Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Isaia 33:1-24

33  Oi talofa iā te oe o lē o loo faoa faamalosi mea, e aunoa ma le faoa o au mea, ma oe o lē o loo fai mea faapiʻopiʻo, e aunoa ma le faia e isi o mea faapiʻopiʻo iā te oe!+ Pe a māeʻa ona avea oe ma lē faoa faamalosi mea, o le a faoa faamalosi foʻi au mea.+ Pe a māeʻa ona e fai mea faapiʻopiʻo i isi, o le a latou fai mea faapiʻopiʻo foʻi iā te oe.+  Ieova e, ia e agalelei mai iā i matou.+ Ua matou faamoemoe iā te oe.+ Ia fai oe ma o matou lima+ i taeao+ uma, ioe, o lo matou faaolataga i taimi o puapuaga.+  Ua sosola tagata ina ua faalogoina le leo o le vevesi.+ Ua faataapeapeina nuu ona o lou tulaʻi atu.+  O le a aoaoina e outou le vete+ e pei ona aoaoina e mogamoga o mea, e pei foʻi o le mumu mai o sē akerise pe a mumu atu i se tasi.+  O le a faasilisilia+ Ieova auā ua afio o ia i le mea maualuga.+ O le a ia faatumuina Siona i le faamasinotonu ma le amiotonu.+  I ou aso o le faamaoni o le a iʻu ai i le tele o le faaolataga,+ o le atamai ma le poto,+ o le mataʻu iā Ieova,+ o lana oloa lea.  Faauta! Ua fetagisi o latou toa i le auala; e masūsū foʻi avefeʻau o le filemu.+  Ua faatafunaina ala tetele;+ e lē toe ui ane ai se tasi.+ Ua ia solia le feagaiga;+ ua ia ʻinoʻino i aai;+ e lē manatu foʻi o ia i tagata.+  Ua faavauvau le laueleele, ua mamae foʻi.+ Ua faamāina Lepanona;+ ma ua pala. Ua avea Sarona+ ma fanua laugatasi o le toafa; ua malili lau o laau o Vasana ma Karamelu.+ 10  Ua fetalai mai Ieova: “Ou te tulaʻi+ atu nei lava, ou te faasilisilia nei lava aʻu;+ ou te faaeaina nei lava aʻu.+ 11  O outou tou te afuafua vao mago;+ tou te fanaua mai tagutugutu o ʻau. O le a ʻaina+ outou e o outou manatunatuga* e pei o le afi.+ 12  E avea nuu e pei o ni mea na susunuina i namu. E pei o laau tuitui ua salaina, e susunuina i latou i le afi.+ 13  O outou o ē e mamao, inā faalogo mai ia i mea ou te faia!+ O outou o ē ua lata mai, inā iloa ia loʻu mana.+ 14  Ua matuā fefefe tagata agasala i Siona;+ ua tetemū ē ua fulitua+ i le upu moni: ‘O ai se isi o i tatou e mafai ona nofo mo sina taimi ma le afi e faaumatia ai?+ O ai se isi o i tatou e mafai ona nofo mo sina taimi i le aasa o le afi lea e umi ona ola?’+ 15  “Ua iai lē o loo savali pea i le amiotonu+ ma ua tautala i le mea ua saʻo,+ o lē ua teena polofiti ua maua mai i faiga faagaoi,+ o lē ua tuu ese lona lima mai i le taliaina o se foaʻi faaalatua,+ o lē ua pupuni ona taliga mai i le faalogo i taupulepulega e faamasaatoto, ma o lē foʻi ua moeiini ona mata ina ia lē vaai ai i le mea leaga.+ 16  O le a nofo o ia i mea maualuluga;+ o le a avea papa ma ona malu e faigatā ona alu atu i ai se tasi.+ O le a avatu iā te ia lana meaʻai;+ e maua pea e ia le vai.”+ 17  O le a vaai ou mata i le matagofie o le tupu; e latou te vāai+ i se atunuu mamao.+ 18  O le a talanoa lou loto i se leo lemū+ e uiga i se mea mataʻutia: “O fea o iai le failautusi? O fea lē e faia totogi?+ O fea foʻi le tagata e faitauina ʻolo?”+ 19  E te lē toe vaai i se nuu faamaualuga, o se nuu e faigatā tele ona malamalama i la latou gagana, o se laulaufaiva tautoʻai e te lē malamalama ai.+ 20  Vaai atu i Siona+ le aai e fai ai aso o a tatou tausamiga!+ O le a vaai ou mata i Ierusalema o le mea e nofo filemu ai, o le faleʻie e lē tatalaina e se tasi.+ E lē aveesea lava ona pine, ma e lē motusia e se isi ona maea.+ 21  O i inā o le a avea ai Ieova o lē e malualii,+ o se nofoaga o vaitafe+ ma alāvai lautetele mo i tatou. E lē folau ai ni fuāvaa e fai foe, e lē folau atu ai foʻi se vaa telē. 22  Auā o Ieova o lo tatou Faamasino,+ o Ieova o lo tatou Faitulafono,+ o Ieova o lo tatou Tupu;+ o ia lava o le a faaolaina iā i tatou.+ 23  E matalatala maea; ma e lē mau i luga le fanā; e lē lelea foʻi le lā. O lea foʻi taimi o le a vaevaeina ai le anoanoaʻi o le vete; e ō atu foʻi o ē e pipili ma maua ai ni mea se tele ua faoa.+ 24  E lē fai mai foʻi se tasi ua nofo ai: “Ou te maʻi.”+ O le a faamagaloina agasala a i latou o ē o loo nonofo i le laueleele.+

Faamatalaga Pito i Lalo

I le gagana Eperu, o le “agaga.”