e na o oe le Atua e toʻatasi.”+ 21  Ona auina atu lea e Isaia le atalii o Amota, o se feʻau iā Esekia ua faapea atu: “Ua faapea ona fetalai mai o Ieova le Atua o Isaraelu, ‘Ona ua e tatalo mai iā te aʻu e faatatau iā Sanerivi le tupu o Asuria,+ 22  o le afioga lenei a Ieova na ia fetalai mai ai e faasaga iā te ia: “Ua ʻinoʻino le tama fafine taupou a Siona iā te oe, ma ua ia tauemu iā te oe.+ Ua lialiaʻi mai foʻi e le tama fafine a Ierusalema lona ulu i ou tua.+ 23  O ai ua e faifai+ i ai ma upuleaga i ai?+ O ai foʻi ua e leotele+ i ai O ai foʻi ua e faamaualuga i ai?+ O Lē e Paia o Isaraelu!+ 24  O au auauna foʻi ua e faifai ai iā Ieova, ma ua e faapea ane ai,+ ‘O aʻu ma aʻu kariota+ tau e matuā tele lava Ou te alu aʻe ai i vaega maugā maualuluga,+ O vaega pito i mamao foʻi o Lepanona;+ Ou te tuuina i lalo ona arasi maualuluga, ma ona perosi matagofie.+ Ou te ulu atu foʻi i le mea e sili ona maualuga, le vaomatua e pei o se togālaau.+ 25  Ou te eli lava ma ou inu i vai, Ou te faamātūtūina foʻi alāvai uma o le Naila+ o Aikupito i oʻu alofivae.’+ 26  Pe e te leʻi faalogo ea?+ Ua uma ona ou filifilia mea e faia mai lava i aso anamua.+ Ua faia laʻu faaiʻuga mai i aso ua teʻa.+ O lenei o le a ou faataunuuina.+ E te faatafunaina foʻi aai malupuipuia, e pei o faupuʻega o mea ua faatafunaina.+ 27  E vaivai foʻi lima o o latou tagatānuu;+ E latou te matuā fefefe lava ma māsiasi.+ E avea i latou e pei o vao o le fanua ma mutia muʻamuʻa lanu meamata,+ E pei foʻi o le mutia o taualuga,+ ma fanua ua faasitepu i luma o le matagi mai i sasaʻe.+ 28  Ua ou iloa lelei lou nofo filemu, o lou ulufafo+ ma lou ulufale,+ Ma lou ita tele iā te aʻu,+ 29  Auā ua ou faalogo i lou ita tele iā te aʻu+ ma lou pisapisaō.+ Ou te tuuina lava laʻu mātau i lou isu, ma laʻu faagutu i ou laugutu,+ Ou te faafoʻi atu lava oe i le ala na e sau ai.”+ 30  “ ‘O le faailoga lenei mo oe: E tou te aai i lenei tausaga i mea ua tutupu mai i fatu na toʻulu,+ o le tausaga lona lua o saito* e tutupu fua mai; a o le tausaga lona tolu, e tou te lūlūina ai fatu, ma selesele, ma totō ai togāvine ma aai mai i ona fua.+ 31  A o ē o le a sao o le aiga o Iuta, o i latou ua totoe,+ e sosolo i lalo o latou aa ma fua mai ai ni fua i luga.+ 32  Auā e ō atu ē o totoe mai i Ierusalema,+ ma ē e sosola ese mai i le Mauga o Siona.+ E faia lenei mea e le maelega o Ieova o ʻau.+ 33  “ ‘O le mea lea ua fetalai mai ai Ieova e faatatau i le tupu o Asuria:+ “E lē sau o ia i lenei aai,+ e na te lē fanaina se aū i inā, e lē sau i ai ma se talipupuni, pe tanu se mea mautiʻetiʻe faasaga i ai.” ’+ 34  “Ua fetalai mai foʻi Ieova, ‘O le ala na sau ai o ia, e toe foʻi atu ai, e lē sau lava o ia i totonu o lenei aai.’+ 35  ‘Ou te puipuia+ lenei aai ma faasaoina, ona o aʻu+ ma Tavita laʻu auauna.’ ”+ 36  Ona alu atu lea o le agelu+ a Ieova ma fasiotia le toʻaselau valu sefulu lima afe o le ʻautau a Asuria.+ Ina ua feala aʻe tagata i le taeaopō, vaai foʻi! ua feoti uma i latou.+ 37  Ona alu ese ai lea o Sanerivi+ le tupu o Asuria, ua alu ma toe foʻi atu,+ ua nofo i Nineva.+ 38  A o ifo o ia i le fale o Nisero+ lona atua,+ ona fasiotia lea o ia i le pelu+ e ona lava atalii o Atameleko ma Salese, ona la sosola ai lea i le nuu o Ararata.+ A ua avea Esara-atona+ lona atalii ma tupu e sui iā te ia.

Faamatalaga Pito i Lalo

Pe e faasino atu foʻi i le karite (barley).