Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 31:1-9

31  Oi talofa iā i latou o ē ō ifo i Aikupito mo se fesoasoani,+ o ē e faalagolago i solofanua,+ ma faatuatuaina kariota o le taua,+ auā ua tele ia mea, ma solofanua, ua malolosi foʻi ae e lē faamoemoe atu i Lē e Paia o Isaraelu ma ua lē saʻili atu iā Ieova.+  E atamai foʻi o ia,+ ma o le a ia faaoo mai le malaia,+ e leʻi toe faafoʻisia mai e ia ana afioga;+ o le a ia tulaʻi foʻi faasaga i aiga o ē e fai mea leaga,+ ma faalēaogāina le fesoasoani ua avatu i ē o loo faia mea e tigā ai isi.+  O tagata o Aikupito ua na o ni tagata+ ae e lē o le Atua; o a latou solofanua o tino+ ia ae e lē o ni agaga. O le a faaloaloa e Ieova lona aao, ma e tautevateva lē e fesoasoani atu, e paʻū foʻi lē ua maua le fesoasoani,+ e oo faatasi uma i latou i lo latou iʻuga.  Auā o loo faapea ona fetalai mai Ieova iā te aʻu: “E pei ona gū le leona e oo foʻi i le leona+ taanoa i lana manu ua fasia, pe a ō atu faatasi leoleo mamoe e toʻatele e tulia o ia, e ui foʻi i lo latou alalaga atu e lē fefe lava o ia, ma e ui i lo latou pisapisaō e lē faavaivai ai o ia; e faapea foʻi ona afio ifo o Ieova o ʻau e faasagatau atu ona o le Mauga o Siona ma lona lava aʻega.+  E pei ona faapepepepe o se manulele e puipuia lana toloaʻi, e faapea foʻi ona puipuia Ierusalema e Ieova o ʻau.+ O le puipuia o ia o le a ia laveaʻiina ai o ia.+ O le faasaoina o ia o le a ia faaola ai o ia.”  “O outou le fanauga a Isaraelu e, ia toe foʻi+ i Lē na outou matuā fouvale i ai.+  Auā o lea aso o le a latou taʻitoʻatasi ma teena lona atua siliva lē aogā ma lona atua auro o mea noa ia,+ na faia e o outou lava lima mo outou ma outou agasala ai.+  E oti le Asuria i le pelu, e lē o se pelu a le tagata; o le a faaumatia o ia i se pelu ae e lē o se pelu a se tagata.+ E sola o ia ona o le pelu ma o le a faatigāina ona tauleleʻa i galuega mamafa.  O le a mou atu lona papa ona o le fefe tele, e matuā fefefe foʻi ona perenise ona o le faailo,”+ ua fetalai mai ai Ieova, o lē ua iai lona malamalama i Siona ma lana ogaumu+ i Ierusalema.

Faamatalaga Pito i Lalo