Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Isaia 35:1-10

35  O le a olioli le toafa ma le laueleele ua leai se vai,+ o le a fiafia foʻi le fanua laugatasi o le toafa ma e fua mai e pei o le lili.+  O le a fua mai lava,+ o le a olioli i le matuā olioli ma alalaga fiafia.+ O le a avatu iā te ia le mamalu o Lepanona,+ o le matagofie o Karamelu+ ma Sarona.+ O le a iai i latou o le a vāai atu i le mamalu o Ieova+ ma le matagofie o lo tatou Atua.+  Ia outou faamalolosi i lima ua vaivai, ia faamausalī i tuli ua teteva.+  Ia fai atu iā i latou ua popole o latou loto:+ “Ia faamalolosi.+ Aua le fefefe.+ Faauta! o le a afio mai lo outou Atua ma le tauimasui,+ o le taui lava mai i le Atua.+ O le a afio mai o ia ma faaola iā te outou.”+  O lea foʻi taimi o le a faapupulaina ai mata o ē ua pō le vaai,+ ma o le a faalogo foʻi taliga o ē e tutuli.+  O le a osooso ai lē ua pipili e pei o le ʻaila,+ e alaga fiafia le laulaufaiva o lē ua gūgū.+ Auā o le a oso mai le vai i le toafa ma vaitafe i fanua laugatasi o le toafa.  O le a avea le laueleele ua mago i le vevela o le lā ma vailepa ua tutupu ai ū, ma e avea foʻi le laueleele naumati ma vaipuna.+ O le mea e nonofo ai taʻifau o le vao,+ e avea ma se nofoaga e mapu ai, o le a ola ai le mutia ma ū ma laau o le kome.+  O le a iai se ala tele i inā;+ ma o le a taʻua o le Ala Paia.+ E lē ui atu i ai lē ua lē mamā.+ E faia mo lē ua savali i le ala, ma e lē faatagaina ona savavali ai tagata vālea.  O le a lē maua ai i inā se leona, e lē alu aʻe foʻi i ai se manufeʻai.+ E lē maua ai lava;+ ae e savavali ai na o ē ua toe faatauina mai.+ 10  O le a toe foʻi mai ē ua togiolaina e Ieova+ ma e ō mai lava i Siona ma le alalaga fiafia;+ ma le olioli foʻi i taimi uma i luga o o latou ulu.+ O le a latou maua le fiafia ma le olioli, ae e sosola ese le faavauvau ma le ōi.+

Faamatalaga Pito i Lalo